Cindy Mckee's blog/

Nature, mi estas optimisma kaj jam antaŭesperas pri bona nova jaro 2009. Jes, la kalendaroj estas homaj inventaĵoj, sed kiam mi mezuras la pason de mia vivo, mi kalkulas kalendare, forstrekante kvankam antaŭenrigardante.

• Ke ni utiligu homan teĥnologion kaj teĥnikojn (oj, mi havas problemon pri konfuzi tiujn du vortojn) por plibonigi kaj plibeligi la planedon kaj niajn vivojn.
• Ke ni estu konsciaj prizorgantoj por la estontaj generacioj.
• Ke ni riparu rilatojn inter popoloj kaj ke ni trovu egalrajtan ekvilibron.
• Ke ni dorlotu niajn amikojn.

Al miaj karaj geamikoj, mi amas vin. Via Cindy

Mi fulmflugis tra WordPress 2.7, bonvolu alklaki wordpress-2.7-eo.tar.gz por la tar.gz, aŭ wordpress-2.7-eo.zip por la zip-pakaĵo. Ili havas la defaŭltan etoson.
Se vi volas aliajn Esperantigitajn etosojn, Tarksi estas ĝisdata kaj devus funkcii bele kun WordPress 2.7. Metu ĝin en vian dosierujon wp-content/themes
Ne forgesu malpaki ĝin.

Ankaŭ estas malnovaj etosoj, kiuj ne ricevas atenton de la prizorgantoj. Eble ili funkcios perfekte en WordPress 2.7, eble ne. Se vi volas provi: CnM kaj Techicon.

Legu readme.html kaj sekvu la instrukciojn, mi petas!! -- Kvankam mi tiel rapide Esperantigis tiun dosieron, mi nur esperas ke ĝi estas komprenebla.

Ĉe: eo.wordpress.org vi ĉiam povas trovi la plej novan pakaĵon. Sciigu min (batu min) se (kiam) vi trovas eraron.