En "Bona Espero" de William Auld

Kolibro paŭzas antaŭ magnolio
Balenomont' serenas super ĉio
Venteto freŝa tra l' folio blovas
Cent metrojn for, la univers' senmovas.

Akveroj el ŝprucil' arĝentas dance.
Dum en hamak' mi lulas min balance.
Kaj jen altrotas mulo laŭ la pado.
Alvenas lakto por la kuirado.

Ĉi tie regas paco kaj trankvilo.
La infanetoj ridas kun facilo.
Ĉar el la hejmgemastroj am' radias
Sub verda flago orfoj familias

Ah, for la ungoj, stultaj mondregantoj,
Vi kvazaŭdiaj kvazaŭomgigantoj.
Kun via politika katastrofa
Nanigas vin ĉi loko zamenhofa!