Luksemburgo estas stranga lando pri la lingvoj. Plimulto de la loĝantoj parolas kaj la germanan, kaj la francan kaj la luksemburgan, kiu estas ĝermana lingvo. Sed, pro la elmigrantoj, 15% de la familioj havas la portugalan kiel ĉefa lingvo.
En la infanĝardeno, oni parolas la luksemburgan. Kiam la infanoj estas sesjaraj, ili lernas legi kaj skribi en la germana. La sekvantan jaron, ili lernas la francan. Oni instruas ĉefe en la germana ĝis la 3a jaro de la mezlernejo, poste ĉefe en la franca.
La lingvo de la administracioj estas ĉefe la franca. La aviztabuloj estas ĉefe en la franca. Ni loĝis en urbeto, tute proksime al la germana landlimo. Ni vidis tie afiŝon « Nous cherchons une vendeuse parlant luxembourgeois » (Ni serĉas vendistinon, kiu parolas la luksemburgan), sed la afiŝo estis skribita en la franca lingvo, ne en la luksemburga.