Nova konstruita lingvo

Jes, mi jam aŭdis pri tiu lingvo. La provo--provo, ne neŝanĝebla Revelacio-- estas tre laŭdinda kaj nesektema. La vorttrezoro estas vere internacia, kaj la gramatiko sekvas la senfleksian vojon de Interglossa de Lancelot Hogben.

Inventado de novaj, lertaj se senulitaj lingvoj estas tre agrabla speco de masturbado kaj bonega hobio.

Por plua tia stimulado, v. mian gvidilon al interlingvistiko:

www.autodidactproject.org/guidespo.html#inter

:-)))) Vi sendube pravas, Ralph.

Ŝajnas vere impona laboro, kvankam mi dubas ĉu la vortaro estas pli facile ellernebla ol tiu de Esperanto.

Ĝenerale mi simpatias kun pluaj streboj al internacia lingvo kiun ĉiuj povas facile lerni, eĉ se mi mem estas tro pigra por provi.

Ni devas ja konfesi ke Esperanto ne venkis la mondon (eĉ se ĝi venkis niajn korojn) kaj ke eble la resondo ne nepre nomiĝu "Esperanto!" por esti akceptebla.

Jen alia lingvoprojekto: www.fasile.org

Kara Daĉjo ! Lerninte tiun lingvon,bonvole skribu ,kio estas merito aŭ malmerito ,kompare kun Esperanto,mi petas. MI opinias ke fari artefaritan lingvon estas senutila afero krom Esperanto.

Mi disdividus mian opinion en du partojn:

1. Kompreneble, krei novan lingvon estas afero interesa. La gehomoj kreas multajn aĵojn kvankam senutilajn, tamen belajn kaj agrablajn. La lingvo aspektas malbele, kun hake mallongaj vortoj prenitaj de diversaj lingvoj. Kiom longe oni provu kaj reprovu denove intermiksi diversdevenajn vortojn por krei pluan lingvon? (Foje nature ekestintaj kreolaj lingvoj prezentas plisimpligajn regulaĵojn kaj logikaĵojn pri rimarkindajn ol multaj "eltirkestaj" lingvoj).

2. La vasta disvastiĝo de Esperanto (vasta : kompare kun la aliaj planlingvoj) estas la merito de ĝia kreinto. Zamenhof estis talenta organizanto kaj merkatiganto. Li sukcesis arigi siajn adeptojn, forigi la aliopinianojn, krei la komunumon postvivintan. Neniu antaŭe, nek poste faris tion, ĉar ĉiu lingvokreinto okupiĝis ĉefe pri la ilo, ne pri la anaro. Ne forgesu, al kiu gento apartenis Zamenhof kaj agnosku, ke tiu gento posedas kelkajn apartajn ecojn : influipovon, animan alsintirforton, komunikkapablon kaj entreprenemon.

Verdire, mi ne ekspektas lerni bone pli ol unu konstruitan lingvon, ĉar mi pensas ke mi povus uzi mian tempon lerni pli da naturaj lingvoj, inkludante la denaskan lingvon de Milokula Kato.

Kompare kun aliaj provoj, mi trovas tiun ĉi provon ege pli interesa, ĉar ĝi almenaŭ havas vortojn el multaj diversaj fontoj, kaj la ideo de tio estas bona, laŭ mia opinio. Mi ankoraŭ ne detale rigardis la gramatikon. Almenaŭ ĝi estas pli diversfonta lingvo.

Laŭ mia opinio, la fakto ke Esperanto estas plejparte eŭropdevena lingvo ne estas problemo, precipe ĉar ĝi estas facila, sed Lingwa de Planeta provas inkludi pli da lingvoj. Kaj mi ankoraŭ kapablas kompreni kelkajn vortojn.

Mi jam rigardis al Fasile kelkaj jaroj antaŭe. Al mi ŝajnas ke Fasile, Ido, kaj kelkaj aliaj estas relative similaj al Esperanto, sed iliaj uzantoj kaj kreantoj ĉiam komparas iliajn lingvojn al Esperanto, kaj diras ke ilia estas pli bona. Sed ĉu ili vere havas novajn ideojn?

Tiaj lingvoj ankaŭ estas plejparte latindevenaj, almenaŭ iomete pli ol Esperanto. Esperanto tiuflanke estas "mezkazo"--ĝi ja estas plejparte latindevena, sed kun multaj germanaj kaj anglaj vortoj ankaŭ. Lingwo de Planeta estas ekstreme pli diversa. Ido ktp fokusas iomete pli sur latindevenaj vortoj, sed ankaŭ havas kelkajn aliajn fontojn.

La plej fokusitaj planlingvoj estas kombinaĵoj de lingvoj en specifia lingvogrupo aŭ familio.

Slovio (por slavidaj lingvoj) www.slovio.com kaj Nordien (por ĝermanaj lingvoj) www.geocities.com/aronoc estas bonaj ekzemploj de tiu tipo. Eble ankaŭ Interlingua por latinidaj lingvoj. Tiaj lingvoj ŝajne provas funkcii kiel Esperanto, almenaŭ simile (mi rigardis mem detale la gramatikon de Nordien), sed ili uzas radikojn kaj vortojn strikte de unu lingvo-grupo.

Ĉiuj da tiuj lingvoj estas a posteori lingvoj, kreitaj de jamekzistantaj elementoj--la malsimileco estas kiom fokusataj estas tiuj ĉi elementoj sur unu lingvo aŭ lingvo-grupo.

Lojban/Loglan estas a priori lingvo, kiu aspektas kiel nenio ajn. Volapuk estas a posteori, sed vere aspektas kiel a priori lingvo ĉar neniu rekonas la vortojn!

La kategorioj de konstruitaj lingvoj, laŭ mi:

A priori--Lojban/Loglan kaj Volapuk (Volapuk estas disputebla eble)

A posteori--

Diversfontaj--Lingwa de Planeda, eble Tokipona (sed laŭ mi Tokipona estas pli eksperimenta afero, kun malgranda vortaro).

Meze--Esperanto, kaj lingvoj kiel Ido kaj Fasile kiuj estas reformprovoj pri Esperanto.

maldiversfontaj--Nordien, Slovio, eble Interlingua -- pontolingvoj por specifiaj lingvo-grupoj (latinida, slavida, ĝermana)

Kun la sama deziro de krei pontolingvojn por la homaro, estas interesega por mi rimarki kiom diversaj estas la rezultoj!

Ĉu Esperanto eble pli sukcesis parte ĉar ĝi estas meza kaso? Ne tro diversa, sed ankaŭ ne tro limita? Interesa demando.

Kara David, laŭ mia humila opinio, mi pensas que ke Esperanto estas sufiĉa, kvankam antaŭ neloge mi sentas allogita por la tolkienaj lingvoj kaj la interlingvao, se por mi tiaj lingvoj nure estas hobio je Esperanto ja delonge pruvis ĝia taŭgeco en pluraj escenaĵoj de la tuta mondo.

Brakumoj el Kolombio

Hej Diomar! Jes, mi samopinias finfine kiel vi. Mi jam vidis kaj tralegis gramatikojn por multe da konstruitaj lingvoj.

Duono da ili estas en la kampo de "preskaŭ same kiel Esperanto, sed pli bona aŭ pli perfekta (laŭ iliaj kreantoj)" -- tiuj kiujn oni pli-malpli komparas kun Esperanto (kaj kial oni devas fari tion?).

Lingwa de Planeda vere ŝajnas iomete alie kaj estas unu de la plej interesantaj provoj, kiujn mi vidis.

La lingvoj de Tolkien, Star Wars, kaj la klingona lingvo de Star Trek ankaŭ estas interesaj, sed verdire ili ne estas praktikaj lingvoj. Ili estas malfacilaj, kaj en la kazo de Star Wars ne tre bone developitaj. Ili taŭgas por la fikciaj mondoj kie ili uziĝas. Oni ankaŭ ne intencis ke oni uzas ilin en la vera mondo. Se vi lernas la kimran aŭ la finnan, la kimra jam sufiĉe similas al Quenja, kaj la finna al Sindarin, kaj tiujn lingvojn oni ja uzas en la vera mondo!

Esperanto havas la plej grandan nombron da parolantoj kaj estas sufiĉe facile lernebla -- je la komenco mi pensis ke mi ne povus trovi aliajn parolantojn de Esperanto. Sed mi foje ŝatas rigardi aliajn lingvoprojektojn.

Mi trovas fascine, tiam kiam oni mencias novan konstruitan lingvon en Esperantujo. Kelkaj Esperantistoj vere reagas strange, kiel vi "forlasos" Esperanton aŭ io simile. Lerni pri konstruitaj lingvoj estas interesa afero por mi.

Oni reagas same kiel parolante alian lingvon estas kiel havi du edzinojn. Hahahahah ho la movado.

Alia punkto: Ralph, vere panamerika artefarita lingvo devus inkludi ankaŭ la francan.

Ankaŭ--la sukceso de Esperanto kaj la kialoj por tio estas aparta temo. Mi mem opinias ke unu granda kiala por tio estas ke Zamenhof fordonis la lingvon al ĝia komunumo, kaj akceptis la kolektivajn dezirojn de la komunumo. Esperanto ne estis tiom intime konektata nur kun ĝia kreinto ke ĝi mortis kun li. Nature multe da homoj helpis, kaj Z-hof ne diris, kiel Schleyer pri Volapuk, ke Esperanto estas inspirita de Dio kaj lia persona propraĵo. Zamenhof donis al al lingvo la eblecon evolui sen li, kaj multe da kontribuantoj helpis dum la jaroj.

Yes, kompreneble. La kohereco de la esperantista komunumo, kompare al Ido, ekz., devenis de eksterlingva motivo, ĉu la impeto al memkonservado, ĉu la idealisma "interna ideo". Ne nur ĉe Zamenhof la vivanta lingva komunumo pli gravas ol la kreinto, sed la komunumo mem prioritatigis la daŭrigon de la komunumon ol perfektigemon pri la lingvo. Pluraj eminentaj intelektuloj preferis Idon, sed Ido malvenkis.

David, jen ligilo al unua leciono de LdeP :

www.youtube.com/watch?v=J-JTOB8DZ8A

Jes Michel, mi jam vidis tion. Post jam vidinte tiun vidbendon, mi trovis la informan retpaĝaron.

Mi nomiĝas La Palice... ;-)

Mi lastatempe devis (por la unua fojo) forigi kelkajn komentojn el tiu ĉi blogero. Verdire mi ne komprenas tiun ĉi problemon. Ambaŭ partoprenantoj en la argumento, kiu evidente komencis tie ĉi antaŭ kelkaj tagoj, estas homoj kiujn mi konas relative bone, kaj kiuj ĉiam skribas inteligentajn kaj bonvenajn komentojn en mia blogo..

Mi jam forigis la plej konfliktemajn komentojn. Ralph kaj Kato, mi petas de vi ambaŭ ke vi ne konfliktu tie ĉi. Mi respektas viajn opiniojn, sed tiu argumento ne plu havas ion fari kun la originala temo. Se vi uzas la babililon aŭ IperMail por konflikti persone, aŭ viaj propraj blogoj, ne gravas al mi. Vi ambaŭ, laŭ mia opinio trairis la limon. Se vi ambaŭ komentas plue, mi bonvenas ĝin, sed respektu unu la alian bonvole. Mi forigis la komentojn, kiujn mi pensis estis tro konfliktemaj.

Aŭskulti homojn, kiam ili ĵetas fekaĵon unu al la alia estas eĉ pli agrabla speco de mensa masturbado kaj eĉ pli bonega hobio ol krei aŭ lerni novan artefaritan lingvon, sed por tio mi havas miajn kolegojn en mia laborejo, kaj post 8 horojn dumtage mi vere laciĝas pri tio (kaj mi nun ne eĉ mencias la klientojn).

Se vi legas miajn plifruajn blogerojn, vi rimarkos ke mi disputis kelkajn aferojn, foje daŭre kun kelkaj homoj, Mi ne lasis la disputojn iĝi personaj, kaj respektis iliajn opiniojn. Finfine mi ne kapablis kunsenti kun ĉiu parto de tio kion ili skribis, sed mi almenaŭ lernis kompreni ilin, kaj mi rimarkis ke ili havis kelkajn validajn punktojn. Mi pensas (kaj esperas), ke se mi estontece renkontos tiujn homojn persone, ke ni ne nur ne batos unu la alian -- tute male -- eble ni drinkos unu aŭ du (aŭ pli) bierojn kune.

Jen retejo por tiutemeinteresatoj : www.omniglot.com/links/conlangs.htm (en la angla)

Dankon. Mi aldonis ĉi tiun paĝon al propra retgvidilo pri Esperanto & Interlingvistiko:

www.autodidactproject.org/guidespo.html

Ne pli artefaritaj lingvoj BONVOLU!
demando: ĉu esperanto estas la artefarita lingvo kun pli parolantoj? aŭ kiu?

Andres, evidente vi mankis mian punkton. Kelkaj da ni interesiĝas pri tiaj aferoj ĉar ni interesiĝas pri lingvoj ĝenerale. Rigardado kun intereso al aliaj lingvoprojektoj estas interesa hobio, almenaŭ por mi.

Mi supozas ke ne estas ebla ke konstruitaj lingvoj povas koekzisti. Ankaŭ mi supozas ke la ideo ke du naturaj lingvoj povas koekzisti estas stranga por kelkaj homoj...

Vidu mian novan blogeron kaj diskutu tie:

www.ipernity.com/blog/69767/156254

Pri libro de Arika Okrent: In the Land of Invented Languages: Esperanto Rock Stars, Klingon Poets, Loglan Lovers, and the Mad Dreamers Who Tried to Build a Perfect Language

Vidu ankaŭ mian novan blogeron pri Aktualaj Filozofiaj Lingvoj.

Estimata amiko David Dougherty,

Al viaj demando-respondoj pri lidepla mi devas diri ke neniu el la tri estas ĝusta, ankaŭ se al mi plaĉus elekti la unuam.
Malkiel ĉiuj aliaj lingvoprojektoj, Esperanto inkluzive, kiuj estis presentitaj al la publiko, jam pretaj kaj eĉ propaganditaj kvazaŭ veraj lingvoj; la “Lingwa de Planeta” estas nur embria prototipo de ebla iama mond-lingvo.
“Al nau” pli ol planlingvo, lidepla representas grupon (etan komunumon) de divers-naciaj personoj kiuj ne kredas ke lingvo povu esti inventata aŭ kreita de ununura persono, kaj eĉ ne de homa grupo, “lidepla-jenta” pensas ke nova “lingwa” povas estiĝi nur kiel produkto de reala nova komunumo. (praviga ekzemplo estas “Eŭropanto” la neoficiala lingvo plej parolata inter la eŭropaj parlamentanoj en Brukselo, fakte miksaĵo de eŭropaj lingvoj.)
Lidepla, ankoraŭ ne estas lingvoprojekto, sed ĝi estas la ĝis nun, plej granda internacia kaj demokrata kunlaboro celal komuna mond-lingvo; al tiu laborego povas partopreni ĉiu volontulo kiu scipovas unu el la sekvaj laborlingvoj: “(Lidepla), English, Russian, Italian, German, French, Spanish, Esperanto, Novial.
La projekto estiis iniciatita en 2006 far malgranda teamo, en Sankta Petroburgo, Rusio, sed nun jam estas kunlaborantoj el pluraj nacioj. Ili demokrate proponas, diskutas, provas, reprovas, kaj eventuale ŝanĝas vortojn aŭ gramatikaĵojn neaprobitaj de la la plejmulto.
Neniam ĝis nun okazis tiel demokratan prilingan laboregon, tamen la sukceso estas kondiĉita al samtempa disvastigo de la "lideplajenta” (lidepla komunumo).

Mi aldonas ĉi tie mesaĝo de la lidepla teamo, pri la hodiaŭa laboro:

[lingwadeplaneta] PA

Dmitri Ivanov a lingwadeplaneta
mostra dettagli 10.43 (1 ora fa)


I've asked LdP-jenta their opinion, and it was favourable about introducing the preposition PA on the place of YEN and AN. On the whole the usage of PA is close to that of Swedish PA. Here is the description of the new preposition in English and Esperanto:

Pa
Preposition of a wide meaning, often can be used instead of other prepositions,
1) indicates place, time (at, on, in):
pa mur – on the wall
pa jalan – in the street
sidi pa tabla – sit at the table
London lagi pa Tems – London lies on Thames
ob mani es pa yu? – is the money with you?
pa mucho yar – in the course of many years
dai ba lonem mil dolar pa tri dey – lend me one thousand dollars for three days
pa vesna – in spring
2) introduces adverbial phrase
shwo pa inglish – speak English
pa un-ney kansa – by first sight
ta jivi pa shi kilometra fon mar – he lives 10 km from the see
pa exponenta – exponentially
pa ol mogsa – with all one's might
pa char – four (together)
pa veritaa – to tell the truth
pa fortuna – fortunately
pa versa – by/in verses; pa joka – as a joke
lai pa tren – come by train.

pa — la prepozicio de largxa senco (je; en, sur, cxe, per, por)
1) indikas lokon, tempon:
pa mur – sur la muro
pa jalan – en la strato
sidi pa tabla – sidi cxe tablo
ob mani es pa yu? – cxu la mono estas kun vi?
pa mucho yar – dum multaj jaroj
dai ba lonem mil dolar pa tri dey – donu prunte mil dolaroj por tri tagoj
pa vesna – printempe
2) komencas la adverban frazon:
pa ol mogsa — je tuta povo
pa afsos — je bedauxro
pa un-ney kansa — je la unua rigardo
shwo pa inglish — paroli angle
pa veritaa — verdire
pa joka — sxerce
pa fortuna – felicxe
lai pa tren – veni per la trajno

amike Attilio

Por viziti diskutgrupon de Lingwa de Planeta (Lidepla) klaku la suban lingilon.

http://tech.groups.yahoo.com/group/lingwadeplaneta

Swasti!

Dankon Atilio!!