Obama

Mi deziras al Obama multe da kuruĝo kaj forto!

Ŝajnas al mi ke usonanoj faris ĝustan elekton.

> Kaj tre grave, Usono jam ne sekvos la vojon de troagresemeco de la nuna prezidento.

Ni esperas ke vi pravas.

Hodiaŭ mi eksciis pri oficiala paĝaro de Obama esperante:
http://
my.barackobama.com/page/community/post/ESPERANTO/gĜ9PW

Ĉu vi konis tion?

"ERROR: invalid page requested" bedaŭrinde.

Pri la "error" kulpas la ipernita paĝo, ĉar ĝi aŭtomate fuŝas la adreson, enmetante en ĝin esperantilngvan ĉapeligitan literon!
En la ĝusta adreso devus ĉeesti neĉapeligita litero, sekvata de la letero "x".
La paĝo de Ipernity faras tion, ĉar ĝi estas aŭtomate preta esperantigi la literojn sekvataj de x, kiam oni uzas la esperantlingvan interfacon.

Por pli da informoj pri la du adresoj ĉe la Obama retejo, bv legi ĉe
www.ipernity.com/blog/28233/105780.



[???ESPERANTO???]

Grtatulojn al Obama, Demokratoj kaj al ĉiuj Usonanoj. Mi mem ŝatus ne plu rigardi G. W. B. kaj verŝajne neusonanoj nun malpli malame rigardos plejpotencan ŝtaton.

Mi bondeziras al Usono bonorde pretervivi la regotempon de la ulo, same kiel la lando pretervivis la regotempon de Carter kaj Clinton.

Dmitri, mi povas vidi kaj legi la paĝon perfekte.

Vi devas skribi unue http:// kaj sekve la adreson
my.barackobama.com/page/community/post/ESPERANTO/gĜ9PW

La paĝo enhavas komentojn kaj en Esperanto kaj en la angla.

kompreneble, mi faris tion. La plena adreso estas kun http://

my.barackobama.com/page/community/post/ESPERANTO/g%C4%9C9PW

sed denove mi vidas la saman eraron.

Provu klakante sur la ligilo aperanta ĉe:
es.groups.yahoo.com/group/iberia-esperantistaro/message/4724

Tie ipernitiano Pedro Hernández sendis tian novaĵon kaj mi povas senprobleme malfermi la paĝon.

Mi ne havas konton ĉe Yahoo.
Do, ne gravas.

my.barackobama.com/page/community/post/ESPERANTO/gGx9PW
kaj
my.barackobama.com/page/community/post/leodecooman/gGxYgS/commentary

Ĉu vi memoras kiel ipernity havas skripton kiu ŝanĝas x-sistemon al ĉapelitaj literoj? Nu, la adresoj enhavis la literon 'x', kaj la skripto ruliĝis. Do, mi enmetis duan X, por nuligi la skripton.

Ha! Jes, mi forgesis pri x-sistemo ĉi-tie...
Dankon, Cindy!

Tiu skripto tro ofte kaŭzas tiajn problemojn.
Eble estus pli bone se ĝi malestus: por ĉapeligi literojn jam ekzistas multajn senpagajn programetojn, kiel ekz. "EK", kaj ili ne fuŝas retadresojn kiam oni deziras ilin kopii kaj alglui...

[???ESPERANTO???]

Ni jam havas la novan imperiestron...

Ave Cezaro! Mortontoj vin salutas!

Estas tempo por disfalo de muroj. Falis la Muro de Berlino, simbolo de multaj malbonaj aferoj en la mondo; falis la rasisma reĝimo de Sud-Afriko; iu sindikatisto estis elektita prezidento en Brazilo; iu indiano, en Bolivio... kaj nun en Usono, iu reprezentanto de la nigra raso unuafoje konkeras la prezidentecon de la nacio en kiu Martin Luther King fariĝis martiro. Plufalu muroj - pli kaj pli!

Du konsideroj:

1) Pri M.L.King, estis por mi emociige legi afiŝon, dum la postvenka parolado de Obama: "Martin, we did it!" (Martin, ni sukcesis fari tion!).

2) Rilate al la muroj kaj disdividoj, pri kiuj parolis Obama mem, estos interese vidi ĉu li ŝanĝos la usonan politikon en MezOriento. La registaro Bush tre helpis la lastajn dekstremajn Israelajn registarojn konstrui unu el la plej hontindajn disdividajn murojn de la historio: tiu inter Israelo kaj la Okupaciitaj Teritorioj... Kion faros Barack?

[???ESPERANTO???]

La muro ĉirkaŭ Israelo estas limo de ŝtato kiu volas sin protekti kaj rajtas fari tion. Interalie, la maldekstruletoj malhoneste prisilentas la ekziston de muro inter Gaza-regiono kaj... Egipto. Kial?

Kaj la muro, kaj la kolonioj trans la verda linio rompas la internacian juron, kaj estas unu el la ĉefaj kialoj de la nuna malfacileco solvi la Israel-Palestinan konflikton.
La muro inter Gaza kaj Egipto situas sin ĝuste sur internacie rekonata landlimo. Tio TUTE NE okazas kaze de la Israela murego.
Interalie, ĝi tre ofte disdividas palestinajn kamparanojn kaj vilaĝojn el siaj propraj kampoj, kiuj pli aŭ malpli frue estos aneksitaj de Israelo.
Se la murego estus laŭ la verda linio, la aferoj status iom malsimile... Sed ĝi, per sia invado de la trans-verdlinia teritorio, kontraŭleĝe forrabas teron al jam miseregaj homoj, akrigante la malamon de palestinanoj kontraŭ Israelon.

Cetere, mi malŝatas ĉiajn murojn, kaj tiujn laŭ rekontataj landlimoj (Egipto-Gazo, Usono-Meksiko, ktp...), kaj tiujn kontraŭ la internacia juro (Israelo-Palestino).

Disfalu la obstinaj baroj, per eterna amo disbatitaj!

PLI DA INFORMOJ: www.btselem.org

[???ESPERANTO???]

Dankon pro via 'ligilo' : bselem estas fifama organizo. Cetere, mi dankus pro ligilo al iu m_o_d_e_r_a araba organizo?

Pri kiu 'internacia juro' vi parolas? Ĉu la priŝutado de Israelo per rakedoj laŭas aŭ kontraŭas ĝin?

"bselem" estas fifama? Ĉu vere?
Nu, ni diru la veron: ĝi estas - pli ĝuste dirite - "ekstremisma", pro tio ke malkaŝi la veron ĉiam estas ekstremismema agado, kiu ege ĉagrenas la potenculojn kaj la perfortulojn, kies povo kaj perforto basiĝas sur la ver-kaŝado.
Tiaj organizoj kaj iliaj agadoj ĉiam estas ekstremismaj, kiel ekstremisma estis ekzemple la agado de Gandhi.
Ĉi sence, eĉ esperantismo estas ekstremisma...

Malsamideane, sed respekteme salutas vin
Anĉjo

[???ESPERANTO???]

Al C.D.: falu la muro de Kremlo!

Interesaj statistikoj:
La kampanjo de Obama utiligis interreton kaj tekst-mesaĝadon, kaj allogis la atenton de junuloj. Pli da junuloj voĉdonis en ĉiu tiu elekto ol iam, kaj ili plejparte voĉdonis por Obama. Ĉirkaŭ duono da 18-29 jaraĝuloj voĉdonis, kaj 66% el tiuj voĉdonis por Obama.
Inter 39-44 jaraĝaj voĉdonuloj, 52% preferis Obama, inter 45-64 jaraĝaj, 50% preferis Obama, inter 65 + jaraĝaj, 45% subtenis Obama.

Ĉu vi ankaŭ voĉdonis, kara? Aŭ ĉu vi loĝas en ŝtato tia, ke via kandidato ne havas eblojn ŝancojn, kaj do vi rezignis?

Sendube, mi voĉdonis por Obama.
Ĉiu en ĉiu subŝtato havis la eblon aŭ voĉdoni por Obama aŭ voĉdoni por McCain.

Jes, kompreneble! Estas miskompreno, ĉar mi celis diri "ŝancoj" ne "ebloj" (mi jam korektis en mia originala mesaĝo).

Do, mia demando celis esplori, ĉu la grandaj ŝancoj de unu el la kandidatoj senkuraĝigas la balotontojn de la alia, pro la stranga balotsistemo per kiu la venkinto prenas ĉiujn reprezentantojn (anstataŭ disdivi ilin poe).

HOO! Ene de unu partio, ĉu? ? Jes, nur unu kandidato reprezentas ĉiun partion. Ekz. ĉu la subtenantoj de Hillary rezignis, kiam ŝi perdis la voĉdonon esti la demokrata kandidato? Nu, mi legas ke kelkaj decidis subteni McCain, multaj decidis voĉdoni por Obama. Kiel mi komprenas, malmultaj restis hejme, kaj rifuzis voĉdoni.
Oficiale, mi estas membro de la demokrata partio; foje mi voĉdonas por la respublika kandidato. Kaj foje, mi ne voĉdonas.
Ĉi-foje, mi havis dubojn pri la kvanto de sperto de Obama, sed ne konsideris alian.
Kelkaj (eĉ familianoj) koleretis kontraŭ mi, kaj diris ke li estas islamano, do 'bonvolu, Cindy, ne voĉdoni por li'. Kelkaj konsilis kontraŭ li ĉar li estas negrulo.

"Kelkaj (eĉ familianoj) koleretis kontraŭ mi, kaj diris ke li estas islamano, do 'bonvolu, Cindy, ne voĉdoni por li'. Kelkaj konsilis kontraŭ li ĉar li estas negrulo."

Tre malĝojige ke tiaj aferoj povas esti kialoj por voĉdoni por aŭ kontraŭ politikisto...
:-(

We (ni ĉiuj, en ĉiuj mondopartoj) need a CHANGE!

[???ESPERANTO???]

Votu, votu por islamanoj, islamemuloj kaj islamistoj. Kaj poste vidu, kio okazas al vi.

Ĉi via komento estas rasismema.
Kio pensigas vin ke vi, kun viaj propraj ideoj, kun via "nacia" kulturo, kun via propra religio, kun via "raso", kun via lingvo, estas supera al islamanoj?
Se, laŭ vi, ĉi tiu pensmaniero estas tiu de la plej bona "Okcidento", vi tute malpravas: studu "The open society and its enemies" de K. R. Popper: malamiko de malfermita/ata socio estas vi, Kato, ne la islamanoj...
Cetere, pasintece usonanoj votis por radikala kristano (ulo kiu parolis pri stultegaĵoj kiel la "batalo de bono kontraŭ malbono"!), kaj ni vidis kio okazis al ni ĉiuj kaj al la tuta mondo...

[???ESPERANTO???]

PacHorano: mi eĉ ne kaŝas tion. La islamanoj sovaĝe murdis la duonon de mia rekta praŭlaro kaj pli ol duono de tiu de mia edzino.

La 'ulo' estis prava.

Vi tro ĝeneraligas, kara amiko, kvankam mi komprenas vi suferis (sed malamo kiu fontas el sufero produktas pluan suferon kaj pluan malamon; diris Gandhi: "okulo pro okulo, kaj la mondo iĝas blinda"...).
Kion signifas "la islamanoj...", "la usonanoj...", "la germanoj..."?
Do, ni murdu nun ĉiujn germanojn, ĉar "la germanoj" murdis 6 milionoj da hebreoj. Ĉu ne?
Kaj kion diri pri "la kristanoj" kaj "la eŭropanoj", la plej grandaj murdistoj (kaj tio estas nerefutebla historia fakto...) de la tuta homa historio?
Nia amikino Sindi (Cindy) estis akre atakita, ĉi tie en Ipernito, ĝuste pro tio ke "la usonanoj" murdis kaj ekstermis.
Kaj kion diri pri mi? Mi estas italo, do tutcerte granda parto da miaj praavoj estis romianoj (sed ne nur: mi venas de antikvcelta regiono). Do, miaj praavoj estis teruraj murdistoj dum la tuta imperia periodo, kaj poste ili partoprenis en la historiaj sangelverŝaj krimoj de la kristanismo, en la amasbuĉado de islamanoj dum la "sanktaj" (!!!) militoj, en la forrabo de aliaj kristanoj (tiuj de Konstantinopolo / Konstantin-urbo), en la "religiaj" miltoj kontraŭ reformita kristanismo, en la subpremado de la eŭropaj hebreoj, en la itala faŝismo, ktp ktp ktp.
Generaligi ĉiam estas danĝera konduto, kara Kato...

Malsamideane sed respekteme
Anĉjo

[???ESPERANTO???]

Jes, jes, estu certa: la tuta mondo sendubas ke tiu "ulo", Buŝ, estis prava: fakte - kiel promesite de li - li ja trovis Osamon BinLadon, li trovis nukleajn kaj ĥemiajn armilojn en Irako, lia armeo eksportis pacon, liberecon kaj demokration, liaj "inteligentaj" bomboj evitis amasbuĉadojn de civiluloj, la tuta mondo iĝis pli sekura, li malfortigis la tutmondan teroristaron, la petrolfirmaoj de lia lando ne instaliĝis en la "liberitaj" landoj, kaj la tutmonda ekonomio - precipe la usona - ege pliriĉiĝis.
Ho jes, ĉio kion li promesis realiĝis: ni nun vivas en paradiza mondo. Mi ne povas kontraŭbatali tiajn faktojn, videblajn de ĉiu homo kiu havas okulojn kaj cerbon, ho ne, mi ne povas, ve!
Vi kaj Buŝ pravas, Kato.
Morgaŭ mi nepre faros donacon al usona respublikana partio, jes!

[???ESPERANTO???]

Ni vidos se li agados alimaniere. Ni aùskultadas per la radioj aù televidoj: "li estas unue usonano"; "la internacia politiko de Usono estas sama por chiuj usonestroj". Mi ne ankoraù tre bone komprenas kion signifas tiuj frazoj. Chu...
Jean Bosco

Ni ne taksu Obama laŭ koloro aŭ deveno, sed laŭ kvalitoj kiujn li montras en kampo de humanisma agado. Lasu nin esperi ke neniam plu regas en Usono iu Bush aŭ Reagan.
Fakto ke lia financa subteno plejmulte venis de 'simplaj homoj' ŝarĝas lin per plej granda respondeco.

Mi tute konsentas, kara kamarado!

[???ESPERANTO???]

Karega Cindy!
Dankon, ke Vi tradukis anglen plurajn, esperantlingvajn alparolojn kadre de la du, esperantlingvaj blogoj aperintaj en la retejo de Obama.
Mi forte esperas, ke la taĉmento de Obama iom post iom rimarkos nin, por-esperantajn agantojn...
Plej amike
Ludoviko el Hungario

Gratulon al Usonanoj ke ili elektis s-ro Obama kiel prezidenton de Usono. Ni, S.Koreoj neniam forgesos la amikecon,kiun Uonanoj montris al S.Koreoj ,kiam Korea milito oakzis antaŭ 58 ajroj.

Ankau mi deziras sukceson al Obama kaj Usono, kaj esperas ke en nia mondo estu paco!

Kara Cindy ! Demandu al Obama,ĉu li scias pri Esperanto aŭ ne,mi petas. Laŭ mi, Obama ne plu estas Usona prezidento sed ankaŭ Monda, Pro tio ,estas grave ke li havas saman opinion kun nia majstro ,L.L. Zamenhof........... Tio ne estas mia ŝerco,sed mia persona deziro............

Jam estas klopodoj sciigi lin pri Esperanto. Ĉe change.gov
mi trovis lokon por enmeti ideon, do mi faros.

Kara Cindy,
en tiu retejo, ĉe
change.gov/agenda/education_agenda
mi trovis la jenan paragrafon:

Support English Language Learners: Obama and Biden support transitional bilingual education and will help Limited English Proficient students get ahead by holding schools accountable for making sure these students complete school.

Bedaŭrinde ŝajnas ke la lingvo-politikaj elektoj diskutataj de la profesoro Robert Phillipson ĉe
www.kke.org.br/esperanto/dosiero/internaciaj_lingvoj_kaj_internaciaj_homaj_rajtoj.php
daŭre estas antaŭenpuŝataj de via nova prezidanto.

Do, ĉi rilate, neniu "change" videblas...
:-(

[???ESPERANTO???]

Ĉe change.gov, temas pri hispanaj lingvanoj. Mi kredas ke mi jam legis tiun artikolon ĉe Kultura Kooperativo; mi ne aŭtomate rilatas tion al la ideoj de la envenonta administracio.

Nu, mi legis (sed mi ne plu memoras kie, tamen temis pri tre serioza kaj fidinda dokumento) ke kaj la konsilistoj de Clinton, kaj - poste - la verkistoj de la plano "For A New American Century" (konsilistoj de Bush), publike sin engaĝigis en politikaj planoj por mondskale pli-disvastigi (kaj ankaŭ altrudi - vidu kion diras Phillipson rilate al la politikaj premoj de Usono sur la Internacia Mona Fonduso, cele al starigo de edukaj programoj, en malriĉaj landoj, kie la angla nepre estu la nura instrua lingvo) la anglan kiel internacian mondan lingvon, kaj ili tion faris eksplicite celante gajnon de politika, ekonomia kaj strategia profito por Usono (kaj por la Unuiĝinta Regno).

Rilate al la artikolo de Phillipson, mi ĝin legis en la UEA-retejo, tamen - tial ke mi nun ne plu trovas ĝin tie - mi donis al vi adreson de la KKE-retejo...

Rilate al usonaj hispanlingvanoj... Nu, ĉi tie en Italujo ekzistas pluraj leĝoj kiuj protektas minoritat-lingvanojn kaj iliajn lingvojn. Ekzemple, en la nordorienta regiono "Alta Adiĝo - SudTirolo", tial ke tie ekzistas granda komunumo germanlingva, italaj leĝoj garantias al la germanlingvaj sudtirolanoj la rajton esti instruataj germanlingve; do - ekzemple - se itala instruisto el Milano deziras instrui en lernejoj de la itala dulingva (germanlingva kaj itallingva) regiono SudTirolo, ŝ/li devas sukcesi en malfacilaj ekzamenoj pri la germana lingvo...
Multaj aliaj eŭropuniaj landoj (ekzemple Hispanujo, sed tute ne - bedaŭrinde - Francujo) havas similajn leĝojn, celantajn protekti la lingvo-minoritatojn...
Tiu ĉi solvo estas tre pli demokrata ol altrudi al la gravajn lingvominoritatojn (kiel tiu hispanlingva en Usono) ununuran oficialan "nacian" lingvon...

Amike
Anĉjo

[???ESPERANTO???]