Anna Haava
Mi povas
Ne timu, ho, karulo,
Mi ne ĝenados vin;
Almozpetadi amon
Ne volas la anim'.
Mi froste alrigardi
Vin povas kun fier'
Aŭ ombre preterpaŝi
Vin kvazaŭ kun sever';
Mi povas ja remadi
Sen vi sur vivomar',
Sed povas en la koro
Mi porti vin sen bar'.
trad. Hilda Dresen
[Estona antologio, Tallin, Esperanto-Asocio de Estonio, 1932, p.40-41]
https://cezarkulturo.blogspot.com/
Sign-in to write a comment.