Fulmkurso en Vieno - kion mi faris?

Dankon pro la detala priskribo! Laŭ mi multaj povos bonege utiligi ĝin, ekzemple dum lingvaj festivaloj aŭ dum alilokaj lingvaj modellecionoj. Ankoraŭfoje gratulojn!

Cxu do la partoprenantaro estis tute ne lerninta Esperanton? Aux temas pri (ofteta) situacio,
kiam aperas nova publiko kaj akompanantaj iom-sciantoj kune?

Ne, ili estis tutvirgaj!

Estis grandega laboro fari el niaj filmoj tiun prezentadon! Ĝi bonege montras, kiel sukcese intruis Katalin la alfabeton! Per la bonkvalitaj litero-kartoj kun desegnaĵoj la publiko rapide kaj lerte lernis/uzis ĝin!! Ili vere renkontis Esperanton la unuan fojon! Gratulon, Katalin!

Ankaux veturado, organizado, nokta laborado en si mem postulas grandan fortostrecxon, eble ecx specialajn elspezojn.

Cxu instruadon de literoj tiom rapidan vi rekomendas ankaux pli gxenerale, aux tio estas
speciala por noktaj prezentadoj kaj similaj "grandpublikaj" elpasxoj? La efero iomete konfliktas kun la principo de "lauxgradeco". Kelkfoje oni spertas konfuzadon de literoj cxe "rapidlernintoj"
ecx post longa praktikado de la lingvo: tiam mi supozas, ke ili ne suficxe ekzercadis sin
cxe la komenco pri apartaj elementoj.

Amike

Blazio

Responde al via demando, Blazio, mi devas denove emfazi, ke tiu ĉi prezento okazis dum varbleciono, kiam la ĉefa celo estis NE instrui la lingvon, sed doni bazan trarigardon pri ĝi, pri ĝia strukturo kaj doni la ĝeneralan sukcesonsenton al la ĉeestantoj, ke ili multege komprenas, kabablas eĉ produkti ion en la cellingvo.
Mi ne instruis al ili la alfabeton en la klasika senco de la vorto, sed prezentis al ili ĝin, gustumigis ĝin al ili kun samtempa instruo de interesaj vortoj.
Aliflanke jes ja, mi povas imagi tiom rapidan instruadon de alfabeto al grupo, kies membroj havas lingvajn antaŭkonojn, spertojn pri lingvolernado kaj ĝenerale kapablus aŭtodidakte lerni lingvon. Fakte eĉ por ili gravas la unuaj lecionoj, kiam oni aŭdigas al ili la linvon kaj plantas en iliajn orelojn la fontekikan bazon de ĝi. Ĉi tiu grupo en Vieno konsistis ĉefe el studentoj, kleraj homoj, do, des pli ne estis problemo la rapida ritmo, kvankam kiel observeblas en la filmo kelkaj malfacilaj literoj/sonoj kiel Ĝ kaj Ĵ, la prononco de C kaj Z kaŭzis eĉ al ili problemon. Mi provis kontrastigi la sonojn, atentigi ilin pri la problemo. Kiam iu el ili decidos lerni la lingvon, verŝajne memoros pri tiuj malfacilaĵoj. Ni estu optimismaj.
Ĉiuokze dankon por la demandoj.Ĝuste tio estas la celo de tio, ke mi publikigas la lecionojn kaj pretos pridiskuti ilin kun la spektantoj, malkaŝi la celojn, bonajn flankojn de la lecionoj, eventualajn misajn (evitendajn) pedagigiajn kaj metodikajn erarojn..
Estus bone se multaj kolegoj kaj kursgvidantoj partoprenus en tiu formo de pluperfektiĝo.

Dankon, estas klare.
Bedauxrinde, denove nur:


Blazio, amike

Spektante la filmetojn kiuj realiĝis dum la kurso, oni sentas vian instrukapablon kaj la aktivajn reagojn de ĝojaj lernantoj.
Certe kiel la unua kontakto kun la lingvo, grave estas ke estas prezentita alogaĵo kun entuziasmo, tiel la novuloj estas vekitaj kaj stimulataj por lerni plu!
Daŭrigu, Katalin!!
Amike, Margaretha

Jes, kara Margartehta, mi provas daŭrigi. La scio ke oni interesiĝas stimulas min. Do, post kelkaj tagoj venos nova ero.

Konstanta konsumanto de Edukado, mi trovis ankaŭ en tiuj ĉi viaj filmetoj multon utilan kaj uzeblan dum miaj lecionoj. Do mi senpacience atendas novajn erojn. Prosperu! Sincere, Mikaelo

Gratulon, Katalin! Dankon pri la disvastigo de Lernu, mi estas unu el ties lingvo-korektantoj.

Nenio dankendas! Mi ĉiam direktas la lernantojn al lernu, ĉar scias kiom efike eblas tie lerni E-on kaj trovi tuj bonan uzon de la lingvo. Ili produktas la postajn uzantojn de www.edukado.net, ĉu ne? Ni laboras por komuna celo!

Gratulon kaj dankon pro konigi min la interesan fulmkurson.

Mi havis ĉancon partopreni plurajn kursojn de Esperanto kun vi katalin kaj sylvain, en Pluezek, en Bouresse, en Belgio (por la VanGogh kursoj) kaj tra tiuj filmetoj mi retrovas vian entuziasmon, klerecon, lertecon instrui en bona vivanta etoso. Mi multe lernas de vi. Vi donis al mi fidon instrui.
Gratulon por la abunda materialo kiun vi daùre kreas;
Arlette PLUTNIAK

Kara Katalin! Jen, fine ankaŭ komento mia! Dum la lastaj tagoj mi atenteme pristudis la tutan serion de filmetoj kaj komentoj ĉe edukado.net kaj ipernity. Mi adaptis la materialon al franca - aŭ pli ĝuste bretona publiko, ĉar dimanĉon mi prezentos mian unuan fulmokurson dum lingva festivalo en altlernejo en Lannion. Mi aparte ŝatas vian instrumanieron kaj ŝatus transdoni almenaŭ parton de la entuziasmo, kiun vi sukcesas transdoni. Mi kore dankas pro la vastega materialo, kiun vi disponigas al la tuta esperantistaro. Se en ĉiu lando, estus eĉ nur unu Katalin, la instruado de Esperanto disvastiĝus rapidege, efike kaj samtempe lude. Dankegon!

Kara Bea, koran dankon. Mi ĝojas, ke vi povas uzi la materialon kaj la konsilojn. Multe da sukceso al vi! Kaj bv raporti post la lingva festivalo.