Sonlibro (laŭ la propono de Avro) 2-a provo

1. Plaĉegas al mi la ideo. Antaŭnelonge mi pensis pri fari la saman kun meksikaj fabeloj, tradukante ilin al facile komprenebla E-o.

2. Volonte.

Mi pensis, ke oni povus apliki apartan voĉon por la parolisto, kaj por la diversaj rolantoj. Sed oni devus prezenti kiel eble en arta nivelo, kaj en tiu rilato mi estas tre malkontenta pri la ĉi tie publikigita peco, same estas tre malbona la teknika/kvalita nivelo.

Aliflanke dank' al interreto kaj komputiko, ni povus fari sonprogramojn sen longa vojaĝo, internacie, el diversaj partoj de la mondo.

Bonvolu fari mallongan (kelkminutan) sonregistraĵon pri via voĉo, kaj sendu al mi, por poste decidi, en kiaj roloj vi estus konvena.

Sed ni certe bezonus almenaŭ 5-6 partoprenantojn, kun kiel eble bela, aktoreca voĉo.

La voĉojn oni povus registri aparte, poste miksi. Ni certe bezonus iomgrade fakulon pri sonregistrado.

Mi ŝatas vian voĉon kaj vian parolmanieron. ( ĉu fabelmaniero? ) Kvazaŭ vi fabelus al infanoj. Estas vere agrabla kaj ĉarma :-)

Kiun rolon mi povus preni ?

Nu, temas nur pri plano. Mi pensas, ke por komenci ni devus fari mallongajn pecojn, ekzemple fabelojn. Post la elekto, vi certe rolus, kiel junulino. Por tio mi devus traduki ekzemple hungaran popolfabelon, por ke ni ne havu zorgon pri kopirajto.

(Pri mia voĉo: Mi edukis du denaskajn infanojn (ili jam estas plenkreskuloj) do mi multe ekzercis min en fabel-legado.)

Dankon pro kuraĝa provo! Certe via voĉo ne incitas orelojn, kio okazas ofte kiam laŭtdiris unu aktoro rolanta ĉiujn rolojn teatre. Kompreneble, perfekte estus registri sonteatron.

Ĵus mi plibonigis la teknikan nivelon, fakte mi faris novan sonregistraĵon. Ŝajnas al mi, ke teknike tio estas jam la maksimuma nivelo per miaj instalaĵoj.

Se vi partoprenus en tia projekto, sendu al mi mallongan sonregistraĵon, por ke mi povu elekti rolantojn por ia sonteatraĵo. Ni jam estas triope, se ankaŭ vi partoprenus, kvarope.

Ĉu ankaŭ mi estas inter ili ?

Kompreneble! Kiel oni povus malhavi mielan voĉon? :-)

Nana !! :-) Ne moku min. :-)

Mi ne mokas. Vi havas tre agrablan voĉon. Se vi iom ekzercas belan prononcon, via voĉo estas tute simila al tiu de Farkasné Tatár Éva, kiu estis profesia parolisto en la iamaj programoj de hungaria esperanta radio-elsendo.

Vi estas tre iniciatema homo, gratulon!
Mielo havas tre belan voĉon.

Jes! Ŝi havas mielan voĉon! :-)

Venas en mian kapon: Ĉu vi ne dezirus reĝisori, kaj esti akustika eksperto?

Mi nenion scias pri tio!

Bedaŭrinda afero. Mi pensis, ke eble rilato al la muziko alportas tiajn spertojn...

Bonega ideo venis en vian kapon !

ĉu oni povus elŝuti la sonlibron?