Ni havas adreson en Pasporta Servo kun kroma mencio: bicikloj disponeblaj !

(geografiaj koordinatoj: 04°17'57" en 51°08'49" )

Kelkaj konsiloj:

*Pro tio ke ni loĝas proksime al la rivero Skeldo, venante de la provinco Antverpeno estas eleganta maniero transiri la riveron: per pramo de Flandrio (senpaga servo)

La hortabulo en la reto:
Alia utila informretejo estas tiu de "knooppunten-netwerk" kun bonaj indikiloj survoje:
Ekzemple : sekvu la nodojn 32 - 70 (pramo) - 71 (Bazel)

*Venante de Temse, estas nova bicikla vojo tra Steendorp al Bazel

*Venante de la urbo Antverpeno, la bicikla vojo tra Burcht al Kruibeke estas en kaduka stato, sed bedaŭrinde apenaŭ estas alternativoj.

*Venante de Sint-Niklaas jam estas plibonigo per apartigitaj biciklaj vojoj, sed en Bazel evitu la straton Heirstraat, ĉar tie okazis jam multaj akcidentoj pro tro rapidaj aŭtoj sur mallarĝa rekta strato. Estas granda risko por ĉiu biciklanto tie. Mi mem estis viktimo de serioza akcidento en 1998: mia biciklo estis tute fuŝita sed mi bonŝance ne havas restantajn vundojn pro la kolizio. Ĝis nun oni neniel solvis la problemon por biciklantoj. Prefere elektu kromvojon tra flanka strato.

Biciklantajn bondezirojn !