Feo's blog/

Antaŭ 4 jaroj kaj duono (Dio mia, kiel rapide forkuras la tempo), mi aĉetis mian unuan bitfotilon. Ĝi ne estas ege pintkapabla, tiam ĝi estis mezkvalita. Fakte, mi aĉetis ĝin antaŭ mia unua e-renkontiĝo (temas pri IJS en Györ 2003). Mi ja scias ke ĝis hodiaŭ ĝi multe vojaĝis (cetere pere de esperanto kaj skoltumado) en Italujo, Francujo, Portugalujo, Hungarujo, Germanujo, Pollando, Bosnujo kaj Hercegovino, Kroatujo... sed tamen, mi esperis ke ĝi eltenus iom pli longe. Hieraŭ mi demandis en la vendejo, kie mi aĉetis ĝin, pri kia paneo temas. Estas respondite ke la bildkaptilo ne plu funkcias. La dungito kiu respondis tion ŝajnis tute ne surprizita ke jam ne plu funkcias la fotilo. Li aldonis ke estus samkoste aĉeti novan aparaton multe pli kapablan kiel anstataŭi la bildkaptilon. Nu, tiel estu, sed estas bedaŭrinde ke niaepoke aĵoj ne estas elpensitaj tiel ke ili longe daŭru, sendube por instingi homojn al konsumado.