Ĉu la Ipernity-komunumo malaperadas?

Jes, kompreneble. En esperanto-angulo okazas neniu aŭ preskaŭ neniu interŝanĝo. Nur kielvifartismo.

jes, tio veras.

Kara Andy, mia unua vizitanto, ne plendu. Vi havas 7 komentojn sur via "Cubano con barreras" kaj viaj unuaj provoj kun la armena lingvo ne restis sen reago (kiam vi posedos profunde mi demandos vian opinion pri teksto sur la tre antikva armena mapo) . Ne aùskultu Kato'n. Vi estas juna kaj plena da ideoj. De vi dependas l'aktiveco sur l'ipernity kaj la interesaj materialoj nepre altiros novajn personoj. Oni ofte volas havi plu kaj plu de amikoj, sed fizike oni ne plu povas havi kun multnombraj geamikoj normalajn sincerajd rilatoj. Vi do citas kun bedaùro : nur !!! 463 da amikoj (kaj vi havis ... 1000!!) kaj vi faras iomete tro rapidan statistikon nur sur via eksperimento.
Bone mi ne daùrigu... kaj vi tute ne devas respondi.

dankon amiko pro via komento! ja ne temas pri vizitoj kaj komentoj al mia paĝo kio tute ne gravas. Mi bedaŭras ke en unu jaro da aktivado ĉi tie mi konatiĝis kun pluraj esperantistoj kiuj iam aktivis sed nuntempe li nur sporade vizitas sian konton kaj ne reaperas post kelkaj tagoj. Mi bedaŭras ke ipernity jam ne ŝajnas tiom alloga. La artikoloj ŝajnas ripetiĝi, ĉiam pli mallongaj kaj tedaj, ankaŭ la miaj.

"Kielvifartismo" - interesa vorto!!
Mi konsentas kun Slavko kaj ankaŭ kun Milokula, ŝajnas paradokso, tamen laŭ mi ili du pravas :-))
Krome tio, ni devas partopreni pli kaj pli kvalite por allogi la aliulojn.
Certe por fari tion mi devas studadi pli intense nia kara lingvo :-))

Grandparte nun la esperantistoj ferias kaj ofte ili pro tio havas problemojn kun iliaj porteblaj komputiloj kiuj ne ĉiam helpas eniri la ipernity paĝon, do, trankviliĝu kaj ricevu miajn plej korajn salutojn.

Me havas altra opiniono, dicita ja da altra personi qui dedikesas al studio dil konduto dil internauti. Ofte la desaparo o "konjelado" dil konto di uzanto en la sociala reti kom Ipernity, Facebook, Myspace es pro la fatigado dil ret-uzanti ipsa. Kande ni estrenas nova ciberloko, ol es bela ed amuzanta, ma arivas la instanto kande kelki fatigesas aktualigar lia konti. Lo es klara kande on esas uzanto di plura reti e forumi: on tendecas obliviar un od plura de oli, o simple on fatigesas vizitar oli, precipue kande on havas vera relati en la "reala mondo" qui postulas onua atenco. Exemple, me havas pagino en Facebook quan me apene uzas pro ke ca reto es plu atraktiva. Altri forsan ja ne partoprenas en certena sociala reti por evitar "superdozo de interreto", loko ube ofte la amiki es efemera.

ne ! estis kaj estas plu interesaj diskutoj en esperantaj Ipernity spacojn.
Kaj tio kion vi nomas "kiel-vi-fartismo" kaj, ke mi legis francan blogiston nomi "les Bisounours" (netradukebla por tiuj kiuj ne konas la nunan televidan francan "kulturon" !) tio ja ekzistas ĉie kaj ĉiam en ĉiuj lingvoj, ne estas trajto de la esperantitoj de ipernity. Rigardu la anglaprolantajn anoj de Flickk "nice pic"! nice pic" nice pic!" "thanks" "thanks" ktp oni povas plenigi tutajn paĝojn, multaj diras nenion alian, do tute ne estas simptomo pri esperanto-komunumo ! neniel propra al ili.

Mi tute konsentas kun Silvia - ja nun estas feria tempo! Mi mem dum kelkaj semajnoj ne vizitadis Ipernity. Eble aŭtune ĉio pliboniĝos?
Kara Roland, eble pli bone skribi "nice pic" ol nenio?

Nico estas eble ne tute malgranda urbo, sed ĉu vi vere kredas ke estas tiom da picoj tie? :-)

Kara Andy, memoru ke ne ĉiuj interesajn komentoj kaj diskutoj (kaj disputoj) okazas publike. Multfoje fluas paralele privataj mesaĝoj kiuj estas plenaj de interesaj novaĵoj. Se iu vizitas vian paĝon kaj diras nenion, ankoraŭ ne estas ignorancio ... homoj venas por vidi vin, vidi kion okazas kaj ne ĉiam lasas komentarion. Sed, almenaŭ laŭ mi, sinjoro Slavko tute pravas ... de vi dependas multon ....
Korajn salutojn el Mariboro

Jes kara Stelo! vi multe pravas. Tamen, kiel mi diris antaŭen mi ne plendas aŭ kritikas ĉu la aliaj havas interesajn artikolojn aŭ ne, mi nur komentis ke eble la ĉiutagaĵoj iom povas tedi kaj ke pluraj jam ne tion aktivas en Ipernitio. dankon pro viaj ĉiamaj saĝaj komentoj!

Mi havas problemon kaj regulon.

La problemo: por mia esperantlingva malforteco mi ofte evitas komenti, ĉar mi ne scias la vortojn por la temo.

La regulo: se mi ne havas ion dirindan, mi ne parolas.

Sal Andy,
Supozeble multaj aliĝis por eniri unufoje en Ipernity kaj poste ne revenis ..
Mi mem nuntempe estas ege okupata pro la nova retejo MP3-Servo http://www.vinilkosmo-mp3.com
kaj povas dediĉi malmultan tempon al Ipernity... ankaŭ Facebook kreskas paralele, ĉefe ĉe la espo-junularo..
Mi klopodas aldoni informojn pri nia muzika agado regule por informi nian ipernitianaron.
Vi povas ankaŭ disvastigi la informon pri la apero de la Hiphopa Kompilo en Ipernity ĉe
http://www.ipernity.com/doc/rogerborges/album/141687
do homoj ne tiom malaktivas Ipernity ...
venu kaj partoprenu !
Plej muzikajn instigojn !
Flo !

Mi estas preskaŭ trimonata ipernitiano kaj ne kapaplas dimensiigi la nunan aktivadon de la personoj rilate al pasinteco. Mi nur povas diri ke la eltrovo de tiu komunumo (mi ĉiamdankas al Odamir) gravas por mi ĉar subtenas ne nur mian sperton en esperanta medio sed, pli grave, la homaraj rilatoj. Ĉiu donas la plej bono de si laŭ sia bontrovo kaj konscienco, eĉ se tiu kontribuo fariĝas per simpla silento. Se ni kapablas respekti eĉ la silento de nia proksimulo ni preparas bonegan kamparon por la kreskado de feliĉaj fruktoj, malgraŭ la ne ankoraŭ disvolviĝo de kelkaj semoj. Ĉiu el ni havas sian internan tempon. Eĉ ni mem povas silentadi en ia flanko de la homarilato kaj ne rimarkas tion laŭ la cerba konvencio. Mi bonvenigas eĉ la "Kielvifartismo"-n kaj mi profunde dankas se ĝi venas el la koro. Pitagorajn ĝisojn!!!!

Mi pensas, ke ĝi male peradas. :-) Ne agi pli aktive en la senco de skribado ne signifas, ke la homoj ne aktive agas laŭ simpla vizitado kaj legado/fotvidado/aŭdado. Esperantolando estas malgranda socio: oni atendu al GRANDAJ statistikoj...

Andy,
mi de tempo al tempo legas kion vi skribas...
Vi estas inteligenta junulo en landoj kiujn mi volas koni pli bone kaj vi parolas pri ili do vi faras kion vi scias kaj mi ne necese devas eksprimi mian opinion pri viaj rilatoj: mi ne havas opinion!
Kiam vi volos ion pri muziko kiun 60 jaraĝa muzikisto konas (kaj produktas) vi povas veni al mia paĝo kaj aŭdi iujn kaj komenti pri ili, ĉar vi scias kio estas muzikon (vi ja estas edukita en eŭropa socio) Mi ŝatas nian espan komunumon en Ipernitio > ĝi estas vigla (vidu kiom da personoj respondas vin!) kaj ĝia kvalito dependas de la ideoj de la uzantoj sed ankaŭ ke tiaj uzantoj havu tempon por dediĉi al skribado.

Ankaŭ mi ŝatas viajn artikolojn kara Andy :-))

Kara Andy, vi ja scias, ke mi volonte aldonas kontribuaĵojn, sed serioze skribi pri pluraj temoj postulas tempon kaj energion. Kutime mi tion faras kiam mi estas iomete pli libera je profesiaj farendaĵoj...estis tempo, kiam mi estis tute senlabora, kaj tiamaniere mi povis preskaŭ ĉiutage aldoni ion; en la lastaj monatoj, dank' al Di', miaj profesiaj devoj fariĝis pli gravaj - tial mi devis dediĉi tempon al ili. Sed mi opinias, ke Ipernity daŭre restas tre utila kaj grava ilo!

Krome oni ne forgesu, ke interreto ne limiĝas al Ipernitio. Ni du ekz. ankaŭ aktivas ĉe Facebook... k.a. Estu tempo por ĉio!

.Laŭdire ĉ. 2.000 esperantistoj/esperantuloj/esperantantoj malfermis konton en Ipernitio. Se nur 10 % el ili diversgrade aktivados, verŝajne sufiĉos por konsideri utila ĉi socian retejon.
La botelo estas duonplena, ne duonmalplena <;O)

Kara amiko Andy,
kuraĝigu vin! En esperantujo estas ne malmultaj silentaj poresperantaj aktivuloj. Mi, ekzemple, daŭre ŝanceliĝas inter interna kaj ekstera agado (rilate la esperantan movadon). Mi persone ne tiom ŝatas sociajn retejojn kaj preferas esti aktiva alimaniere. Inter oktobro 2008 kaj februaro 2009 mi produktis 7 filmetojn en Esperanto por la esperanta filma retejo http://farbskatol.net kaj, kiel vi nun en ipernitio, spertis iom da seniluziiĝo pro la malmultaj reagoj. Do mi decidis dediĉi miajn klopodojn por diskonigi Esperanton inter enlandaj mezklasaj junuloj per rondo pri internacia komunikado. Mi esperas, ke, post kelkaj monatoj el la komenco de la venonta lernojaro, ili povos ekuzi ipernetion por internacia esperanta komunikado.
Ĉirilate, mi lernis kaj ekinstruos la ludon IGO ( http://playgo.to/interactive/esperanto/index.html de Hiroki Mori) rekte en Esperanto al miaj lernantoj.
Ankaŭ mi havas belegajn rememorojn de Armenio, kie antaŭ tri jaroj mi partoprenis ISLA (Somera lernejo).
Nu, bone Andy, akceptu miajn korajn salutojn.

Ne tro koleru kontraù homoj kiuj malfermas konton ĉe Ipernity, kaj ne provizas ĝin per dokumentoj aù artikoloj (eĉ ne unu...)...

Povas esti du klarigoj, kaj ambaù estas kompreneblaj kaj respektindaj.

Eble tiuj homoj bezonas Ipernity-konton por havi rajton vidi fotojn (ne publikajn) de siaj familianoj, sed ne sentas bezonon mem publikigi ion, eble ĉar ili jam havas alian blogon en alia retejo. Tiel estas kun mia patrino, kaj mi tre ĝojas ke ŝi povis vidi miajn fotojn dum sia longa vojaĝo.

Kaj ankaù ekzistas homoj kiuj aldonis jam multajn aferojn en Ipernito, sed nur videblajn al familio kaj amikoj. Tiel estas kun mia filo 11-jara. Kaj mi ne permesas al li akcepti nekonatajn homojn en sia reto de amikoj!

Do la videbla parto de Ipernity ne montras la tuton !

Kaj ĉu kun tiuj 463 amikoj vi ne trovas ĉiutage ion interesan por legi ? Mi mem ne sukcesas tralegi ĉiujn interesajn blogerojn kiujn mi trovas ĉi tie !!

Mi ne komentas ĉi tiun blogaĵon...

La amaso da komentoj kontraŭdiras vian aserton ;-)
Fakte mi mem ne vizitis mian spacon dum iom da tempo. Oni ne havas tempon por ĉio!

Komenca - fundamenta eraro de esperantistoj ĝenerale:
oni opinias sin diversa, aparta ol neesperantistoj.
Tutemale - ene de esperanto troviĝas eĉ multe pli da mezkapabluloj ol en ĝenerala publiko.

Kial?

1. e-to estas facilege lernebla
2. ĉiuj kiuj ne atingis veran sukceson en vera vivo, facile fariĝas iu kaj io en esperanto,
sendepende de kapabloj kaj nekapabloj

Kj jen - tia ekipo de naivuloj kiuj kredas ke aliaj kredas iliajn falsajn idealojn, trovas apogan ludejon - ipernition.
Komenciĝas interŝanĝo de naŭzadoj kaj trouzado de vanaj vortoj sensignifaj,
kaj homoj montras ke porko ĉiam estas kaj restas porko - e-parolanta aŭ e-silentanta.

Mi persone - Tilio - estis iu de tiuj pioniroj, entuziastoj de iperesperantismo, kaj mi donacis multajn perlojn kaj horojn al tiu ĉi komunumo,
sed la ĝenerala porkejo deziras ion alian - kielvifartismon (kato geniulo), kaj senfinan koketadon, interŝanĝon de idiotaj komplimentoj, surfacan flirtumadon...

Mi perdis apetiton.

Have a nice day,

Etel

Kara Lioti (aŭ io ajn)
Dankon ke vi finfine klarigis al mi (kaj samtempe al aliuloj) ke ni preskaŭ ĉiuj estas "mediokritetoj" ne kapablaj eklerni io ajn en niaj vivoj kaj esperanto venis kiel solvo por levigi nin en verda ĉielo kie ni ĉiuj naŭze salutas nin kaj ĝuas niajn kielfarastismon. Bedaŭrinde ke ni ne kapablus rekoni perlojn kaj atingi aliajn vivsukcesojn.
mi dirus al vi
Havu belan tagon , ne pro tio ke mi estas jam 44 jarojn esperantistino, sed pro tio ĉar mi ne kapablas regi la anglan lingvon kaj saluti tiel perle ...Have a nice day,
Amike, Stelo

Kielvifartismo estas la vorto kiun mi volonte prunteprenis de Karulo. Do ĉiujn gratulojn al li.

Bone, bone...intertempe mia mizantropio obtuziĝis.

Ne prenu tion persone, amikino.

SAl' Kara Andy

Mi nur povas diria l vi ke vere en esperantujo ne multe okazas por verki artikolojn. En Ipernitujo ne temas pri mallonga jartikoloj aŭ tedo,aŭ ne interesaj aktikojn, nur homojn fojen havas okupojn k. ne povas ofte enretumadi, mi diras tion por mi men ke ne tiel ofte aŭ longe mi povas malfermi la reton sed multajn legas en sia persona retejo artikolojn k. ne povas iri en Ipernity por fari komentarion aŭ simile. ne malĝoju pro tio, ĉiam aperas novajn Ipernitulojn.

Salut' Boris,
laŭ mi, interesaj artikoloj povas senprobleme havi nenian rilaton al esperantujo, eĉ pli, tio preferindas!

Mi konsentas kun vi Karulo! Por mi tiom da amasaj artikoloj pri Esperantujo jam iĝas tro tedaj. Esperanta Ipernity-komunumo estas sufiĉe diversa, do, oni povas uzi ĝin por riĉigi niajn konitaĵojn pri aliaj kulturoj, pensmanieroj, muzikoj, dancoj, opinioj, ktp. Mi memoras ke mi informiĝis pri Irano kaj la (fraŭda?) balotado nur pere de Reza, iranano kiu bone konis la realan situacion. Mi preferas tion ol la ĉiamaj idealismaj artikoloj pri la frateca kaj amikeca lingvo. Esperanto ne estas lingvo de paco aŭ frateco. Mi ne konsentas kun tiu slogano. Ĝi estas komunikilo kiel aliaj kaj per ĝi oni multon povas fari: (mis)informi, kvereli, amikumi, amindumi, ĝui, klaĉi, distriĝi, studi, kolekti, mortigi, minaci, ktp. Tio ja dependas de la uzantoj.

Lau' mi, tute pravas Karulo. Mi nur ekde kelkan monaton esploradas Ipernity, kaj tie mi trovis multajn interesajn argumentojn. En kelkaj ec' donis mian opinion. Mia scivolemo portis min al konatig'o de Andy c'ar tre allogis min lia mult-lingvismo kaj nekonataj literoj. Tiel havis bons'ancon g'uj tre fascinan orientan muzikon. C'u oni povas havi klarigon pri tiu (por mi) stranga alfabeto ?
Dankon kaj salutojn... Danilo.