"TEJO ĝojas anonci, ke la 67-a Internacia Junulara Kongreso okazos en
Ukrainio. Tio estis decidita dum lasta reta estrarkunveno.

La aranĝo okazos en julio 2011 proksime al Kievo, ĉefurbo de Ukrainio.
La kongresejo troviĝas proksime al la Kieva akvo-rezervejo (grandega
artefarita lago kun 922 km²).

La organizan teamon kreos UkrEA (Ukraina Esperanto-Asocio) kaj ULEJ
(Ukraina Ligo de Esperantista Junularo).

Tio estos la unua IJK en Ukrainio - sed espereble kun rekorda nombro de
partoprenantoj.

laŭ komuniko de Lukasz Zebrowski
en [pri-ijk]

-----
fonto: Ret-Info
http://www.eventoj.hu