Haupenthal, Katalogo de mia biblioteko
1. Kolekto Haupenthal

La Esperanto-kolekto de gesinjoroj Haupenthal enhavas nuntempe pli ol 10.000 bibliografiajn unuojn, inter ili librojn, periodaĵojn, korespondaĵojn, objektojn, afiŝojn kaj fotojn. Necesas tricent bret-metroj por prezenti ĝin. De 1961 Irmi kaj Reinhard Haupenthal kolektis esperantaĵojn, aĉetis kaj akiris heredaĵojn, interŝanĝis. Jam en novembro 2006 ili subskribis transcedan kontrakton kun la Bavara Ŝtata Biblioteko, kiu konservos la kolekton kiel aparta ero. Intertempe kelkaj partoj de la impresa kolekto estis transportitaj al Munkeno, plejparto ankoraŭ troviĝas en la sudfranca domo de gesinjoroj Haupenthal.

2. Prelato-Schleyer-Biblioteko

Haupenthal, Volapük-Bibliographie
La biblioteko de la aŭtoro de Volapuko, Johann Martin Schleyer, estis disigita post lia morto. La Volapuk-literaturo nuntempe troviĝas grandaparte en Centre de Documentation et d'Étude sur la Langue internationale (CDELI) en La Chaŭx-de-Fonds (Svisio) kaj en la Kolekto pri Planlingvoj de la Aŭstra Nacia Biblioteko en Vieno (Aŭstrio). Posteulo de Schleyer reakiris la german-lingvan parton de la biblioteko, kune kun la taglibroj, en la 1950-aj jaroj. Ties heredintoj nun donacis la pli ol 500 titolojn el la Schleyer-kolekto al la Bavara Ŝtata Biblioteko.

------

Detalojn pri ambaŭ kolektoj legu en germana lingvo en "Bibliotheks-Magazin - Mitteilungen aus den Staatsbibliotheken in Berlin und München" 1/2012, p. 27-29 kaj 29-31. Jen la ligilo.