Antaŭ nelonge mi menciis la ludpilkojn kiuj ĉiam troviĝas en proksima rivereto post pluvoj. Nu, post lasta pluvo, mi vidis oranĝkoloran pilkon sur la kota bordo. Korbopilko. Hodiaŭ ĝi ankoraŭ restis. Post kelkaj minutoj da promenado, mi revidis la korbopilkon, sed ne en la koto... ĝi flosis meze de la rivero. Kvazaŭ ĝi atendis min antaŭ ol foriri. Adiaŭ, sinjoro pilko! Sed tiam mi rerigardis al la koto... jen la pilko! Estas du korbopilkoj! Mi scivolas kiom da pilkoj morgaŭ troviĝos.