Aparte la dua paĝo de la plano konjektas okupadon de la teritorioj. En urbojn supozeble devas eniĝi blendveturiloj, kiuj ekpafos kontraŭ ĉiujn armitajn homojn. Ĉiuj viroj supozeble devos esti direktotaj al la filtraj tendaroj. Aktivaj milicanoj estos juĝotaj. La propraĵo de kondamnitoj konfiskiĝos por premii militistojn, kiuj avangardis dum operaco.




La memorando tuj disvastiĝis en la amaskomunikiloj. Ekzemple, pri ĝi informas Lenta.ru, Lifenews. Ĝi ankaŭ disvastiĝis en sociaj retoj.











Tamen, ĉi tiu informo ne konformas al la realo. Stopfake sendis informpeton al RAND Corporation – ni demandis pri la aŭtenteco de la disvastigita dokumento, aldone, ĉu la centro efektivigas esplorojn por la ukrainia registaro kaj kia estas la ĉefa direkto de Rand-agado. Ni ricevis sekvan respondon:

"1. Ni ne skribis la memorandon kaj havas neniun rilaton, oficialan aŭ neoficialan, al konsultigo de Ukrainio pri milita strategio, celanta restarigon de la centra ŝtatpotenco en Orienta Ukrainio.

2. Ni ne faras esplorojn aŭ analizojn por prezidento Poroŝenko aŭ la ukrainia registaro nuntempe. Unu el niaj ekonomistoj, Keith Crain, partoprenis seminarion de la usona ambasadejo pri komerca politiko en aprilo 2014.

3. Ni esploras kaj analizas la problemojn de ŝtata politiko en multaj landoj ĉirkaŭ la mondo".




Rusia informagentejo ITAR-TASS ankaŭ skribis, ke ilia usona korespondanto ricevis refuton de RAND Corporation.


Krome, Stopfake sin turnis al profesia tradukisto kaj denaska anglalingvano kun la peto komenti, kiom korekte estas kompilita tiu "memorando". Li trovis en la dokumento erarojn. Ili ne abundas, sed estas sufiĉaj por verdikti, ke la tekston skribis ne denaska lingvoparolanto. Konvinkaj pruvoj, ke la teksto komence estis skribita ruse, kaj jam poste tradukita anglen, mankas. Sed ajnakaze la teksto estas sufiĉe malbonkvalita, ke ĝin skribu unu el altkvalitaj esploristoj de la korporacio RAND.
Ekzemple, en la titolo estas superflua parolturno «On the ….» — tio estas paŭsaĵo el la rusa lingvo; negotiation (p. 1) necesas anstataŭigi per negotiations; operation (p. 4) – pli bone ŝanĝi al operational; should (p. 5) — al would; industries (p. 9) – al industry (coal); keen yet unable to avoid ( (p.17) — devas esti nepre anstataŭigita per keen to avoid yet unable to do so; presumable (en la subtitolo) — oni nepre anstataŭigi per presumed; hostilities, (p.21 — aldoni komon); vorto competencies (p.25) estas paŭsaĵo el la rusa, do ĝi devas esti anstataŭigita per mandates aŭ alia vorto; bunched-up troops (p.35) – al troop concentrations ktp.

Fine, tre gravas rimarki, ke la retejo Beforeitsnews, fondita en 2008, estis projektita kiel portalo de civitana ĵurnalismo, kie verki artikolon povas ĉiu deziranto, kiel en Vikipedio aŭ LĴ. Ĉe tio rtimarkindas, ke en la portalo lastatempe ekaperas pli kaj pli da artikoloj pri fantomoj, eksterteranoj kaj teorio de komploto. Ekzemple, unu el la plej popularaj artikoloj estas "Foto de timiga demono, farita en la malsanulejo apud mortanta paciento".