Terra del Congost - Tero de la Gorĝo estas ekoturisma propono kiu situas en privilegia zono, proksima al Pireneoj, ĉe monteto kie eblas ĝui la plej interesan kaj spektindan ĉielon en Katalunio. Proksimas ankaŭ mirinda ekskursejo nomata Congost de Montrebei, pado skrapita ĉe vertikala alta muro super rivero. Ideala loko ankaŭ por amantoj de ripozo kaj kvieteco.
Mi ĵus tradukas al vi resumon de la projekto kaj informojn por eventuala vizitado:

En Terra del Congost vi disponas pri du domoj komplete ekipitaj por feriumi meze de la naturo, kun vido al Congost de Montrebei kaj la Pireneoj. Krom la domoj, ni disponigas ankaŭ jurton (granda cirkla tendo laŭ mongola tipo uzata de nomadoj). Ĝi estas tre komforta kaj povas gastigi ĝis 9 homojn.
Ekzistas ankaŭ granda spaco por vojaĝantoj kiuj uzas loĝaŭtojn aŭ kutimas kampadi. Eblas starigi tendon en izolitaj senĝenaj anguloj se oni tion preferas. Por ni estos granda plezuro bonvenigi vin en tiu ĉi bela naturejo ĉe la kerno de la katalunaj antaŭpireneoj. Ĝis baldaŭ!

Pliaj informoj ĉe: Sendependa Retpubliko de Montsek