Ni rememoros

Hodiaŭ ni adiaŭis de Aristo (Aristīds Mediņš), konata esperantisto kaj sincera amiko.

Adiaŭa tago estis bela, milda kaj sunplena, ĉe florkovrita tombo la violonisto ludis belsonajn melodiojn, printempaj birdoj aliĝis per siaj kantoj... Ĉi momentoj estas neforgeseblaj, kiel neforgesebla estas Aristo.

Li aktive partoprenis esperanto movado en Latvujo, propagandis la lingvon, el tuta koro esperis, ke la mondo fariĝos pli bona dank'al esperanto. Aristo dum sia vivo akiris multajn amikojn, lia ĉarma personeco, bonvola rilato, bonhumoro allogis kaj estis nerezistebla. Li popularigis la internacian lingvon ĉiam kaj ĉie, multaj homoj ekkonis esperanton kun lia helpo kaj aliigis siajn vivojn.

Nun en ĉielo brilas ankoraŭ unu verda stelo. Ni amis, amas kaj amos Vin, Aristo!