This form is secure
Send a message
Search for members
This post is public
Eble iuj el vi jam legis pri livemocha.com - socia retejo por lerni lingvojn.
Tie eblas lerni lingvon laŭ kviza maniero, kun plejparte denaskaj parolantoj de la lingvo kiel korektlegantoj kaj helpantoj. Lernantoj povas mem kontribui kaj traduki la kurson al sia lingvo - tiel la retejo daŭre kreskas.
En la traduka teamo estas iom pli ol dek personoj, kaj la progreso estas ĉ. 60% ĉe skriba, 40% ĉe parola kompletigo.
Momente la germana interfaco estas tradukata: sume pliaj 4000 frazoj, kiuj eble iam estu tradukataj el Esperanto - restas do farendaĵoj.
Jam nun estas kelkaj *milionoj* da scivolemaj lernantoj el la tuta mondo, kaj Esperanta versio estas survoje.
La tradukado estas pena procezo, ĉar la dumil frazoj kaj sonaĵoj devas esti konfirmitaj de minimume 5 aliaj kuntradukantoj. Tio bezonas tempon (ne ĉiu konsentas al ĉio, kaj ne ĉiam ĉiuj tradukantoj viglas), sed ebligas bonan kvaliton de la kurso.
Tamen nun ja estas la lasta fazo - kaj vi des pli povas rapidigi la pretigon! (kaj poste espereble resti por subteni kvalitan flegadon de la novaj lernantoj aŭ eble eĉ amikoj..)
Aliĝu senpage al la retejo kaj kunhelpu.
Ĉu ne estus bela kristnaska, jarfina aŭ zamenhoftaga donaco, esti videbla al milionoj da lingvolernantoj?
Preterrigardu kaj mem vidu, kiel funkcias ĉio [ĉiuj lingvoj ja funkcias same, do eblas rekte kompari] kaj kiom facile estas lerni aliajn lingvojn..
Salute instigas
"brilanto" (Robert).
Mielo says:
Kiel oni povos uzi tie la Esperanton ? Ĉu oni povus lerni ĉion lingvon Esperante aŭ estos Esperanto kurso kaj oni povos praktiki ĝin uzante angle, germane, ktp. ? Por mi, kaj eble ankaŭ aliaj homoj estus pli bona la unua verzio.
brilanto* replies:
Tiu unua lingvo estas elektebla en la supra maldekstra angulo ("Select a language") - momente estas la angla, ĉina, hispana, japana, portugala, korea, rusa kaj franca.
Momente estas tradukata la germana interfaco, kiu enhavas ĉ. 4000 frazerojn - do same ampleksa kiel por ĉiuj kursoj kune, nur sen sonoj.
La kursa lingvo estas tiu de lerneblaj lingvoj, momente kolekto de 30 lingvoj - de la komenca (kaj ĉefa) angla tra araba, islanda, hungara [certe vi povus taksi, ĉu la kurso ĝuste instruas..] ĝis urdua.
Kaj ĝuste tie esperanto estos plia lernebla lingvo. Pli kutime estas kursenhavo en Esperanto, ol doni instrukciojn en lernenda lingvo.
Se la kurso haveblos, kaj estos sufiĉe sukcesa, eble iam oni komencus ankaŭ traduki la interfacon en ĝin. Sed dume por la klarigoj (instrua lingvo) vi devas elekti inter la unuaj 9, se ne venas dume pliaj.
brilanto* edited this comment 8 weeks ago.