It esev Windows 7. Yo desfelisim activizav autonoma mode in li postal programa Windows Live. Ke multa esev mei admiro, kande yo no sucesav livar autonoma mode, mem pos restarto del computer! Kuale do recevar posta?

Pos serchar in Internet li solvo esev rapide trovata:
on bezona entrar Internet Explorer e desactivizar autonoma mode ibe. Pos ista ago, per magik maniere, anke posta Windows Live comensa laborar normale. Es stranja, ma tale to funcciona.

Yo custumale no uza Internet Explorer, ma vice to yo uza Firefox. Pro to kande yo entrav Internet Explorer, yo decomense no comprenev, kuale livar autonoma mode. Felisim, kande yo probav entrar un pagina in internet, Internet Explorer livav autonoma mode automatikale.

Forsan, vi anke pova dir, ke nur idiotes uza Windows Live. Nu, yo save, tamen yo ja acustumav a it, e ibe es mei arkive de letres... Pro pigrese yo no chanja li postal programa.


-