Cindy Mckee's blog/

Mi esploras la kampon de la 'malluma' TTT-ejo; la nevidebla parto de la TTT-ejo; tiuj ejoj - aparte paĝoj - kiujn indeksilojn kaj robotojn ne aliras kaj kiujn ni ne trovas kiam ni uzas serĉilon kiel Google.
Demando: Ĉu vi konas iun firmaon kiu pagas homajn rikoltistojn trovi nevideblajn paĝojn?
Se jes, mi antaŭdankas komenton pri tio.

Joomla 1.5.15 lingva pako estas preta: http://joomlacode.org/gf/download/frsrelease/9961/45757/eo-XX_Joomla1.5.15_full.zip

noto: dum longe, mi uzas tradukilon. Hodiaŭ, mi rimarkis ke ĝi ne montris ŝanĝitan linion. Se vi rimarkas frazon kiu ne ŝajnas en ordo, bonvolu sciigi min.

Mi havas taskon (kaj ankaŭ 17 aliaj personoj) proponi 1 - 3 nomojn por Esperantisto de la Jaro 2009.
El tiuj proponataj nomoj, 16 aliaj personoj elektos iun.
Vi povas legi pri tio: http://eo.wikipedia.org/wiki/Esperantisto_de_la_Jaro

Mi volas proponi 3 personojn kiuj sindone kaj modeste laboras; personoj kiuj ne ricevas sufiĉan laŭdon -- ĉi tiu titolo estus finfina rekono de granda laboro. Tre plaĉus al mi honori modestulon kiu ĉiam laboris en la fono.
La proponatoj devus labori por Esperanto iel, en la jaro 2009, aŭ en antaŭaj jaroj, se tiu laboro konkretiĝis en 2009.
Oni ne proponu la Esperantistojn de la kvin lastaj jaroj 2004, 2005, 2006, 2007, 2008 (Helmar Frank, Povilas Jegorovas, Bertilo Wennergren, Peter Zilvar, Ilona Koutny) aŭ la sekretarion (Halina Gorecka).

Mi petas helpon decidi nomojn. Ĉu vi konas personon? -- helpu, helpu

avizeto: nenie en la reguloj estis skribita ke mi ne rajtas peti helpon pri nomoj. Do, mi invitas vin partopreni en mia decido.

Etaj etnaj bandoj
--laŭ ĉinesko Zhuzhici (Bambuoj)

kuniĝintaj staras ni
en etnaj bandoj, ili
dise maldifuzas kaj
krokodilas inter si

eksperimenta kobaj'
de verdhoma revo; aj
kuru, kobajo, iu
volas vesti vin en faj'

krom ĉikanoj pri ĉiu
bando alia kiu
enviinde pli multas,
nur aŭdeblas laŭda bru'

kuru kobajo, kultas
tiuj, kiuj insultas
vin prokrastu, dume ni
naciismon sepultas