César Dorneles's blog/

B de Batman

En la 50aj jaroj la komiksa revuo de Batman estis kritikata de tiuj kiuj ne ŝatis la intimecon inter Batman kaj Robin: la du dormis en la sama lito...

C de Carla Bruni

Tre plaĉis al la londona Times la nova KD de Carla Bruni, la franca prezidentedzino: Eble ĝi estas la plej bona disko iam gravurita de la edzino de iu ĉefo de ŝtato. Gratulon, francoj!...

H de Historio

"Ĉiu honesta judo kiu konas la historion de lia/ŝia popolo ne povas ne senti grandan dankemon al islamismo, kiu protektis la judojn tra kvindek generacioj, dum la kristana mondo persekutadis la judojn kaj provis multfoje 'per la glado' igi ilin forlasi ties fidon." (Uri Avnery, israela verkisto kaj pac-aktivulo)

El http://www.counterpunch.com/

 L de librobienalo

Inter 14-24/08/2008 okazos plus unu Internacia Librobienalo de San-Paŭlo, la dua plej granda evento en la mondo en tiu ĝenro. Oni atendas 800 mil vizitantojn kaj jam estas konfirmita la ĉeesto de 46 internaciaj verkistoj kaj 30 naciaj.

Oni atendas i.a. la partoprenon de la jenaj verkistoj: Guillerme Arriaga (Meksiko), Vicenzo Cerami (Italio), John Sack (Usono), Samantha Power (Usono) kaj Zlata Filipovic (Bosnio-Hercegovino).

La partoprenontaj 80 eldonejoj aranĝos la lanĉon de 4 mil novaj verkoj. La Bienalo okazos en la Parko Anhembi.

Iam mi havis la ĝojon partopreni en ĝi kaj kunlabori en la budo de BEL-Brazila E-Ligo. Unika oportuno por disvastigi E-on.

M de McCain 

Kara McCain: pardonu, sed ekzistas nenia konflikto en la landlimo inter Irako kaj Pakistano. Ĝi estas la plej paca loko en la mondo! Se paroli pri tio: vi scias, ke Bonaero ne estas la ĉefurbo de Brazilo, ĉu?

P de Palestino

La okupacio de la tuta Palestino ĉiam restis en la planoj de la sionista dekstro. Esploroj faritaj de novaj israelaj historiistoj en kontakto kun arkivoj de la Ŝtato konfirmis, kio sekve kontraŭstaras la mitojn kreitajn de la oficialismo laŭ kiu Israelo en 1948 (jaro de la una milito) estis simpla 'viktimo' de la 'maltoleremo' de siaj najbaroj.

Ni vidu ekz. kion skribis Ben Gurion, la granda israela heroo, en sia tag-libro, je 24/05/48, okaze de la unua semajno de la milito:

"Ni starigos kristanan ŝtaton en Libano (...) ni dispecigos Cisjordanion; ni bombardos ĝian ĉefurbon, ni detruos ties armeon (...) ni surgenuigos Sirion (...) nia aerarmeo atakos Port Said-on, Aleksandrion kaj Kairon, tio por venĝi niajn oprimitajn antaŭulojn de la egiptoj kaj asirianoj en la bibliaj tempoj (....)."

Ben Gurion en letero al Moshe Sharett, en 1948, tri monatojn antaŭ ol la israel-araba milito:

"Ni havas la kondiĉon por okupacii la tutan Palestinon, pri kio mi havas nenian dubon".

Nu bone, la kandidato Obama, en ĵusa vojaĝo al Israelo, menciis la 'malamikojn' de la lando. Bedaŭrinde li forgesis sam-aludi al la 'malamikoj' de la plurdeka suferanta palestina popolo.

Plie prie (portugallingve) en

http://diplo.uol.com.br/2008-05,a2396

P de popoldiraĵoj

Popol-diraĵoj el la sudo de Brazilo:

Mais escondido que orelha de freira.

Pli kaŝita ol orelo de monaĥino.

Mais velho que o rascunho da Bíblia.

Pli malnova ol la skizo de la Biblio.

Mais sem graça que dançar com irmã.

Pli teda ol danci kun fratino.

R de reklamaĵo

Brazila reklamaĵo de 1951 montras diketan bebon diranta: Mia patro fumas Marlboro-n... li scias kio estas bona.

R de retejoj

Vjetnama E-Asocio:

http://e.vea.vn/

Por spiritualistoj aŭ eventualaj interesatoj (portugallingve):

http://br.groups.yahoo.com/group/maemaria/message/285

Z de Zimbabvo

Lanĉita en Zimbabvo la nova monpapero de 100 miliardoj da zimbabvaj dolaroj. Oni povas per ĝi aĉeti 4 oranĝojn, laŭ informo de la brazila semajnrevuo Época.

A de Almodóvar

En Conversa com Almodóvar/ Konversacio kun Almodóvar (ŝajnas al mi, ke Zamenhof inspiriĝis je la portugala kiam li cerbumis pri E-o...), la franca kritikisto Frédéric Strauss arigas intervjuojn kun la hispana kinoreĝisoro Pedro Almodóvar, kiu asertas ekz., ke la bunteco pri koloroj en siaj filmoj estas maniero kompensi lian vivhistorion: lia patrino vestiĝis je nigro dum granda parto de sia vivo.

Li rakontas, ke la meksika aktoro Gael Garcia havis problemon por ludi la rolon kiel transvestiton en Mala Educación/Malbona Edukado: li tute ne sukcesis surmeti inajn vestaĵojn...

'Rigardi ŝuon kun alta kalkanumo sufiĉis, por ke li eniru en staton de mensa blokado' - komentas Almodóvar. Gael Garcia devis submetiĝi al psikoanalizo por enkarnigi la fikciulon... 

Aparta komento: 'Frédéric'...: kiam miaj gelernantoj plendas pri la reguloj pri supersignoj de la portugala, mi diras: ne plendu, la franca lingvo foje metas pli ol unu supersignon sur la saman vorton!

B de Bush

Bush restas priokupita pri la malrespekto al la homaj rajtoj en Ĉinio. Mi esperas, ke li same zorgumas pri tiaj aferoj en Gvantanamo (ridu), Israelo kaj Saud-Arabio - ĝuste por mencii nur tri aliajn lokojn. 

C de citaĵoj

Ĉiam estas iom da frenezo en la amo kaj iom da racio en la frenezo. (Nietzche)

Mi ne neas, ke la virinoj estas stultaj: Dio Ĉiopova kreis ilin por ke ili kombinu kun la viroj.  (Georges Eliot)

Iu bildo valoras pli ol mil vortojn. Nun provu diri tion per iu bildo. (Millôr Fernandes, brazila humoristo)

D de donacado

Estas gratulinda la kampanjo pri donacado de E-libroj aranĝata jam de kelka tempo de Kultura Kooperativo de Esperantistoj, de Rio-de-Ĵanejro. Ĝisnune pli ol 700 libroj estis senditaj al 57 brazilaj kaj 11 eksterlandaj bibliotekoj. La kampanjo estas monsubtenata de brazilaj E-istoj. Jen ideo sekvinda de aliaj E-instancoj tra la mondo.

http://www.kke.org.br/pt/index.php

F de filmoj

En la nova filmo de Indiana Jones and the Kingdom of the Crystal Skull (Indiana Jones kaj la Regno de la Kranio el Kristalo), la akvofalegoj de Igvacuo (ĉe la landlimoj inter Brazilo, Argentino kaj Paragvajo) kaj Amazonio aperas kvazaŭ ili troviĝus samloke.

En Mr. Magoo, en baldaŭaj minutoj, la fikciulo promenas tra Amazonio, Igvacuo kaj Kopakabano (Rio-de-Ĵanejro). En 007, Bond fuĝas per unu ŝalupo el la rivero Amazono ĝis la akvofalegoj menciitaj!

Interreto nuligas la distancojn. Holivudo ankaŭ.

G de Ganao

Greenpeace denuncis pri la ekzisto de du balaaĵejoj, en Ganao, de forĵetitaj produktoj el la riĉaj landoj: poŝtelefonoj, televidiloj, komputiloj ktp. Ili havas toksikajn elementojn kiel hidrargon, kadmion, kupron, plumbon kaj aluminion kiuj povas kontamni la grundojn, subterajn akvarojn kaj malfavorigi la sanon de eĉ infanoj je la serĉado de plastaĵoj kaj metaloj por revendado.

O de Orkut

La brazila filio de Google prenos sur sin la respondecon pri monda gvidado de Orkut. Nuntempe la plej granda aro da uzantoj de tiu reto da interrilatoj estas brazila: 53,9%, sekvita de la barata (17,06%) kaj usona (15,13%).

Havanta Amforon kiel ascendantan signon, astrologie parolante,  komunikado/komunikemo trovas en Brazilo fruktodonan terenon por disvolviĝi.

R de retejoj

Esperanto en la nova serĉilo Cuil:

http://www.cuil.com/search?q=esperanto

E-vortaroj kaj vortlistoj en

http://eventoj.freeweb.hu/steb/vortaroj/index-vortaro.htm

S de spritaĵo

Universitato de Wolvevhampton, en Britio, publikigis la liston de la plej antikvaj spritaĵoj pri kiuj oni havas konon. La plej antikva datiĝis al 1900 a.K, el Sumerio: Io kio neniam okazas ekde la komenco de tempoj: virino ĉe la brakoj de la edzo neniam furzas... Bone, niaj spritaĵoj pliboniĝis tra la tempo.

La kompleta listo troviĝas en www.dave-tv.co.uk

I  N  T  E  R  V  J  U  O

C I N D Y  M C K E E

La intervjuo de ĉi tiu monato estas kun Cindy McKee, el Usono.

Kie vi loĝas?

Cindy - En Usono, en la kamparo de sudorienta Oklahomo, tre proksima al la ŝtato Teksaso.

Profesio.

Cindy - Mi laboras enrete, per mia hejma komputilo. Estas tre malsimile ol mia lernado de elektronika inĝeniera teknologio. Sed post mia tria elektroŝoko, mi jam ne volis alproksimiĝi al fizikaj cirkvitoj. ĉiaokaze.

Iu memoraĵo el la infaneco.

Cindy - Nu, mi ĵus diris ion pri elektroŝokoj. Mi memoras ke tio okazis en mia juneco ankaŭ. Eble mi havis 9 jarojn. Dum ŝtormo, frato, la avino kaj mi iris ekstere por manĝigi... la avino devis manĝigi kokinojn, mi, la kuniklojn, mi forgesas la taskon de mia frato. Samtempe ke ni paŝis en  flakon, fulmo trafis proksime. Ni sentis pikojn de la elektro.

En la adoleskanteco vi estis fanino de...

Cindy - Kiam mi estis knabino, mi estis granda admiranto de sciencfikcio, kaj legi pri vivo sur aliaj planedoj, dimensioj, voiaĝado tra tempo. Mi eĉ legis en lernejo, dum la lecionoj.

En kiu alia profesio vi sukcesus sin imagi?

Cindy - Eble mi volus esti sociologiisto. Aŭ pentristo. Aŭ kreisto de arto de vitralo. Mi bezonas uzi kaj mian cerbon kaj miajn manojn.

Iu libro.

Cindy - Nun mi legas 'La Bona Lingvo' de Claude Piron, antaŭ nelonge finis sciencfikcion pri drakoj. Kaj antaŭ tio, rifuĝintoj el la Tero kreis novan planedon, eĉ la atmosferon; nu, estis interesa.

Iu muzikaĵo.

Cindy - Mi aŭskultas rokmuzikon dum mi kuiras. Klasikan foje dum mi laboras. Mi eĉ ŝatas la lokan ĝenron 'Bluegrass' - volas mencii ankaŭ la 'Spiritan' tipon. Ekzemplo estas 'Wayfaring Stranger'.

Iu filmo.

Cindy - Mi memoras ke mi ĝuis 'Secondhand Lions'. Ili enmetis multan humuron en la filmon, sed eble la plej amuza parto estis senintenca. La praonkloj estis 'stranguloj' laŭ la intenco de la kreintoj, sed laŭ mi kaj aliaj loĝantoj de suda Usono, ili kondutis sin tutnormale. Ili pafis je fremdaj vendistoj al la farmo sen invito. Kio do? La loko de la filmo estas Teksaso! Tute normale.

Iu donaco kiun plaĉas al vi gajni.

Cindy - Por mia 9a naskiĝtago, mi ricevis fiŝostangon. Mi tre ĝojis, kaj tuj kuris al la lageto, kaptis akridon, kroĉis ĝin, kaj preskaŭ tuj kaptis fiŝon. Tio estis feliĉa tago! Hm, mi memoras multe pri mia 9a jaro.

Kian talenton vi ŝatus havi?

Cindy - Mi dubas ĉu alia nomus tion 'talento', sed mi ŝatus jam ne erarvojaĝi. Kiel oni diras loke, 'mi ne povas trovi eliron de papersako'. Mi erarvojaĝas en konstruaĵoj! Mi tre hontas pri tio, sed se vi vidas virinon serĉante propran aŭton en parkejo, estas mi.

La vojaĝo de viaj revoj estus al...

Cindy - Al paralela universo! Kie la realo malsamas, ĉio estas nekohera laŭ niaj kredoj, kaj mi devas kontempli kaj esplori ĝis mi solvas la puzlon de tiu realo (bone, bone, mi estus tie porĉiame).

Al kiu vi donus medalon?

Cindy - Senhezite, al la avino. Ŝi estis nekredeble bonega virino, ŝi estis mia modelo. La travivaĵoj, la faraĵoj kiujn ŝi faris ĉar... ĉar iu bezonis fari ĉion, ŝokus vin.

Iu bela viro.

Cindy - Ne plaĉas al mi belaj viroj. Aliaj virinoj ĉasas ilin, kaj ili estas malmodestaj. Krom tio, mi ne estus komforta kun viro kiu estus pli bela ol mi.:)

Iu bela virino.

Cindy - Halle Berry.

Kio dolĉigas la vivon.

Cindy -

1. Ŝercoj. Mi amas ridi.

2. Mi ŝatas vidi agon de sindonemeco.

3. Iom da sola, kvieta tempo, ĉar mi estas introverta.

4. Ĉokolada kapuĉino :)

Kio maldolĉigas la vivon.

Cindy -

1. Laŭtaj voĉoj.

2. Kelkaj el miaj parencoj.

3. Miaj migrenoj.

Via ideo pri feliĉo.

1. Ĝinzo kaj t-ĉemizo

2. Manĝaĵo

3.Mola lito

4.Interreta konekto

5. Bona libro

6. Bona muziko

Se mi havus pli da tempo...

Cindy - Mi ja fariĝus sociologiisto, pentristo, ktp. Mi fine lernus PHP-lingvon. Mi fine legus la librojn kiujn mi promesas legi. Mi revenus al mukikaj instrumentoj, kaj la hebrea. Sed mi ne havas! Ho, mi grimpus monton.

Mi estas...

Cindy - Se vi ne konas min de nun... kial mi skribis ĉion ĉi?

Kion vi skribigus sur vian tombon?

Cindy - Kial mi devis morti?

Iu frazo.

Cindy - Mi estas admiranto de malsinceraj proverboj. Lastatempe, mi aŭdis 'Se mi ne ŝanĝas vojon, mi vojiros ĝis mia ircelo.'

Vizitu Cindy Mckee en

http://www.ipernity.com/home/cindio

D de Dio

"Kio estas Dio?" - jen la unua demando de La Libro de la Spiritoj (1857), verko de la franca Allan Kardec (pseŭdonimo) kiu ekdisvastigis Spiritismon, la Doktrinon de la Spiritoj, al la mondo. La respondo de la spiritoj estas la jena: "Dio estas la superega inteligenteco, primara kaŭzo de ĉiuj aferoj."

Pli kaj pli en ĉi tiu jarcento oni diskutos eĉ en la sciencaj medioj pri la ekzisto aŭ ne de tiu inteligenta principo de la Universo.

Mi persone trovas tre malfacile kredi je la ideo - filozofie parolante - ke la Universo kaj ties leĝoj, kiuj ravas la sciencistojn, povis estis kreitaj de simpla hazardo, kvazaŭ, kiel iu iam komparis, oni ĵetus aregon da literoj supren kaj post la falo surplanken ili formus tute hazarde iun enciklopedion!... 

Alie la Materiismo ekkolapsas kaj ideoj pri la ekzisto de spiritoj, vivo post la 'morto', reenkarniĝo fariĝos objekto de granda scienca diskutado kaj posta konfirmo en la venontaj jardekoj.

Plureco pri la vivo aliplanede? Agado de eksterteranoj en tiu momento de transirado kiun la Planedo frontas? Vivo en aliaj dimensioj de la propra planedo Tero post la morto de la fizika korpo? Ĉio science konfirmiĝos ĉar ne plu estas tempo por ke la homaro daŭru en preskaŭ kompleta nescio pri tiaj aferoj.

K de kongreso

Inter 16 k 18/05 okazis en Lecco (Italio) la 10a Jara Kunveno de la Kunordiga Grupo de Apogo al la Spiritista Movado en Eŭropo.

Ĉeestis al la evento reprezentantoj de eŭropaj landoj, kiuj prezentis raportojn pri la spiritista movado en siaj respektivaj landoj: Germanio, Belgio, Hispanio, Francio, Nederlando, Italio, Portugalio, Britio, Svedio, Svislando, Aŭstrio, Bjelorusio, Estonio, Finlando kaj Hungario.

Oni difinis, ke la 6a Internacia Spiritista Kongreso, arânĝo de la Internacia Spiritista  Konsilantaro, okazos en Valencio, Hispanio, en oktobro 2010.

Aparte interesa al esperantistoj estas tio, ke la Internacia Spiritista Konsilantaro oficiale agnoskas Esperanton.

Plie pri Spiritismo en

http://eo.wikipedia.org/wiki/Spiritismo

Internacia Spiritista Konsilantaro:

http://www.spiritismo.org/

http://www.spiritist.org/joomla/

Union Spirite Française et Francophone:

http://www.union-spirite.fr/

A de algoj

Tajvano testas la uzon de algoj por sorbadi poluantajn gasojn el la atmosfero. Algoj kultivataj en cisterno kun 10m2 kaptas 1 tunon da dioksido el karbono en unu jaro, 75% plie ol 500 arboj!

B de balotaj kampanjoj

Ĉijare la brazilanoj en la pli ol 5 mil municipoj de la lando elektos siajn novajn urbestrojn kaj urbokonsilantarojn. Laŭ ĵusa esploro de opinisonda instituto Vox Popoli, la devigaj politikprogrameroj en la TV por ke la kandidatoj prezentu al si mem kaj lian/ŝian platformon havas nenian influon sur la decidon de la elektontoj.

Brazilo laŭmiascie estas la nura lando en la mondo en kiu ekzistas tiaj programeroj, heredaĵo de la militista diktaturo. Alie ili estas pli multekostaj al la kandidatoj ol simplaj kelksekundaj balotreklamoj enmetitaj inter la intervaloj de la TV-programo.

B de blatoj

En Suda Koreio iu vizaĝa masko, kiu ekmodiĝas, havas kiel ĉefan ingrediencon muelitajn blatojn. Ĝiaj kreintoj garantias, ke ĝi lasas la inajn vizaĝojn plibelaj. Valoras la penon provi.

C de candidatos (portugallingve)

Em SC há um candidato a vereador que atende pelo nome de Cueca; na Bahia, um que se chama Zezinho do Pinto Roxo.

C de citaĵoj

Se sua mente não é aberta, feche a boca. (Sue Garfton)

Se via menso ne estas malferma, fermu la buŝon. (Sue Garfton)

A coisa mais profunda em algumas pessoas é o sono. (ditado brasileiro)

La afero plej profunda en kelkaj homoj estas la dormo. (brazila diraĵo)

Ninguém escolheria viver sem amigos, ainda que possuísse todos os bens. (Aristóteles)

Neniu elektus vivi sen amikoj, eĉ se li/ŝi havus ĉiujn posedaĵojn. (Aristotelo)

Sempre existem desafios no destino de cada um. Estamos na Terra para ser testados, desafiados. (Gisele Bündchen, em entrevista à revista Quem)

Ĉiam ekzistas defioj en la destino de ĉiuj. Ni estas en la Tero por esti testitaj, defiitaj. (Gisele Bündchen, en intervjuo al la revuo Quem/Kiu)

D de Donatela (portugallingve)

Claúdia Raia: "Não durmo por causa da Donatela!". Ainda bem que não vejo a novela. Por falar nisso: pegou muito mal junto aos telespectadores o fato da boazinha virar vilã e vice-versa. Será que o autor não tinha outra coisa pra imaginar, diante da baixa audiência? Sei lá, rico virar pobre do dia pra noite, aparecer um clone, essas coisas...

Novidades sobre TV em http://fabiotv.zip.net/

M de malbelo

Kian sencon havas balono sub la formo de iu giganta hundfekaĵo prezentata kiel artverko inda je muzeo?! Kial nia 'postmodernaĉa mondo' devas kultivi la malbelon kvazaŭ tio estus iu viv-idealo? Ha, en kia dekadenca civilizo vi vivas!

M de Marso

Marso, kompare kun Tero, estas 1,5-foje pli distanca el la Suno. Iu vojaĝo al la Luno bezonas 4 tagojn; al Marso, 180 tagojn! Kia tedo! La marsa jaro daŭras 687 tagojn kaj ĝi estas 4foje plimalgranda ol Tero.

M de mesaĝeto

He, vi!

Jes, vi, kiu decidas pri invadoj, okupacioj, militoj, murdado de homoj!

Mi scivolemas ĉu vi sukcesas dormi trankvile dumnokte. Ĉu? Nenia premsonĝo? Nenia pezo en la konscienco?

Bedaŭrinde vi ankoraŭ ne scias kaj verŝajne neniam sciiĝos, ke nenio, vidu bone: nenio pravigas iniciaton pri militoj, murdado, detruado de urboj kaj revoj.

Kiom da infanoj! Kiom da gejunuloj! Gemaljunuloj! Virinoj! Viroj!

Ĉiuj mortintoj nun aŭ serioze vunditaj pro via propra egoisma. povsoifo

Ho, ve, kiam la Homaro kiel tuto amos la Pacon antaŭ ĉio?

R de retejo

Esperantaj retfilmoj en http://esperantretfilmoj.blogspot.com/

S de spritaĵo

La ulo alvenas 15 minutojn malfrue al konferenco kaj kiam li estas eniranta la pordisto atentigas lin:

- Ne faru bruon, mi petas.

- Kio?! Ĉu jam estas homoj dormantaj?!

Pacon en Jesuo!

En unu el la monataj seancoj nur kun la partopreno de la mediumoj de mia spiritista societo, oni psikografiis la sekvan mesaĝon pri la laboro de gardado de la eksterteranaj amikoj en ĉi tiu momento en kiu akceliĝas la lasta etapo de ŝanĝoj cele al la transformo de la Tero en planedo de kulp-elaĉeto al planedo de regenerado (La Nova Jerusalemo, pri kiu parolas la Apokalipso de la apostolo Johano).

La mesaĝo, esperantigita, estas la jena:

"La planeda gardado estas farata per maniero tiel kompleksa kaj sistema ke ne estas imagita de enkarniĝintoj en ĉi tiu planedo.

Ĉielaj amikoj el la plej diversaj planedoj, sin devontigitaj al la ekvilibro de ĉi tiu galaksio, firme agas ĉe la energia ekvilibrigo, nutrita per pensoj, vibrado kaj sintenoj de tiuj kiuj ĉi tie vivas kaj kunvivas.

Kia estus bona havi tian nocion pri la komplekseco ĝin konsiderante kaj kunlaborante per respondeca sinteno.

Multaj kiuj foriras el tiu sfero surpriziĝas pri tiu kiun ili spektas. Ili eĉ pensas, ke temas pri sciencfikcio.

Karaj amikoj, la fakto, ke vi ne konas ion, tio ne signifas neekzisti.

Estu humilaj kaj agnosku la helpadon de la Patro por la evoluado de ĉiuj. Sekve kunlaboru por tia." ( Porto Alegre, julio 2008)

Mi aldonu al la mesaĝoj jenajn klarigojn:

Momento de transirado - La Planedo ja ekvivas momenton de grandaj transformoj ĉu fizikaj ĉu spiritaj cele al la atingo de iu nova etapo en la evoluado de la Homaro, en kiu la reganta materiismo kaj ties negativaj konsekvencoj al la socia vivo postnelonge estos afero de la pasinteco.

La agado de la eksterteranoj - La inteligenta vivo manifestiĝas en la tuta Universo sub la plej diversaj staĝoj de la intelekta kaj morala evoluo.

La Tero estas helpata nuntempe de diversaj civilizoj kies reprezentantoj, multe pli evoluiĝintaj laŭ amo kaj konoj laboras por ke ekz. la konsekvencoj de la poluado ne estu tiel drastaj se ne paroli pri la agado de inspirado de renovigitaj ideoj ĉu filozofiaj ĉu sciencaj ĉe homaj grupoj konstituiĝintaj tra la tuta mondo.

Iam 'ili' manifestiĝos konkrete antaŭ ni, sed nur kiam ni havos amon en la koro kaj ne plu estu tiel militemaj...

"Multaj el kiuj foriras el tiu sfero" - Tio estas, multaj el kiuj elkarniĝas, 'mortas' laŭ la ordinara koncepto. Post la morto de la fizika korpo, kiu temas simple pri iu ilo por ke ni povu manifestiĝi en la fizika dimensio de la Tero, nia spirito translokiĝas al iu specifa regiono de la eksterfizika dimensio por resti tie ĝis alia oportuno pri reenkarniĝo. En tiu tempo inter du reenkarniĝoj la vivo pluas kaj ni, depende de niaj meritoj kaj cirkonstancoj, restarigas la kontaktojn kun niaj amataj estuloj same elkarniĝintaj.

Internacia Spiritista Konsilantaro:

www.spiritismo.org