This form is secure
Send a message
Search for members
This post is public
Dum La dua kongreso de serbiaj esperantistoj, partoprenantoj de la kongreso vizitis unu el la plej malnovaj parkoj en Serbio (kaj Eŭropo), parkon ĉirkaŭ Instruista fakultato en Jagodina. La parko enhavas ĉirkaŭ 220 specojn de diversaj arbaj plantoj sur surfaco de 1,67 hektaroj.
La unua direktoro, Sreten Aĝiĉ, fondis la parkon de la Instruista lernejo kaj estis unu el la unuaj esperantistoj en Serbio. Li studis en Germanio kaj Aŭstrio, poste en skandinavaj landoj, kaj deziris ke lia lernejo, kiel similaj lernejoj en okcidentaj landoj, estu en bela, natura ĉirkaŭaĵo. Pro tio li de 1905 ĝis 1907, en surfaco ĉirkaŭ lernejo konstruis kaj preparis kvin lernoĉambrojn. Ĉiu lernoĉambro enhavas specifajn karakterizojn. En parko oni konstruis fruktoĝardenon, legomĝardenon, plantkulturejon de salikoj por lernado pri prilaboro de salikaĵoj ktp.
Plantojn sendis al li liaj amikoj el la tuta mondo. Inter plantoj en la parko ekzistas, ekzemple, ĉina ginko, amerika sekvojo, amerika blankfoliara acero, japana soforo, lebanona cedro, afrika tamariko...
Estas interesa malĝusta rakonto pri tio kial Sreten Aĝiĉ eklernis Esperanton. Dum balkanaj militoj pereis lia juna filo. La patro, trarigardante liajn librojn, malkovris lernolibron de internacia lingvo kaj kajeron, kie lia filo ekzercis Esperanton. Kiel honoro al sia filo, Sreten Aĝiĉ eklernis Esperanton, organizis la unuajn kursojn en la Instruista lernejo en Jagodino kaj tiamaniere faris bazon por lernado de Esperanto en tiu regiono. Nun jagodina Esperanto societo portas nomon de Sreten Aĝiĉ.
