Stultaj Homoj--kaj kie estas Jesuo Kristo, kiam mi bezonas lin?

Mi ja laboras kun la publiko. Pli precize mi laboras en publika biblioteko. Plejparte respektas homoj nin kaj la bibliotekon, sed nature ekzistas kelkaj kiuj ne respektas nin. Hodiaŭ venis vere kelkaj frenezuloj, ĉiuj dum la sama tago, kaj mi aŭdis kelkaj nekredeblajn stultaĵojn de ili.

Ĉi-posttagmeze, eble je la 16.00a, venis strangaspektanta homo al mi. Dum preskaŭ 10 minutoj li demandadis pri strangaj aferoj, kiuj havis nenian klaran signifon aŭ sintenon. Li diris al mi, ke li venis ĉar li estis aŭdinta ke ni vendas ĉapelojn ĉi tie, kaj ke li bezonis ion por kovri lian kapon, ĉar ĝi tiam pluvis ekstere. Mi diris ke ni ja estas biblioteko, kaj ke li iru al vestaĵvendejo. Li enuiĝis kaj diris ke kion li volis aĉeti estis piedpilkkasko tiucele (por Usonstila piedpilko, ne por piedpilko aŭ futbalo kiel scias la resto de la mondo). Usona piedpilko iom similas al rugby, kaj la kaskoj por tiu sporto aspektas jene:

Football Helmet

Por tiuj, kiuj ne scias, la respondo estas ne. Bibliotekoj tie ĉi ne vendas tiajn aferojn, kaj ni ne uzas ilin por kovri la kapon dum pluvado en Usono!

Li diris, "Vi ja vendu ilin tie ĉi! Kial vi ne vendas ilin tie ĉi?" Mi respondis ke sportvendejo havas tiajn aferojn. Li demandis, "Se mi revenos je la jaro 2018, ĉu vi tiam vendos ilin?" Mi tute ignoris la demandon kaj ne respondis. Nature, mi esperis ke li atendus almenaŭ ĝis tiu jaro por reveni denove!

Li faris similajn demandojn, tute rapide. "Kiel mi atingu laboron ĉi tie?" Mi donis al la la adreson de la ttt-ejo kie oni reĝistriĝas por fari tion. Li demandis, "Se mi venas ĉi tien je la jaro 2018, ĉu mi povas akiri laboron?".

"Kiam vi malfermos sabate?" Mi respondis, "Je la naŭa." Li diris ke li volis veni je la 6.45 matene kaj volis eniri. Mi nur respondis "Tio ne eblas." Lia tono estis iom disputetema. "Vi estu malferme ĉiam!" li diris ktp ktp. Li postulis helpon trovi libron. Mi diris ke li parolu kun la bibliotekistoj ĉe la Informejo. Ankaŭ li ŝajnis ne ŝati tiun respondon. Li demandis kie estas telefono, ktp ktp.

Mi pensis al mi mem, "Ho, Jesuo Kristo!". Tuj post tiu momento, mi pensis al mi mem, "Ho jes, mi forgesis. Jesuo Kristo ja ankaŭ vizitas mian bibliotekon!" Mi estis preskaŭ forgesinta.

http://www.ipernity.com/blog/david_dougherty/135613

Kaj nun kie estas Jesuo kiam mi vere bezonas lin? Jesuo estis tie antaŭ eble unu semajno.

Ĉi-foje savis min mia kolaborantino. Ŝi diris "Mi trovos la ĉefon kiu helpos al vi!". La homaĉo tuj malaperis.

Post unu aŭ du horoj pli venis alia frenezulo al mi kaj faris demandon. Ŝi jam alparolis min antaŭe. Kutime kiam ŝi venas, ŝi petas helpon, ĉar ŝi diras ke iuj strangodorantaj kaj strangodorantoj eksterlandanoj kiuj eĉ ne parolas la anglan forĵetis ŝin el ŝia propra domo kaj ĉu mi povas helpi al ŝi?

Ĉi-foje ne. Ŝi diris al mi, "Kiam policisto venas la vi kaj kreas problemon, la raporto de la afero estas trovebla rete, ĉu ne? Aŭ se ne, la policisto ankoraŭ mem persone posedas ĝin, ĉu ne?"

Mi respondis ke mi havas neniun ideon. Mi ankaŭ vere ne volis demandi pri la detaloj de ŝia rakonto. Ŝi tutsimple diris, "Ho, okej, vi ne scias...dankon!"

Eble Jesuo staris ekstere! La frenezulino forlasis. Kutime ŝi staras tie kaj rantas dum dudek minutoj, sed ĉi-foje mi ne devis suferi tiel!