Zupfgeigenhansel
(Ŝirviolona Jojĉjo)
Malhelas jam erikeje
(Es dunkelt schon auf der Heide)
Traduko de orientprusa popolkanto
1
Malhelas jam erikeje,
do hejmen nun kun brav'.
Ni tranĉis jam ĉiun grenon
per nia nuda glav'.
2
Mi aŭdis sibli serpojn
en gren' kun delikat'.
Mi aŭdis plendi la karan,
pri perdo de l' amat'.
3
Kvankam vi perdis amon,
mi portas vin en kor'.
Ni ambaŭ plektu do kune
kroneton kun fervor'.
4
Kroneton ja el rozoj
el fask' de trifoli'
En Frankfurt' sur la ponto
tre neĝis apud mi.
5
La neĝo jam degelis
kaj fluas nun torent'.
Kvankam mi vin ne vidas,
mi portas vin en sent'.
6
Ĝardene de la patro
arbetoj staras du.
Kaj ili portas muskatojn
kaj brunnajletojn plu.
7
Muskatoj estas dolĉaj.
Siringoj belas tre.
Ni ambaŭ devas disiĝi,
adiaŭ do, ho ve!
tradukis Hans-Georg Kaiser
Gloso: Brunnajletoj estas malnova germana esprimo por siringo.
https://cezarmuziko.blogspot.com/
„Ilian mondon ili tute kovris per la sepam koloro. Kaj ili asertas, ke tiu koloro estas plenvalida. Kaj tiel ili opinias, ke ankau ilia kovrilo etita sur la mondon estas perfekta. Ilia ĉiopotenca, de Dio damnita, ne pretervidebla, sed senfine trankviliga grizo. Sep astroj estas kaj sep sakramentoj. Kaj tiel do ili bezonas la sepan koloron. Kaj tiel ili kovrante surŝmiras ĉion. Nenio plu de la profunda nigro de la radikoj, de la origino de ĉio estanta. Nenio plu de la klara blanko de la lumo. Nenio plu de la bluo, de la konsolanta fortiganta bluo de la tero. Nenio plu de la friska verdo de la akvo. Nenio plu de la flirtanta kaj viviga flavo de la aero. Nenio plu de la majesta ruĝo de la fajro. Nenio plu, kio varmigas la koron. Griza kaĉo sur la tutan teron. Tiel ili larĝe kaj dike rulpremas ĝin antaŭ si kaj sufokas min.“
Estis tiu grizo, kiu forpelis min el GDR. Se oni rigardas hodiaŭ kiel primitivaj estis la ĉefoj en GDR, oni apenaŭ povas kompreni, ke oni tie vivis. Sed GDR estis ankaŭ loko por pensi pri la mondo:) Pro la multaj grizaj tagoj tie oni havis sufiĉe da tempo pensi pri ĉio, kaj tio certe ne estis malbona...
Nun nia mondo estas kriante bunta, sed ĉu pli bona? Nur pli lerte mensogema... kaj same megalomania...tiel kiel en la lasta renkontiĝo de G7. Ili tie sidiĝis sur lignan benkon faritan el trunkoj (por montri kiaj naturbuboj kaj naturbubinoj ili estas) kaj samtempe ili detruas la mondon per militoj, memfaritaj naturkatastofoj ktp...Kial ili ne renkontiĝis en kaverno de klabohomoj, jen la plej bona loko por ili, aŭ ie sur la alta maro, kie neniu povus vidi kaj filmi ilin... Jam ilia aspekto estas senesperiga... kiel tiu de la surtribunuloj en GDR kun la ordenvestitaj funkciuloj...
Sign-in to write a comment.