Pli bona Esperanto-Reklamo

Daĉjo ! tre interesa ! Tiu virino kiu havas dorsosakon, estas s-ino Franciska Toubale,kiu gastis ĉe mia kampara domo unu semanjon ,kiam la 3a azia kongreso de Esperanto oakzis en Seulo. Ŝi estas Francio devena Aŭstralianino,kiu libere parolas Anglan lingvon ,Francan lingvon kaj Esperanton,kiu nun laboras en Radio elsendejo 3 ZZZ en Aŭstralio. Vi povos paroli kun ŝi per skajpo.

Ho, Onklo, mi ne sciis tion! Mi memoras ke vi prezentis min al ŝi per skajpo kelkaj monatoj antaŭe, sed mi ne rekonis ŝin en la vidbendo. Kiel interese!

Laŭ mi ĝi nature estas nekredebla. Troigado por fari punkton, precipe kiam oni tuj scias, ke ne estas la "vera vivo", laŭ mi, estas tute okej. Ankaŭ la demando, "ĉu vi parolas la aŭstrian lingvon" estis ja eraro. Ili ne estas profesiaj aktoroj, sed ne gravas multe.

La ideo ke Esperanto estas tablo al kiu ĉiu estas bonvena, laŭ mi, estas tre pozitiva kaj inkluziva spirito kaj bildo. Ke oni povas uzi Esperanton, kaj renkontiĝi kun diversaj, sed pli-malpli normalaj homoj (kaj ne nur verdaj mistikoj).

Mi kredas ke tiu ĉi vidbendo montras tion kio Esperanto kapablas esti malgrandskale.

Komparu tion kun la antaŭa satira vidbendo (mia blogaĵo "Amuza vidbendo pri Esperanto-Reklamo"). Tiu vidbendo estas amuza, sed bedaŭrinde, tre necesa, ĉu ne?

Ĉu al vi neniam okazis ke tute hazarde renkontis esperantiston? Mi kredas ke tio eblas, antaŭ nelonge mi surprize eksciis ke iu instruistino en lernejo de mia filo flue parolas ĝin. Mi ne ekscius tion, se mi ne venus al lernejo kun aliaj esperantistoj fremlandaj kaj ni laŭte parolis esperante.. Ŝi simple salutis kaj poste babilis kun ni. Ni renkontis alian virinon en proksima muzeo, kiu ankaŭ parolis esperanton. Mi ne konis ilin, kaj nenie aŭdis pri ili antaŭe.

Por mi, tute hazarde renkonti Esperantiston estas preskaŭ neebla. La sola simila afero, kiu okazis al mi, estis ke multaj jaroj antaŭe mi amikiĝis kun familio el Brazilo kiu tiam loĝis en mia urbo. Dek jaroj post mi lastfoje vidis ilin, unu membro de tiu familio sendis al mi retpoŝton en Esperanto--li estis trovinta min je Amikumu. Tri monatoj antaŭe mi provis renkonti lin en Filadelfio por Esperanto-Renkoniĝo sed ne sukcesis, sed probable mi reprovos fari tion en la venontaj monatoj iam.