This form is secure
Send a message
Search for a member
This post is public
Nuntempe mi estas senlaborulo, unu el la kvar milionoj da tiaj loĝantaj en Hispanio. Tamen mi iel tiel elturniĝas por trovi enspezojn. Inter miaj rimedoj estas vendado en loka stratbazaro kaj tra interreto, kio havas du vojojn, vendado al proksimaj klientoj aŭ al klientoj por la tuta lando ( mi ne kuraĝis ankoraŭ vendi internaciskale, kvankam kelkaj eksterlendanoj plukas en la hispania vendportalo).
Mi ŝatus scii ĉu aliaj esperantistoj emus kunlabori per interŝanĝo de vendotaj varoj. Ekzistas la ebleco minimumigi la riskojn en la komenco per preskaŭ nula investo (aparte sendokostojn), mi klarigas:
Inter la varoj kiujn mi portas al surstrata bazaro troviĝas kelkaj akireblaj pli malpli senpage, kiel ekzemple sukersaketoj, libromarkiloj, uzitaj poŝtmarkoj, loteriaj biletoj, trajnbiletoj, cigarringoj, poŝkalendaroj, ktp. Mi antaŭsupozas ke en aliaj landoj la afero similas. Mia propono estus interŝanĝo de tiaj varoj inter diverslandanoj, tiel ke ĉiu vendisto povu oferti al siaj koncernaj klientoj pli ekzotikajn/rarajn ekzemplerojn.
Mi posedas plurajn stokojn el diversaj kolektindaĵoj kaj pretas unuapaŝe sendi provekzemplerojn al interesiĝantoj. Mi sugestis principe paperajn aferojn por faciligi sendadon sed, kompreneble, indus pristudi alispecajn produktojn laŭ la cirkonstancoj kaj konfido.
Se diversaj homoj interesiĝus ni povus krei apartan grupon en Ipernitio. Kaj se iu havas similajn proponojn, mi bonvenigos informon tiurilate.
Noto:
Memevidente se iu partnero deziras interŝanĝi por riĉigi sian privatan kolekton, tio same validas por aliĝi al la eventuala grupo.
V I Z I László* says:
Eble pli da ebloj kaŝiĝus en la turismo, ekzemple en pasporta Servo, aŭ simila. Pro la diversaj servoj oni rajtas peti monon eĉ enkadre de Pasporta Servo, sed ekster ĝi oni povus bone propagandi ne senpagan, sed tre malmultekostan gastigon helpe de la virtualaj kontaktoj.
Karulo (Karles) * replies:
Kelkaj antikvaj loteribiletoj vendiĝas je dekoj da eŭroj (ĝis pli ol cent kelkakaze) po ekzemplero laŭ la antikveco kaj rareco.
Sed mi nur donis komencajn ideojn. Aliaj inĝeniaj ideoj povus doni pli da profito, nenio malhelpas evolui al alitipaj varoj. Sed evidente ne havus sencon intersendi elektronikajn aparatojn, ekzemple (jam de komence).
Via sugesto pri pasporta servo jam estis provita sensukcese antaŭ kelkaj jaroj (mi ne scias kial, ĉar ankaŭ al mi ŝajnis bona ideo). Sed eble nun oni jam ofertas tro multajn gastigoretojn kaj la ebla profito ne kompensus la organizadon kaj pretigadon.
Por kelkaj privatuloj ja povas funkcii, tamen. Mi memoras pri iu sinjorino Butler en Londono kiu konstante ricevis gastojn al kiuj ŝi postulis iom da pago pro servetoj. Sed ekster turismaj urboj la afero utopias*.
*(kaj mi ne mencias leĝajn komplikaĵojn)
Karulo (Karles) * edited this comment 6 months ago.
V I Z I László* replies:
Nu, bone, mi ne estas granda komercisto, eble tial mi restis malriĉa.
Mi ne estas fakulo, sed mi pensas, ke per interreto multe plivastiĝis la eventuala gastaro, proksimume 1000 gastigantoj de PS. (fakte multaj tre limigitaj tempe kaj kondiĉe, sporade en la tuta mondo) ne ŝajnas tro forta konkurenco.
Vera konkurenco estas nur tiuj, kiuj troviĝas ĝuste en via regiono. Leĝaj problemoj kompreneble estas specialaj laŭ landoj.
Karulo (Karles) * replies:
*(kelkaj homoj kolektas korkojn sed ili ankoraŭ ne pretas pagi inde)
Karulo (Karles) * edited this comment 6 months ago.
Vitoresperanto says:
Karulo (Karles) * replies:
Vitoresperanto says:
Vitoresperanto edited this comment 6 months ago.
Henri Masson says:
http://www.ipernity.com/blog/32119/181612
Eble tiuj informoj helpos vin trovi vian vojon. Mi pensas ĉefe pri la itala propono pri "GNLD International". Vi trovos ligilojn kaj kontakteblecon kun la iniciatintoj, Lazzini Giancarlo kaj Luciano Viviani, en la artikolo.
Karulo (Karles) * replies:
temas vi vere impona kolekto da informoj. Mi faris unuan rapidan tralegon sed certe mi revenos al ĝi ankoraŭ kelkfoje.