Rêverie prezentas sian novan duoblan KD-n “REVADO”: la unuan albumon esperantlingvan/itallingvan, la unuan "progresiv-an" albumon en Esperanto.
Dek pecoj por gustumi la belsonecon de Esperanto kaj dek en la itala, karakterizitaj per elvokopova "etno-progresiv-a" sonmaniero.
De la vojaĝoj de la Tuaregaj komercistoj ĝis la senlimaj horizontoj de la Silkovojo, de la ruĝaj sunsubiroj sur la arbaroj de la granda Nordo ĝis la oceanaj profundoj.
Bildoj pentritaj permuzike kaj rakontitaj Esperante, por unuigi la tutan mondon per imaga flugo kaj simbola brakumo.
Odo al la bezono de la homa spirito vaste iradi kaj ĉiam serĉi novajn horizontojn.

© DownBridge Publishing srl 2011 SIAE



LA MUZIKGRUPO RÊVERIE

La itala ne-esperantista profesia muzikgrupo Rêverie estis fondita en la 1996a, de la milana muzikverkisto kaj gitaristo Valerio Vado. La projekto celas realigi modernan muzikon, ĉerpante inspiron el la radikoj de la muzik-tradicioj itala (renesanca kaj baroka), eŭropa kaj mediteranea, kaj prilaborante ĉi tiujn elementojn per nuntempa sentokapablo. Kunfandiĝas, do, tradiciaj kaj elektronikaj sonorecoj, atingante ian sonmanieron difineblan kiel "etno-progresivan". Krome, Rêverie arte eksperimentadas uzante plurajn lingvojn por siaj kantoj, inter kiuj estas Esperanto, la “friula” lingvo (grava regiona lingvo de nord-orienta Italujo), la Renesanca angla de Shakespeare, kaj kompreneble la itala lingvo.
La grupo ekkoncertis en la 1999a, kiel sesopo, kaj poste ĝi koncertadis en la nord-italiaj regionoj Lombardujo, Ligurujo, Piemonto, Venetujo kaj Friulo, per bandkonsistoj el 2 ĝis 7 anoj.

En la 2011a Rêverie koncertis plurfoje en Esperantujo (interalie: IJF de Pornassio, Italujo; UK de Kopenhago, Danujo; FESTO en la kastelo Grezijono, Francujo; IKE de Torino, Italujo), por prezenti sian novan duoblan KD-on esperantlingvan/itallingvan “Revado”.
Laŭ la diskografia vidpunkto, Rêverie ĝis nun eldonis 5 KD-ojn (“Demo 1998”, “Demo 2002”, “2004”, “Shakespeare, la donna, il sogno”, kaj la duoblan KD-n esperantlingvan/itallingvan “Revado”), akirante pozitivajn recenzojn en Italujo kaj eksterlande.
Pluraj kantoj estas dissendataj fare de diversaj radiostacioj, italaj kaj eksterlandaj.

Dum la produktado de "Revado" la kompleta bando konsistis el:
-Fanny Fortunati - solista voĉo, perkutinstrumentoj
-Fulvia Borini - transversa fluto, mandolino
-Alberto Sozzi - blovinstrumentoj, klavinstrumentoj, banĝo, gitaroj, perkutinstrumentoj
-Valerio Vado - gitaroj, klavinstrumentoj, mandolino, voĉo
-Daniele Defranchis - gitaroj

(Post la produktado de "Revado" okazis du ŝanĝoj en la bandkonsisto: Francesco Spiga anstataŭigis Fulvia Borini, kaj Andrea Fontana iĝis oficiala ano de la bando; pri ĉio tio vidu: www.ipernity.com/blog/28233/364631)



LA DUOBLA KD ( ITALLINGVA / ESPERANTLINGVA ) “REVADO”

Printempe de la 2011a Rêverie, kunlabore kun la itala esperantisto Andrea Fontana (Anĉjo PacHorano), finpretigis duoblan KDon titolitan “Revado”.

Ĝin konsistigas du KDoj: la unua en Esperanto, la dua en la itala. Ili entenas po 10 muzikpecojn, kaj daŭras proksimume po 1 horon. Do entute temas pri 1+1 horoj kaj 10+10 muzikpecoj.

La tekstojn en Esperanto verkis Andrea; iliajn ritmajn tradukojn al la itala verkis Pier Luigi Cinquantini.

La celo de ĉi tiu kunlaborado inter Andrea Fontana kaj Rêverie estas:
- por Andrea: disvastigi Esperanton en la ne-esperantista nord-itala profesia muzik-medio, konkrete montrante al ne-esperantistoj la artajn ecojn de la lingvo,
- por Valerio kaj Rêverie: disvastigi sian muzikon en la tutmonda medio de la internacia esperantistaro.
La jam antaŭe eldonita disko “Shakespeare, la donna, il sogno” entenas la unuajn du kantojn en Esperanto gravuritajn de Rêverie.



PREZENTFILMETO DE "REVADO", FILMETO KUN ELĈERPOJ EL LA KONCERTO DUM LA KOPENHAGA UK, KAJ TRI TRAKOJ ELTIRITAJ EL LA DISKO, POR VIA FRANDEMO:




Por pli multe ĝui la muzikon, estas konsilate aŭdi la ĉi-sekvajn trakojn per kapaŭdiloj aŭ per bonaj laŭtigiloj...

Trako 3, ARKANA BELULINO:

Trako 5, DANCO DE L' MARO:

Trako 6, PLURESTANTAJ MEMOROJ:



HAVEBLECO DE LA DUOBLA KD "REVADO"

La oficiala distribuanto de Revado por Esperantujo estas Vinilkosmo (kaj la cifereca distribuanto cd1d, ligita al Vinilkosmo).

Rêverie kaj Vinilkosmo faris ĉion eblan por plejeble malaltigi la aĉetoprezojn de "Revado" kaj de ĝiaj partoj.

Danke al tio, eblas aĉeti "Revado"n, aŭ ĝiajn partojn, laŭ la jenaj tre favoraj kondiĉoj:



1) La tuta fizika duobla albumo "Revado" (1 disko en esperanto + 1 disko en la itala = 10 + 10 trakoj = 1 horo + 1 horo) aĉeteblas ĉe www.vinilkosmo.com/?disc=vkkd107&lng=e je la ege interesa prezo €14,90 kun AldonValora Imposto (landoj de Eŭropa Unio) aŭ €12,46 sen AVI (landoj ekster Eŭropa Unio). Poŝtaj sendokostoj de la fizika duobla albumo pagendas aparte



2) "Revado" aŭ ĝiaj partoj aĉeteblas kiel elŝuteblaj sondosieroj (do malestas poŝtsendokostoj) ĉe www.vinilkosmo-mp3.com/revado-c-76_177_178.html?language=eo&osCsid=1781396937bc30ac3647181b2f458d51 jene:

- la tuta duobla albumo (parto esperanta + parto itala), en formato "mp3" aŭ "ogg", je la prezo €12,00

- nur unu el la du albumoj (tiu esperanta aŭ tiu itala), en formato "mp3" aŭ "ogg", je la prezo €8,00

- unuopaj trakoj el la albumo esperanta (ne el tiu itala), en formato "mp3" (ne en "ogg"), je la prezo po €1,00



3) "Revado" aŭ ĝiaj partoj aĉeteblas kiel elŝuteblaj sondosieroj (do malestas poŝtsendokostoj) ĉe http://cd1d.com/en/album/revado jene:

- la tuta duobla albumo (parto esperanta + parto itala), en formato "mp3" aŭ "flac" (senperda formato), je la prezo €12,00

- nur unu el la du albumoj (tiu esperanta aŭ tiu itala), en formato "mp3" aŭ "flac" (senperda formato), je la prezo €8,00

- unuopaj trakoj el ambaŭ albumoj, en formato "mp" aŭ "flac" (senperda formato), je la prezo po €1,00



TRAKLISTO:

ESPERANTO
La tradezerta komercisto
Kiam alvenos la fino (*)
Arkana belulino
Plurmiljaraj knaboj
Danco de l’ maro
Plurestantaj memoroj (*)
Koto kaj lumo (**)
Pluvas rosmareno
Silkovojo (***)
Oceano (****)

ITALA
Il mercante del deserto
Quando verrà la fine (*)
La belle dame sans merci
Ragazzi millenari
Danza del mare
Via dei ricordi (*)
Fango e luce (**)
Piove rosmarino
Via della seta (***)
Oceano (****)

(*) Novaj versioj, malsamaj ol tiuj jam publikigitaj en la albumo: “Shakespeare, la donna, il sogno” (2008)
Tekstoj en Esperanto: Andrea Fontana; krom (***) Andrea Fontana, Pier Luigi Cinquantini
Tekstoj en la itala: Andrea Fontana, Pier Luigi Cinquantini; krom (***) Andrea Fontana
Polurado de la tekstoj en la itala: Fanny Fortunati
All lyrics translated from Esperanto to English by David Kelso (with the help of Garbhan MacAoidh) and checked by the London Esperanto Club
Muziko: Valerio Vado; krom (**) Daniele Defranchis, Valerio Vado; kaj krom (****) Alberto Sozzi
Aranĝoj: Rêverie
Aranĝoj de la perkutinstrumentoj: Fanny Fortunati, Rêverie



ALIAJ KREDITOJ DE LA DUOBLA ALBUMO "REVADO"

Muzikgrupo Rêverie:
Fanny Fortunati - solista voĉo, perkutinstrumentoj
Fulvia Borini - transversa fluto, mandolino
Alberto Sozzi - klarneto, diĝeriduo, klavaroj
Valerio Vado - gitaroj, klavaroj, efektiloj, voĉo
Daniele Defranchis - gitaroj, efektiloj

Gasto:
Laura Balbinot - violonĉelo

Produktita de: Rêverie, Andrea Fontana
Plenumaj produktistoj: Rêverie, Andrea Fontana, Alosibla Music Group (www.alosibla.it)
Registrita ĉe: Rêverie Studios, Madamzajj Studios, I Art Studios
Miksita kaj mastrigita de: Ilario Calì
Eldonejo: DownBridge Publishing srl (www.downbridge.it) / 2011 (Siae)

Grafika prilaboro: Mariangela Zabatino (www.mariangelazabatino.it)
(http://arte.mariangelazabatino.it)
Distribuanto por Esperantujo: Vinilkosmo (www.vinilkosmo.com)
(www.vinilkosmo-mp3.com)



FOTOJ DE RÊVERIE














































































INFORMOJ/KONTAKTOJ:

Rêverie c/o Valerio Vado
Via Palmieri, 65 - 20141 Milano - Italia
Retpoŝtadreso: -reverie-@libero.it
TTT-ejo: www.reverieweb.com
alia TTTejo: www.facebook.com/reverieweb
alia TTTejo: www.myspace.com/reverieweb
Telefonnumeroj:
- por itallingvaj aŭ anlglalingvaj komunikoj: +393402218221
- por esperantlingvaj komunikoj: +393298058801



SE VI VOLAS REKLAMADI TIUN ĈI PAĜON, BONVOLU INDIKI LA JENAN PLI FACILE MEMOREBLAN ADRESON:

www.tinyurl.com/revado

(Musklaku ĝin per la dekstra musa butono, kaj elektu: "kopiu la adreson")



______________________________________________

Por pli da informoj pri Rêverie VIZITU LA INTERRETAN ALBUMON: "Mi kaj la muzikgrupo Rêverie" ĉe la retadreso: www.tinyurl.com/reverie-andrea