En la urbo Niš, lando Serbio, ekzistas terurega monumento kiu nomiĝas Ćele kula (Turo de kapoj).
Dum Unua serba ribelo kontraŭ turkaj okupantoj (komence de XIX jarcento), en la jaro 1809 (majo), post batalo sur la monto Čegar, apud vojo Niŝ – Istanbulo, turka ĉefestro de urbo Niš ordonis konstrui turon el kranioj de serbaj ribeluloj, kaj nun la turo estas, probable, unu el la plej teruraj monumentoj en la mondo.
El la kranioj de ribeluloj estis konstruita kvarangula turo alta tri metrojn. En la turo estas enmasonitaj en 57 tavoloj 952 kranioj de serbaj ribeluloj. Ili estas turnitaj vizaĝe al la kampo. Monumento estis konstrita por ektimigi ribelulojn.
Multaj vojaĝantoj tra Niš verkis pri tiu terurega monumento kaj kontraŭ turka vandalismo. Unu el ili estis konata franca poeto Alfons de Lamartin kiu en sia verko „Vojo sur Oriento“ (1833) skribis: „Serboj, gardu ĉi tiun monumenton. Ĝi atestu kaj instruuu al viaj infanoj kiel estas valora sendependeco de unu popolo kaj prezentu al ili kian koston de libereco pagis iliaj patroj“ kaj tiu teksto nun estas skribita sur monumento.
Dum tempo forfalis mortero kaj nun estis videblaj ĉirkaŭ 60 kranioj. Post la finita liberigo (en la jaro 1878) la turo estis kovrita kaj en la jaro 1892 ĉirkaŭ ĝi estis konstruita preĝejeto.