Milokula Kato's blog/

Ĝi jam lacigas. Baldaŭ la veziko de la ĝojego kreviĝos, ĉar la malamo al ĉio usona ĉirkaŭvolvos ankaŭ la novelektitulon. Oni seniluziiĝos kaj diros: ni atendis de li tiom multan, tamen jen...

Eĉ liaj penoj detrui sian landon restos nerimarkitaj deekstere, ĉar ili estos nesufiĉaj por tiuj kiuj Usonon malamas.

obamunism

We contend that for a nation to try to tax itself into prosperity is like a man standing in a bucket and trying to lift himself up by the handle.

Winston Churchill

(Kaduka traduko: Niaopinie nacio kiu penas impostomelkante atingi prosperon similas al ulo staranta en sitelo kaj penanta levi sin per la tenilo).

P.S. Al tiuj, kiuj juĝas superaĵe, al tiuj, por kiu lia haŭtkoloro signifas pli multon ol simple haŭtkoloro mi diru: en Usono sendube troveblas multaj nigrahaŭtuloj pli taŭgaj al la posteno kaj senaj de la aĉaj ecoj de la nova heroo.

Verŝajne multaj el vi aŭdis pri la artefarita tutslava lingvo Slovio.

Kreis ĝin slovaka lingvisto Huĉko, en 1968 forlasinta sian landon kaj nun loĝanta en Svislando.

Jen la paĝaro de la lingvo www.slovio.com

Mi opinias ke la lingvo estas

1. malbelsona (la pluralo per -s estas terura)

2. tro rusa

Ankaŭ estas neebla celo trovi mezon inter la orient-, okcident- kaj sudslavaj lingvoj.

Se via denaska lingvo estas slava aŭ vi scipovas slava(j)n lingvo(j)n, viaj komentoj bonvenas.

Jes, ja mi estis membro de UEA

membrokarto

Lastasemajne mi malkovris interesan aĵon. Estas antikva japana kalkulilo: sorobano. Kvindek vertikalaj stangetoj dividitaj horizontale, sur kiuj glitas ringetoj: po kvin malsupre kaj po unu supre.

Oni povas plusi, minusi, dividi, multobligi kaj eĉ (mi legis ja!) elkalkuli kvadratajn radikojn.

Hieraŭ mi ricevis ĉe eBay aĉetitan sorobanon. Kaj jam lernis plusi. Pli rapide ol surpapere, skribante la ciferojn unu sub la alian. Sed ne ankoraŭ pli rapide ol la butonkalkulilo.

Ĉe youtube videblas kelkaj filmoj pri la mirakloj de soroban. Arego da japanaj infanfingretoj moviĝas kun nekredebla rapideco super la stangetoj, kaj ĉiuj montras al la instruisto siajn skribtavoletojn kun la ĝusta respondo.

Kiucele oni bezonas sorobanon? - povas demandi oni aŭ alioni.

Ĉiuj miaj ŝatokupoj estas ja malnovmodaj: stenografio, kalkulilo el bambuo, Esperanto...