En mia universitato fondigxis E-kurso gvidite de mi, sume 290 gestudentoj partoprenas al gxi. Post almenaux 3-hora instruado, La studentoj jam povas legi simplajn frazojn, ili admiras ke trovigxas tia bela lingvo en la mondo, ankaux ili admiras pri mia vivo en Esperanto. Multaj studentoj esprimis ke ili volas ellerni gxin.
Sed kiam mi publikigis la novajxon en la forumo, Iuj homoj diris ke Esperanto estas malutila kaj instrui Esperanton al studentoj estas trompo. Ecx kelkaj dubas pri tio, ke la studentoj estas allogitaj de Esperanto nur post unu leciono. Ili ne kredas tion, kion studentoj diris, ke ili admiras min, ilia instruistino.
Senbude, tiuj homoj ne bone konas min, ili ne scias ke mi estas handikapita, ili ne scias ke Esperanto aldonis al mi grandan sxangxon. Ili ne scias ke finfine mi farigxis doktorino kaj profesorino en la Universitato! Tio estas ege malfacila atingebla por handikapitaj en Cxinio. Miaj studentoj ja admiras min pro tio.
Mi estis elektita kiel unu el la dek eminentaj instruinstoj de nia Universitato en la jaro 2002.
Mi respondis al ili en la forumo, S-ro Guozhu, fama tradukisto, poeto, tre sxatas mian respondon kaj li tradukis gxin en Esperanton , krome, li speciale donacis al mi poemon cxinesko (vidu la alia blogo hodiaux).
Cxu fondi Esp-kurson estas trompo al studentoj?
Sign-in to write a comment.