Kial ekzistas somer-horaro?

La tero

Somerhoraro ekzistas kaj konvenas por tiuj ter-globaj regionoj, kiuj estas malproksimaj de la ekvatoro (imaga ĉirkaŭlinio meza de la tero), ĉar ju pli malproksime de ĝi ili troviĝas, des pli daŭraj estas la tagoj kaj des malpli longaj la noktoj en somero.
Tio okazas por la klino de la rotacia akso (rekto, ĉirkau kiu turniĝas globo) de la terglobo, kiu angulas 23,5° gradojn rilate al orta akso de la ebena tergloba vojo ĉirkaŭ la suno. 
Do en somero la neekvatoraj regionoj sin turnas al la suno dum pli da tempo.
Kaj nun ni konsideru, ke ĝenerale oni kutime dormas de la 22a horo ĝis la 6a de la sekva tago, tio estas 8 horojn.
Ĉar la tago en somero pli longe helas, tial la dorma periodo, supre menciita, daŭras en realo de la 21a ĝis la 5a horo dum somerhoraro. Sekve oni enlitiĝas 1 horon pli frue, ŝparante elektran energion en la hejmoj kaj laborlokoj.
Pri tio, dum tiu jar-sezono, kelkaj landoj adaptas somerhoraron "ĝustigante" siajn horloĝojn 1 horo antaŭen!
Interesas observi, ke bestoj ofte uzas por dormado la periodon simetrian rilate al la 0a horo. Ili dormas ekzemple, de la 20a ĝis la 4a horo, tio estas 4 horojn antaŭ kaj 4 horojn post la 0a horo (nokto-mezo). Naturo saĝas! Ni lernu de ĝi!
 

... de Evandro de Freitas, Brazilio Artikolo de la revuo Juna Amiko N-ro 2/2007