Gimpo-Moviĝantaj bildoj

Vi povas krei moviĝantan bildon facile en la Gimpo.
1. Unue, kopiu vian bildon per alklako sur la simbolo de du folioj en la tavola dialogo (ĉiam lasu la tavolan dialogon malferma, mi 'dokis' ĝin al la ĉefa fenestro).

kielgif1

2. Turnu la novan tavolon per la rotacia ilo.

kielgif

3. Ripetu la paŝojn laŭplaĉe.

4. En la filtrila menuo, vi povas rigardi la moviĝantan bildon: Filtriloj->Animacio->Reludo (viaj menunomoj estu similaj je tiuj nomoj).

kielgif reludo

5. Vi povas agordi la rapidon de ĉiu tavolo (kadro): en la tavola dialogo duoble klaku la tavolon kaj entajpu (200 ms), inkluzive de la krampoj. Reludu, kaj ŝanĝu la tempon laŭplaĉe.

6. Fine, savu la bildon kiel 'gif', kaj elektu 'Konservi kiel animacio'. Eble vi ankaŭ devos elekti ĉu stuci la tavolojn kiuj etendiĝas preter la limo de la bildo ankaŭ, ĉar ni ne faris tion. :)

7. Vi povas malfermi la bildon en via retumilo, kaj rigardi ĝin. Mi metis mian rete: mia simpla bildo