Dima Ŝevĉenko's blog

Vi jam verŝajne scias, ke en 2012 Impeto festas sian 20-jariĝon. Tiu moskva eldonejo ĉefe okupiĝas pri eldonado de libroj en Esperanto kaj pri Esperanto. Krome ĝi estas la plej granda eldonisto de Esperanto-lernolibroj kaj vortaroj en Rusio. Gravas, ke "verdajn" librojn de eldonejo eblas aĉeti en la grandegaj librovendejoj de Moskvo kaj Peterburgo, popularaj retbutikoj, kio montas al la ekstera publiko, ke Esperanto estas viva lingvo.

Dum la lastaj jaroj Esperanto-eldonado de eldonejo Impeto pli kaj pli aktiviĝas. Ekz. en 2008 estis eldonitaj 8 titoloj (suma kvanto da paĝoj 1524), 3700 ekz.; en 2009 – 10 titoloj (suma kvanto da paĝoj 1988), 5200 ekz; en 2010 – 9 titoloj (suma kvanto da paĝoj 1784), 3400 ekz. kaj en la 2011-a jaro aperis 10 novaj libroj.

Ĉijare eldonejo Impeto sukcesis aperigi jam 4 novajn librojn en Esperanto:

Kiel la homo ekis pensi

HUNDA KORO, FATALAJ OVOJ

MIN TRAFIS FELIĈ’ ESTI RUSA PO…

ELKORE

Mi la vican fojon direktas mian demandon al spertuloj pri Ipernity.

Hieraŭ mi hazarde rimarkis, ke statistiko de la vizitoj, kiujn faris miaj amikoj al mia Ipernity-paĝo malpligrandiĝis sume pli-malpli je ĉirkaŭ 10.000. Post tio mi vizitis paĝojn de kelkaj esperantistoj kaj ekvidis la similan situacion.

Tio ne tre gravas, tamen kial tio okazis?

Parto de prezentantoj (VI Ling…

Vi jam verŝajne aŭdis pri la sukceso de pasinta Lingva Festivalo en Moskvo. Organizado kompreneble estas tre grava afero, sed partopreno de tiaj esperantistaj aranĝoj ne malpli gravas.
Do, hieraŭ la 22-an de aprilo, ni partoprenis la 6-an Lingvan Festivalon en Sankt-Peterburgo. Tiu ĉi urbo situas ĉ. 650 kilometrojn for de nia loĝloko, sed laŭ la rusiaj taksoj, tio estas bagatelaĵo. :))
La festivalo hazarde evidentiĝis bona, kelkaj fuŝetoj, kiuj rilatis al la organizado ne tre ĝenis kaj apenaŭ rimarkeblis (Karaj organizantoj, sekvontfoje konsideru ilin! :)). Okazis kelkdeko da diversaj lingvaj prezentoj kaj kelkaj prelegoj, rilataj al lingvistiko. Pluraj prelegantoj venis de la aliaj urboj kaj eĉ de la aliaj landoj.
Kompreneble kaj tradicie ankaŭ ni havis kelkajn prezentojn. Anna prelegis pri "Lingvo de fabeloj". Interalie tio estas vasta temo, kiu rilatas al defendita de ŝi magistra disertacio, nuntempe similteme ŝi planas defendi la doktoran. Kelkajn artikolojn pri tio vi povas trovi en nia retejo pri fabelaj mondoj. Post la prelego aŭskultantoj vizitis nian fabelan ekspozicion, kiu ĉi foje estis tro malgranda pro la maloportuna vojo. Kadre de diversaj programeroj, okazis prezentadoj ankaŭ de esperantista eldonejo Impeto. Dum la solena fermo de festivalo ĉeforganizanto Slavik Ivanov laŭdis agadon de eldonejo Impeto pro tio, ke ĝiaj libroj estas reprezentitaj en la grandegaj librovendejoj de Sankt-Peterburgo, kio estas ege valora kaj utila afero por Esperanto-movado.

Esperanto dum festivalo estis sufiĉe bone prezentita: okazis prelegoj pri ĝi kaj t.n. "paroliga klubo de Esperanto". Dum la lasta okazis io simila al la tradicia E-lingva kluba kunveno, kie ni pridiskutis kelkajn gravajn aferojn pri E-movado en Rusio, ĉefe la estonton de lingvaj festivaloj en Rusio kaj ilian rolon en disvastigo de Esperanto.

Mi atendas solenan malfermon d…

Ni dankas Slavik Ivanov la ĉefan organizanton pro la sukcesa festivalo!

Nuntempe en diversaj landoj kreskas movado de la Lingvaj Festivaloj. Komence de 2012-a jaro jam okazis pluraj festivaloj en Rusio: Moskvo, Uljanovsk, Kaluga, hieraŭ ankaŭ en Peterburgo. Indas noti, ke LF en Kaluga, kiu okazis 21-an de aprilo, verŝajne estis la unua rusia LF, kiun organizis ne esperantistoj. Ĉijare kadre de ĝi Esperanto iel estis reprezentita, sed kiu scias, kio okazos sekvontjare...
Okazis ankaŭ festivalo en Kievo (Ukrainio).

Anna antaŭ la prelego (VI Ling…

APERO-6

Hieraŭ mi kun Anna vizitis Esperanto-renkontiĝon APERO-6. Ĝi evidentiĝis tre bona, etosoplena kaj laŭ mia opinio tre sukcesa.
La aranĝon organizis moskva klubo "EK MASI", kiun gvidas Irina Gonĉarova. Ĝin partoprenis 40-50 diversaĝaj geesperantistoj, inter kiuj estis kelkaj komencantoj, progresantoj kaj ankaŭ tiaj grandaj esperantistoj, kiel ekz. Mikaelo Bronŝtejn, Sergeo Straŝnenko ka.
Okazis pluraj programeroj: koncertoj, trejnadoj, prelegoj kma.
Sabate, dum la renkontiĝo ni aranĝis du programerojn. La unua el ili estis nia prezentado de la esperanta projekto Fabelaj Mondoj. La dua estis dediĉita al la Esperanto-eldonejo Impeto kaj ĝia ĉijara 20-jariĝo. Krome Mikaelo Bronŝtejn sukcese prelegis pri famaj rusiaj sciencfikciaj verkistoj fratoj Strugackij.
Ĉiuj partoprenantoj de APERO-6 parolis nur en Esperanto. Ne miru! Mi ne ŝercas: aŭdiĝis preskaŭ neniu krokodila frazo ĝenerale! La "nululoj" (ne miksu kun komencantoj :) ), kiuj malbone konas la lingvon estis devigataj simple silenti...

Anna

***

Bedaŭrindas, ke nuntempe la ĉefaj Esperanto-iniciatoj en Rusio okazas sen kunlaboro/subteno/interesiĝo ktp. de la antaŭe relative potenca rusia E-organizo REU. Pluraj E-kluboj, eldonejoj, diversaj grupoj de esperantistoj en Rusio agas tute sendepende de la landa asocio, plejparte plensukcese. Mi jam blogis ekz. pri la agado de eldonejo Impeto, klubo Kariljono en Peterburgo, Lingva Festivalo en nia universitato, kiu kolektis pli ol 1200 gastojn kaj pluraj aliaj "ekstermovadaj" iniciatoj. Ekzistas multe da aliaj!

Preskaŭ eksterteme. Nuntempe Esperanto-movado en nia lando suferas sufiĉe krizan periodon. Nia loka asocio, kiu estas oficiala reprezentanto de rusia esperantistaro ĉe UEA, provizore fiaskis. Dum la lastaj jaroj tiu ĉi organizo: nuligis plurajn tradiciajn rusiajn Esperanto-eventojn, kiuj antaŭe estis relative popularaj kaj amasaj; ne plu okupiĝas pri la eldonado de la paperaj revuoj, libroj, bultenoj ktp.; jam multajn jarojn ne havas propran libroservon, ne okupiĝas pri distribuado aŭ almenaŭ prezentado de la monda Esperanto-literaturo (krome ĝi ne havas E-bibliotekon kaj sidejon); ĝia retejo estas malmoderna kaj en ĝi apenaŭ aperas iuj gravaj novaĵoj (vidu E-version, vidu ruslingvan version; temas pri kelkaj, plejparte "malunikaj" kaj "marĝenaj" novaĵoj. Vidu, en 2011 aperis 6 "novaĵoj" en E-versio kaj 1 (!) en la rusa).

Verŝajne, vi jam legis mian artikolon La prezidanto de REU malsukcesis, ĉar “neniu bezonas ion ajn”. Ĝis nun mi ricevis neniujn objektivajn respondojn al miaj demandoj flanke de REU. Pluraj rusiaj esperantistoj diversforme konstatis, ke mi traktis la situacion ĝuste kaj verece. Mi uzas la eblecon ankoraŭfoje danki ilin pro ilia saĝa kaj kuraĝa subteno!

Butersemajna karnavalo

En Ipernity min ofte demandas esperantistoj, kial mi preskaŭ nenion blogas pri Rusio, rusia kulturo, tradicioj ktp.
Do nun mi skribu iomete pri la rusa kulturo, pri ĝia eta, sed agrabla ero - festo, kiu nomiĝas Butersemajna karnavalo (ruslingve: Масленица). Tio estas antikva pagana tradicio, kiu fakte aperis plejverŝajne tiam, kiam la nunaj naciecoj ne ekzistis ĝenerale. Similajn tradiciojn oni povas trovi en la kulturoj de pluraj popoloj. Ekzemple, en Vikipedio vi povas legi esperantlingvan artikolon pri Karnavalo, kiun oni festas en katolikaj landoj. Tiuj ĉi festoj havas plurajn komunajn trajtojn. "Buteraj tagoj" daŭras la tutan semajnon kaj kulminas per la dimanĉa Butersemajna karnavalo. Dum ĝi oni adiaŭas vintron, bruligante ĝian remburitan figuron, ĝissate manĝas blinojn (krespojn), okazigas plurajn ludojn kaj konkursojn, kantadas kaj dancadas.
Hodiaŭ mi kaj Anna kune kun miloj da aliaj partoprenis tiun ĉi festegon. Ĝi okazis pli ol 40 kilometrojn for de Moskvo. Por atingi la lokon ni bezonis vojaĝi ĉ. 3 horojn tien kaj same reen. Estas interese, ke Anna antaŭe kreis kelkajn pupetojn, kiuj rilatas al tiu ĉi festo. Iliajn fotojn eblas trovi en nia ruslingva retejo pri Fabelaj Mondoj.

Butersemajna karnavalo

Do, pri nia aventuro.
Por ni ĉio komenciĝis per la frumatena ellitiĝo, post kiu ni ĉirkaŭ unu horon vojaĝis per metroo kaj post tio ankoraŭ proksimume unu horon veturis per la regiona trajno (estas interese, ke la kutimaj pasaĝeroj estis ŝokitaj pro la amasa plenŝtopiĝo de la trajno, ĉar kutime dimanĉe frumatene oni povas vidi apenaŭ 2-3 pasaĝerojn ĉiuvagone). Post tia sufiĉe longa veturado, nin atendis nova aventuro - ni devis piedmarŝi tra la arbaro preskaŭ 40 minutojn. Ajna transporto tie mankis, eĉ peraŭte la lokon atingi apenaŭ eblis. Tamen la paŝado estis agrabla, ĉar pluraj centoj da gajaj festantoj kuniris kaj ni eĉ ne pensis, ke ni povas enui. :) Finfine ni venis al la loko, sed laŭ la tradicio oni ne rajtis enlasi nin libere al la ĉefa festa kampego, kiu estis protektita per la firma konstruita el la neĝo barilo. Estis du eblecoj por eniri: eblis distri la gardistojn per la kanto aŭ danco ĉe la ĉefa enirejo aŭ uzi la alternativan varianton: malvastan tunelon, kie apenaŭ eblis rampi. Sed tio ne estas la plej interesa afero! Dum vi rampas tra la tunelo, infanoj aktive atakas vin per la neĝaj buloj! Nekredeble! Post tio vi duonfreneza elrampas el tiu truo plenŝtopita per la neĝo! :) Sed vi estas tre gaja kaj bonhumora! :) Poste sekvis kelkaj freneze agrablaj horoj de

Butersemajna karnavalo

dancado, kantado, diversaj paralelaj konkursoj, kiuj pasis en diversaj lokoj de la kampego. Fotojn de kelkaj el ili vi povas vidi sube kaj se vi havos iujn demandojn, precizigojn aŭ klarigojn, komentu ĉi tiun blogaĵon kaj mi nepre respondos al vi. La ĉefaj programeroj de la festego estis sieĝo de la grandega neĝa fortikaĵo kaj la tradicia bruligo de remburita figuro akompanata de la amasa dancado.
Tio estas tre imprese! Ĉu ne? :)

Butersemajna karnavalo

Butersemajna karnavalo

Butersemajna karnavalo

Butersemajna karnavalo

Butersemajna karnavalo

6-a Moskva internacia lingva f…

La 6-a Moskva internacia lingva festivalo en nia universitato sukcesis!
Mi jam skribis ĉiteme antaŭe: www.ipernity.com/blog/dima_sxevcxenko/372903
Venis ĉirkau 1200 gastoj, estis prezentitaj pli ol 70 lingvoj, okazis pli ol 160 progameroj sume. Festivalo iĝis la plej amasa en la historio de moskvaj lingvaj festivaloj. La eventon ĉeestis pluraj amaskomunikiloj. Krome, la estraro de mia fakultato ne nur subtenis la festivalon, sed multfoje publike subtenis Esperanton.
Dum la festivalo nia lingvo estis senprecedente vaste reprezentita. Krome okazis nia tradicia fabela ekspozicio, kiun vizitis centoj da vizitantoj, kaj ankaŭ prelego pri lingvo de la fabeloj, al kiu venis pli ol 60 personoj.


Alklaku por legi detalan raporton pri la evento!

6-a Moskva internacia lingva f…

6-a Moskva internacia lingva f…

Ni kun Jo Haazen

La 19-an de januaro ni (mi kaj Anna Striganova) vizitis Esperanto-klubon "Kariljono" en Peterburgo, kien invitis nin ĝia gvidanto Jo Haazen, fama esperantisto kaj kariljonisto el Belgio. La klubo troviĝas en centro de Peterburgo (Rusio), ene de la fama fortikaĵo de Petro kaj Paŭlo. La kunvenon ĉeestis ĉirkaŭ 30 esperantistoj. Ni kune kun Anna prelegis preskaŭ du horojn. Ĉefe temis pri la Esperanto-ĵurnalismo kaj ĝia rolo en la moderna epoko.
Kompreneble tie ni inter ĉio prezentis niajn esperantajn retajn projektojn, Fabelajn Mondojn kaj Esperanto-eldonejon Impeto:
fabelo.trovu.com
impeto.trovu.com

Ni ankaŭ anoncis pri la 6-a Moskva internacia lingva festivalo (www.ipernity.com/blog/dima_sxevcxenko/372903 ) kaj kelkaj klubanoj ekintencis partopreni la aranĝon.

Pri tiu nia kurta Esperanto-vojaĝo estis publikigita la novaĵo en la ruslingva retejo de mia katedro. Jen:
kafedramk.ru/content/nashi-aspiranty-vystupili-v-petropavlovskoj-kreposti

Peterburgo

La publiko komencis kolektiĝi.…

Mi prezentas Ipernity :)

Fortikaĵo de Petro kaj Paŭlo

Ŝipeto Narklo

Inter 8 recenzoj, kiuj estis publikigitaj en paĝaro de la konkurso "Verda Plumo", pri kiu mi skribis en la antaŭa blogaĵo, aperis ankaŭ absolute nova recenzo pri nia bildfabela libro "Ŝipeto Narklo".

Vi povas legi ĝin ĉitie:
trovu.com/plumo/sxipeto_narklo

Se ĝi plaĉas al vi, bv. voĉdoni por ĝi havu eblecon gajni la konkurson!

En 2012 “Impeto” havos 20 jarojn. Dum tiuj jaroj la eldonejo aperigis 129 librojn en kaj pri Esperanto. Okaze de la venonta jubileo, ni organizas konkurson de literaturaj recenzoj. Partopreni ĝin povas ajna esperantisto, kiu sendos recenzon pri ajna libro de “Impeto” al la konkursa adreso. Recenzoj povas esti jam publikigitaj, novaj, kun subskriboj de veraj nomoj aŭ de pseŭdonimoj. Ni atendas literaturajn recenzojn, t.e. ke ili unuavice malfermu sencon de la verko aŭ ĝia parto, klarigu problemojn, kiujn levis la aŭtoro, montru aktualecon (aŭ ne) de la verko, faru komparon kun aliaj aŭtoroj.
La konkurso okazos en du etapoj:
1. La venintaj recenzoj estos publikigataj en interreto, kie eblos esprimi sian opinion pri la recenzo kaj aljuĝi poentojn povos iu ajn deziranto.
2. Dum la dua etapo la recenzoj, kiuj ricevos pli multe da poentoj, estos juĝataj de niaj aŭtoroj mem. La plej bonaj recenzoj estos publikigitaj en periodaĵoj “REGo” kaj “Scienco kaj kulturo”. La aŭtoroj de la plej interesaj recenzoj ricevos de la eldonejo pormemorajn donacojn, la gajninto – 100 eŭrojn.
Recenzoj estas akceptataj laŭ la retadreso: recenzo@impeto.ru ĝis la 30-a de oktobro 2012, pri la rezultoj de la konkurso ni anoncos la 15-an de decembro 2012. La solena celebrado de la gajnintoj okazos decembre 2012 en Moskvo.

Paĝaro de la konkurso.

Nuntempe mi kune kun Anna Striganova estas instruistoj de Rusia Universitato de Amikeco inter la Popoloj. Krome ni ambaŭ planas doktoriĝi tie post 1-2 jaroj.
Tiu ĉi universitato estas unu el la plej grandaj en Rusio kaj en Eŭropo. Kadre de ĝi studas 35 mil studentoj el pli ol 150 landoj, kiuj reprezentas pli ol 450 naciojn. En ĝi konstante laboras ĉirkaŭ 7 mil instruistoj, servistoj kaj administrantoj.
Post multaj malfacilaĵoj Anna kaj mi sukcesis interkonsenti kun la plej supraj instancoj de la universitato (rektoro, vicrektoroj ka.) pri tio, ke kadre de ĝi esperantistoj organizos la 12-an de februaro la 6-an Moskvan internacian lingvan festivalon (interalie tio estas inventaĵo de la fama esperantisto Dennis Keefe). Laŭ la anticipaj taksoj ĝi devas kolekti pli ol 1000 partoprenantojn. Etan esperantlingvan tekston pri tio vi povas trovi ĉitie.

Esperanto. Ni strebas, ke ĉifoje nia lingvo estu reprezentita laŭeble pli bone kaj vaste. Pro tio ni lanĉis specialan informcentron ĉirkau la aranĝo, kie krom ĉio aperos informoj pri Esperanto. Krome, la unuan fojon en historio de moskvaj Lingvaj Festivaloj ni organizos Esperanto-standon. Kompreneble, tradicie oni mencios multfoje, ke eventon organizas la esperantistoj kaj la lingvo mem estos reprezentita kelkfoje dum la ĝenerala programo.

Ni jam antaŭlonge okupiĝas pri disvastigo de Esperanto en nia universitato kaj ĝenerele en la rusiaj sciencistaj medioj. Vi verŝajne jam legis pri mia sukcesa defendo de la magistra disertacio pri Esperanto-periodaĵoj.

Lastatempe ni ofte aperigas artikolojn kaj anoncojn favorajn al Esperanto en la paperaj kaj interretaj amaskomunikiloj de universitato. Krome, ni sukcesis kapti pozitivan atenton, rialte al nia lingvo de la diversaj gravuloj el nia universitato, kio fakte ebligis realigi tian grandiozan eventon, kiel Lingva Festivalo.

Do, se vi aŭ viaj parencoj/amikoj vizitos Moskvon la 12-an de februaro, nepre venu kaj partoprenu la plej gravan eventon, kiun organizas esperantistoj en Rusio!

Dum la silvestra balo

Vi verŝajne jam havis eblecon vidi kelkajn niajn fotojn, kiun ni faris dum la tradicia Novjara Esperanto-renkontiĝo IF:
www.ipernity.com/blog/dima_sxevcxenko/369735

Ĉifoje Internacian Festivalon gastigis germana urbo Xanten, kiu situas proksime de la nederlanda landlimo.
Ĉijare ni kune kun mia edzino Anna Striganova (www.ipernity.com/home/108484) tre aktive kontribuis al la programo de festivalo.
La 28-an de decembro ni kun helpo de Mikaelo Bronŝtejn kaj Sergeo Straŝnenko organizis koncerton, kiu nomiĝis "Rusa Vespero".
Dum ĝi ni prezentis teatraĵon, kiun verkis Anna, estis demonstrataj ŝiaj belaj fotoj de la rusia naturo, sonis kantoj kaj muziko.

Prelego pri eldonejo Impeto

La 29-an de decembro ni prezentis faman Esperanto-eldonejon Impeto, kiu en 2012 havos 20-jariĝan jubileon. Pli detalan raporton pri Impeto dum IF vi povas vidi en la retejo de eldonejo:
impeto.trovu.com/if28
Dum la unua tago de la 2012-a jaro ni kun Anna tradicie voĉlegis niajn bildfabelojn, kiuj estas origine verkitaj en Esperanto. Kompreneble, ni volĉlegis ankaŭ verŝajne konatan al vi "Ŝipeton Narklon".
La 2-an de januaro ni havis eĉ du prelegojn. La unua nomiĝis "Esperantaj retoj 2.0". Tie ni rakontis pri interretaj projektoj, kiujn kreis aŭ partoprenas esperantistoj. Post la prelego okazis vigla kaj fruktedona diskutado kun la partoprenantoj.

28-a IF. Prelego pri eldonejo…

Kompreneble inter ĉio temis ankaŭ pri tiaj retoj, kiel Esperanto.com, Klaku.net ka.
Dum la dua prelego ni prezentis nian projekton "Fabelaj mondoj". Resumon pri la projekto antaŭnelonge mi jam publikigis en Ipernity (www.ipernity.com/blog/dima_sxevcxenko/365936). La prezentado vekis realan intereson de la ĉeestantoj.

Ĉiun el niaj programeroj (krom "Rusa Vespero", kie ĉeestis pli malpli la tuta IF-anaro) partoprenis ĉirkaŭ po 15-25 personoj.

Kompreneble, jam iĝinta tradicia fabela ekspozicio ankaux okazis. Por ĝi Anna speciale portis kelkajn novajn fabelajn estaĵojn kaj pentraĵojn.

Cx, Sx, Jx, Ux, cx, hx...

Ne funkcias...

Kial? Cxu la nova Ipernity-versio jam ne plu enhavas trasforman sistemon por la Esperanto-literoj en la teksto de la artikolo?

Kelkajn fotojn pri tiu cxi Esperanta-evento vi povas vidi en mia spaco cxe Ipernity. Tamen Ipernity-sistemo havas limigon pri la spaco kaj pro tio mi ne sukcesis aldoni cxiujn fotojn.

Tamen vi povas trovi pliajn fotojn en la diversaj lokoj:

1. Ipernity-spaco de Anna Striganova:

www.ipernity.com/doc/108484/album/260694

2. Mia albumo pri IF cxe Esperanto.com:

esperanto.com/enhavo/fotoj-de-anna-striganova-dum-la-28-internacia-festivalo

3. Albumo de Anna cxe Esperanto.com:

esperanto.com/enhavo/if-28-xanten

Kelkajn fotojn vi povas trovi ankaux en mia spaco cxe Facebook.

Kiel la homo ekis pensi

Jam aperis la unua libro, per kiu Impeto komencas esperantan eldonagadon de la jaro 2012:

Nikolao Gudskov
Kiel la homo ekis pensi
Eseoj pri la helena filozofio
Originale verkita en Esperanto

Respondeca redaktoro Aleksandr Ŝevĉenko
Moskvo: Impeto, 2012. – 288 paĝoj.
ISBN 978-5-7161-0235-4

Ĉu la homo pensas? Kiu estis la unuaj sep saĝuloj? Ĉu vere Pitagoro mem pruvis la faman teoremon de Pitagoro?
La libro popularforme rakontas pri naskiĝo kaj evoluo en Antikva Grekio dum 600–300-aj jaroj antaŭ nia erao filozofia kaj scienca pensado, pri kialoj de tiu fenomeno, pri atingoj de helenaj pensuloj, kiuj ĝis nun estas aktualaj.

Pliajn informojn vi povas trovi en la retejo:
www.impeto.trovu.com/gudskof_filosof

Feliĉan Novan Jaron kaj festotagojn!

Drako de infaneco de Anna Stri…

Lastatempe multaj esperantistoj interesiĝas pri tio, pri kio temas nia projekto "Fabelaj mondoj" (kio rilatas niajn retajn kaj movadajn projektojn, mi pensas, ke ĉio klaras :) ).

Por ni estas malfacile refoje respondi la samajn demandojn (tamen ni strebas :) ).

Ni (mi kaj Anna Striganova) volas iom resumi pri tiu ĉi nia grava ero de la vivo.

Do, se ni ne povos respondi, kiam oni la cent(mil)an fojon demandos ĉe ni: "Kio do finfine estas tiuj ĉi viaj "fabelaj mondoj"?", ni respondos: "Vidu la blogaĵon, tie ni ĉion priskribis". :)

Sekvas tre kurta priskribo.

Fabeloj. Ni verkas filozofiajn fabelajn novelojn kaj eĉ la romanojn! :) Ofte origine en Esperanto.

Fabeloj? Ĉu ili estas por la infanoj? Ne! Ili estas sufiĉe seriozaj kaj celas la plenkreskulojn, nu ni diru 14-1000000000 jarojn aĝajn!

Se vi volas iom pli detalan klarigon pri tio, vi povas legi du ampleksajn artikolojn ĉirilate en Esperanto:

http://fabelo.trovu.com/samaj_motivoj

http://fabelo.trovu.com/lingvo_de_fabeloj

La plej gravajn partojn de tiuj ĉi artikoloj kreis Anna Striganova, ĉar ŝi interalie estas magistro pri literaturaj sciencoj (nekredeble!), defendis disertacion pri mitologio, kaj planas baldaŭ doktoriĝi pri la sama fako.:)

Tre kurtan artikolon kun la belegaj fotoj pri ŝia defendo vi povas trovi en mia blogo ĉe Ipernity: blog/55113/257531

Estas interese, ke ni ambaŭ nun laboras kaj science agadas en la universitato, kiu portas simbolan por ni nomon "Universitato de amikeco inter la popoloj" (interalie unu el la plej grandaj en Rusio).

Nu, mia fako, kiel vi scias, estas pli modesta - "ĵurnalismo". Mi defendis tie en 2010 la magistran disertacion pri Esperanto (kaj baldaŭ esperas defendi la doktoran ankaŭ pri Esperanto).

Legu popularan blogaĵon (kun pli ol 2000 vizitoj) ĉe Ipernity pri tio :) - http://www.ipernity.com/blog/55113/252420

Do, pri la fabeloj. Nuntempe plejparte ili elŝuteblas senpage en PDF kaj HTML. Jen la ligiloj:

http://libroj.esperanto.com/

http://fabelo.trovu.com/la_tero

Subtera suno

Tamen ni ankaŭ papere eldonis nian kolekton el 2 fabelaj noveloj "La tero, kiu volis forflugi", kiu jam elĉerpiĝis (kelkaj ekzempleroj restis ĉe UEA: http://katalogo.uea.org/katalogo.php?inf=8271).

Ni planas lanĉi la duan eldonon de ĝi tre baldaŭ...

Baldaŭ ĉe eldonejo Impeto presforme aperos ankaŭ la aliaj fabelaj noveloj, kiujn ni verkis.

Interalie tiu ĉi libro estis eldonita ankaŭ ruslingve:

http://www.ozon.ru/context/detail/id/4842856/

Bildfabeloj. Ni kreas ankaŭ la bildfabelojn. Nu, Anna Striganova plejparte tion talente pentras en 3-dimensia komputila mondo. Mi nur modeste ion konsilas aŭ kunverkas la tekstojn. Ni multfoje voĉlegis ilin kaj montris sur la ekrano dum la diversaj Esperanto-renkontiĝoj.

Ni eĉ sukcesis paperforme eldoni nian sufiĉe popularan "Ŝipeton Narklon" en la plenkolora formo: http://impeto.trovu.com/fabelaj_mondoj/narklo

Ŝipeto Narklo

"Garĝoĉjon" ni dume ne eldonis (tamen ni verŝajne tion baldaŭ faros): http://impeto.trovu.com/fabelaj_mondoj/gargochjo

Ni ankaŭ multon alian pentras por Esperanto en 3D... :))))

Pupetoj de Anna Striganova. Ili estas popularaj, kaj do preskaŭ ne bezonas la reklamadon. Nuntempe ekzistas ĉirkaŭ mil (!) da ili - etaj, mezaj, grandaj, grandegaj!

Komence ni metis iliajn fotojn al nia ruslingva retejo - http://pero.su

Poste la retejo tre rapide populariĝis:

http://www.ipernity.com/blog/55113/241251

Do ni kreis (verdire iom pli kurtan) esperantlingvan version de retejo - http://fabelo.trovu.com

Krome ni multfoje prezentis la ekspoziciojn kun ili dum pluraj Esperanto-renkontiĝoj (Rusio, Pollando, Germanio, Danio ka.).

Plurajn belajn fotojn pri tio vi povas trovi en mia Ipernity-spaco. :)

Estas interese, ke ofte oni volas aĉeti pupetojn de Anna. Sed ni tamen neniam vendas ilin! Kial? Ĉar ili ĉiuj estas unikaj...

Anna tamen ofte donacas kelkajn el ili al la bonkoraj homoj, kiuj ne ofendos ilin. :)

Krome ekzistas diversaj aliaj fabelaj aferoj, pri kiuj okupiĝas Anna Striganova. Ekzemple, ŝi pentras grafikaĵojn, kiujn ŝi nomas "skizoj":

http://fabelo.trovu.com/skizoj

Krome Anna diversstile ilustras Esperanto-librojn. Ni menciu nur la lastajn per la rektaj ligiloj al la retpaĝo de la eldonejo:

http://impeto.trovu.com/prozo/knabo

http://impeto.trovu.com/lernolibroj/dinjo

http://impeto.trovu.com/lernolibroj/mamutido_3

http://impeto.trovu.com/prozo/goblinsk

Dume ĉio!

Dankon pro la atento!

Eldonejo Impeto en 2011

Dum la plenaj 19 jaroj Impeto aperigis 249 librojn, el kiuj al Esperanto apartenas 128 titoloj (detale vidu: http://impeto.trovu.com/images/E-bibliografio.pdf). En la jaro 2011 estis eldonitaj 10 novaj Esperanto-libroj en suma eldonkvanto 4650 ekzempleroj. Dum la jaro el la Esperanto-stoko vendiĝis 2816 libroj, 365 librojn la eldonejo disdonis kiel aŭtorajn honorariojn kaj 84 senpagaj ekzempleroj iris al ŝtataj bibliotekoj. Antaŭ 2 jaroj ekfunkciis enlanda interreta librejo de Impeto (www.lernolibro.ru), kiu en 2011 duobligis la kvanton de venditaj libroj kompare kun la jaro 2010. Lastatempe la eldonejo aranĝis prezentadon de siaj libroj en 3 renkontiĝoj: IF (Germanio, decembre de 2010), UK (Danio) kaj LF (Rusio). Tradicie, la plej verkemaj aŭtoroj iĝis Mikaelo Bronŝtejn kaj Nikolao Gudskov...

Detalan artikolon pri la eldonjaro 2011 de Impeto eblas legi ĉitie:

impeto.trovu.com/impeto_2011

Hodiaŭ mi kune kun Anna matene promenis al la arbareto-parko, kiu situas apud la bordo de rivero, kiu havas la saman nomon kun nia urbo - Moskvo. Apud ĝia rando ni renkontis virinon, kiu promenis kun la eta hundeto, kiu estis vestita en la jaketon :). Mi nun ne serĉu, kiel la hundo nomiĝas en Esperanto, ekz. en la franca ĝi nomiĝas "Yorkshire Terrier": fr.wikipedia.org/wiki/Yorkshire_Terrier

Post ĉirkaŭ minuto aperis rapide kuranta grandega hundego, kiu verŝajne volis ludi kun la eta hundeto, sed la lasta ektimis kaj komencis forkuri. La granda hundego persekutis ĝin ĝis la aŭtomobila vojo kaj haltis. Stulta eta hunĉjo ekkuris tra la vojon kaj la aŭto (ĝi veturis kun la rapideco 30-40 km/h) frapis ĝin :(

La frapo estis tiom laŭta, ke koroj ĉe mi kaj Anna forte ekbatis pro la ŝoko kaj ni dum la kelkaj sekundoj pensis, ke la kompatinda hundeto pereis. Tamen, kiel ni ekĝojis, kiam post kelkdek sekundoj ĝi ekkuris al la alia flanko de la vojo kaj malaperis inter la domoj! :))

Ĝia mastrino ekiris serĉi ĝin. Ni kun Anna decidis komence fari nenion kaj ekiris plu promeni, ĉagrene diskutante la aferon. Post ĉ. 20 minutoj ni revenante ekvidis ŝokitan mastrinon, kiu ĝis tiu ĉi tempo ne retrovis la hundeton.

Anna proponis iom helpi ŝin. Ni nenion diris al la mastrino kaj komencis serĉi la hundeton. Post kelkdek minutoj Anna trovis ĝin en la angulo inter la domoj. Ĝi sidis senmove kaj tremis.

Sed tio ankoraŭ ne estis fino de la aventuro. Ni ne sciis kie estas la mastrino kaj kien ŝi iris. Anna restis gardi hunĉjon, kiu bojis kaj ne volis, ke ŝi prenu ĝin per la manoj. Mi iris por serĉi jam la mastrinon. Tio estis ne tre simpla (en la distrikto kun la pluraj centmiloj da loĝantoj), sed mi bonŝancis kaj ekvidis ŝin sopire paŝantan.

La historio pozitive finiĝis. La hundeto troviĝis kaj estas sufiĉe sana, nur povas esti, ke ĝi havas malgravan vundon de la piedeto (eĉ la sango mankis). Por mi estis la vica atesto, kiel eĉ ne la sekundo, sed eta parto de ĝi ŝanĝas la okazaĵon. Se la hundeto ekkurus malpli ol unu sekundon pli aŭ malpli frue tra la vojo - la aŭtoj simple dispecigos ĝin. Do, la feliĉa fino!!!

Niaj kun Anna fabelaj noveloj "La tero, kiu volis forflugi" kaj "Vojo laŭ maro" nun estas elŝuteblaj senpage.

Klaku:

libroj.esperanto.com

La papera varianto estas nuntmpe plene elĉerpita (restis nur kelkaj ekzempleroj en la libroservo de UEA - katalogo.uea.org/katalogo.php?inf=8271 ).

Ni tre ĝojus, sed post la tralego vi esprimos vian opinion: ĉu per la recenzeto, ĉu per la eta komento!

Bildfabelo "Ŝipeto Narklo" dume restas, ĉar ĝia eldonkavnto estis pli granda, tamen ĝi ankaŭ tre rapide disaĉetiĝas:

katalogo.uea.org/katalogo.php?inf=8475