Estimataj:
Finiĝis vendrede tagmeze, en Juiz de Fora, la 44ª BKE, unu el la plej bonaj de la lastaj brazilaj E-kongresoj okazintaj. La rekono pri tio estis la varma kaj daura aplaudo al Angela Faria kaj organiza skipo de la pli ol 100 kongresanoj, kiuj ĉeestis la Ferman Kunsidon. Sed unue ni raportu pri la antauaj tagoj de la kongreso.
Kun la partopreno de pli malpli 400 anoj, inkluzive de kelkaj eksterlandanoj (polino, francino, usonano kaj portugalo), komenciĝis dimanĉe vespere en la tauga auditorio de Centro de Supera Instruado en Juiz de Fora, la 44ª Brazila Kongreso de Esperanto.
Post bonvenigaj vortoj fare de la prezentisto MARIA NAZARÉ LAROCA kaj alvoko de la autoritatuloj, kiuj konsistigis la podian tablon, oni kantis la Brazilan kaj Esperantan himnojn. Sekvis la salutoj de ĉiu el la podianoj kaj la malferma parolado de Prezidanto JOSÉ PASSINI. La Malferma Kunsido finiĝis per arta prezentado. Oni faris omaĝon al la antau nelonge forpasinta SYLLA CHAVES, prezentante diapozitivojn pri li kaj verkaro. NEIDE BARROS RÊGO ravigis la ĉeestantoj per deklamado de Preĝo sub la Verda Standardo, de Zamenhof, kaj per kantado de LA SUNO MIA, en traduko de Sylla Chaves. Ĉe la fino, membroj de la "Clube do Choro de Juiz de Fora" lerte prezentis plurajn muzikojn de tiu muzika brazila melodio.
LUNDO
Lunde komenciĝis propradire la Kongreso. La kongresejo estas en tre tauga loko. Ĝi estas malnova kolegio, kie nun funkcias Centro de Supera Instruado de Juiz de Fora. Ekzistas interna korto, kie instaliĝis budoj de pluraj specoj (Brazilei, KKE, Societo Lorenz, Amarílio Carvalho, BEJO ktp.). Dum la pauzo de la kunvenoj la kongresanoj renkontiĝis kaj interbabilis tie. Ankau de tempo al tempo okazis artaj prezentadoj, kiel ekzemple, la bonega koruso "Coral das Meninas do Colégio Santa Catarina", kiuj ĉarme kantis la Esperantan Himnon. .
Jam lundo okazis pluraj interesaj prelegoj: Pasporta Servo (Luiz Alberto Coelho); Ismael Gomes Braga, Pioniro de E-o en Brazilo (Affonso Soares); Esperanton Dormi Helpas (Elmir Lima); Ĉina Kalkulilo (Jorge Linck); Euclides da Cunha - nia tragika geniulo (Paulo Sérgio Viana); Homa Voĉo, lau muzika vidpunkto (Alfredo Aragón); Nuna Situacio de Fizika Mediumeco (Wendel Teles Pontes); La korpo parolas - kiel la homoj esprimas sentojn senvorte (Alexandre Serafim).
En tiu sama tago okazis lanĉo de libro de Josias Ferreira Barboza (Esperanto por Lernejaj Klasoj); lanĉo de KD kun registro de parolado de Ismael Gomes Braga, fare de KKE. Ankau okazis kutimaj kursoj por komencantoj (Jair Salles), paroliga (José Roberto Alves de Albuquerque) kaj Supera (Geraldo Mattos).
Pedro Cavalheiro gvidis kunvenon pri la diskutado de la kongresa temo la tutan lundon: JUNULARO KAJ ESPERANTO: BAZOJ POR LA ESTONTECO.
La vespera lundo finiĝis per altnivela arta prezentado: deklamado de poeziaĵoj de Raymundo de Souza fare de Angela Faria, deklamado portugallingve kaj Esperante de NEIDE BARROS REGO de la poeziaĵo DONACO de Margarida Lopes de Almeida; prezentado de la muzika triopo Familio Ribeiro (Kim, la frato kaj la nevo) kaj la bonega koruso de Federacia Universitato de Juiz de Fora. En la komenco partoprenantoj de la Infana Kongreseto faris ĉarman malgrandan prezentadon.
Ĵurnalisto de TV-GLOBO loka filmis kelkajn eventojn de la Kongreso kaj intervjuis Passini.
MARDO
En la dua plena kongresa tago okazis pluraj prelegoj, nome: Leciono pri korelativoj por bazaj lernantoj (Paulo Carvalho), Vortaro Túlio Flores: Kio ĝi estas? Kion ĝi celas? (Túlio Flores), Mia Vizito al Kubo (José Lunazzi), Stilo-Evoluo de Zamenhof (Floriano Pessoa, kiu pro akcidento en la unua tago de la kongreso ne povis fari la prelegon; brile lin anstatauis Paulo Sérgio Viana), Maniero Sekrete Skribi Numerojn (João Silva dos Santos), prelego kaj lanĉo de la libro Mi estas Spirito (Márcia Soares), Esperanto-Terapio (Alberto Flores). Krome okazis du portugallingvaj prelegoj: Estudo Comparativo do Esperanto com outros idiomas (Marco Fletto) kaj Contação de Histórias "Emengarda, a Barata e Pitulu" (Maria das Graças Augusto). En aparta ĉambro dum la tuta marda mateno okazis Lorenz Seminario kun prelego de Affonso Soares (Centjariĝo de Esperanto ĉe FEB), lanĉo de diversaj libroj de Eldonejo Lorenz kaj arta momento. En alia ĉambro notinda estis la prelego de la juna Dominique Vieira, kiu prezentis al la ĉeestantoj la virtualan internacilingvan sciencan revuon TELESKOPO kaj ankau en alia ĉambro la lanĉo de la DVD "Esperanto estas..." (Rogener Pavinski). . En alia ĉambro Geraldo Mattos gvidis Superan Kurson ankau dum la tuta mateno. Posttagmeze, en apartaj ĉambroj okazis Salona Danco kaj kunveno pri Diskonigado, organizita de BEL-respondeculo. Vespere, je la 20-a, estis prezentita portugallingva teatraĵo pri la Zamenhofa vivo (Zamenhof - um linguista com alma de poeta). Gratulinda estas la reĝisorado, kiu talente sukcesis resumi 57 jarojn da Zamenhofa vivo en unu horo, kaj la profesia interpretado de la pli ol 10 geaktoroj.
MERKREDO
Merkredo estas alia tago plena de prelegoj: Zamenhof - 150ª Datreveno (José Passini, kiu prelegis Esperante kaj post portugale pri la sama temo), Kiel elpaki la donacon de la senatano (Leite Jr.), Prelego-Festivalo lau Komuna Europa Referenc-Kadro (Paulo Nascentes), Esperanto kaj la interna ideo (Givanildo Ramos), Esperanto dialektiĝas (Geraldo Mattos), Significados e Sentidos: Um Olhar sobre o Busto de Zamenhof (Raphael Reis), Libro-servo: Enspezo-Fonto Neglektata de Kluboj kaj Asocioj (José Roberto Tenório), Meditado (Elmir Lima), La Vivo de Sérgio Buarque de Holanda (Raphael Henrique), Saĝeco de Proverboj (Ismael de Miranda), Propono por Altigi la Rolon de Scienca Revuo en Scienca Medio (Wendel Teles Pontes), Leĝo de Amo (Robinson Mattos), Bono Ricevita de Esperanto dum Tuta Mia Vivo (Manoel Borges dos Santos) kaj O que é o Esperanto-Atividade s ( Marlene da Cruz). En apartaj ĉambroj okazis Iniciação à Língua Japonesa ((Marcelo Vieira) kaj Dança Circular Sagrada (Susana Assis), Supera Kurso de Esperanto (Geraldo Mattos), Minicurso de Esperanto (Jair Salles), Baza skriba kaj parola ekzamenoj (Francisco Wechsler). Vespere, de la 18ª ĝis la 22ª, okazis en la Festa Salono, la Balo kun muzikoj elektitaj de esperantista diskestro.
ĴAUDO
La kvina tago de la Kongreso, same kiel la antaŭaj, estis plena da aktivecoj. Prelegis Ivaldo Alves (Junularo Investata, Redono Garantiata), Aloísio Sartorato (46 Jaroj da Esperantista Vivo: Rememoroj kaj Spertoj), Lucas Vignoli (La Religiaj Baroj - Interkulturaj Defioj), Maŭricio Monken (Menopaŭzo: Ĉu kuracenda virina vivofazo au nezorginda periodo?), Nazaré Laroca (Ni pensas kaj parolas per konceptaj metaforoj), Luiz Alberto Coelho (Pasporta Servo), Wendel Teles Pontes (Bestoj: biologiaj klarigoj al neordinaraj kondutoj), Marcos .Bissoli (Ligustra Grupo - Zamenhof kaj Paulo Freire: kritik-liberiganta pedagogio en formala instruado de Esperanto), Márcio Nascimento (Kiel Strukturigi Nian Movadon) kaj Liette Leila Pessoa (Aprendi o Esperanto e agora comunico-me com o mundo). En apartaj ĉambroj ankau okazis: Simpozio pri la Disvastigado de Esperanto per Radio (Fabiano Henriques), Renkonto de membroj kaj simpatiantoj de Brazila Sekcio de ILEI (José Roberto Tenório), Luphomo - luda momento (Renan Ramiro), Minicurso de Esperanto (Jair Salles) kaj Supera Kurso de Esperanto (Geraldo Mattos). Vespere okazis en la korto de la kolegio la Julia Folklora Festo, kun esperantista kvadrilo gvidita de Angela Faria. Oni oferis al la ĉeestantoj tipajn julifestajn dolĉaĵojn kaj trinkaĵojn.
Resume, la 44ª BKE estis inda festo de la brazilaj esperantistoj malfacile superebla de la venontaj brazilaj kongresoj: jen defio por la gesamideanoj de CAMPO GRANDE, Mato Grosso do Sul, kiu gastigos en Julio venontjare la 45an. Brazilan Kongreson de Esperanto!
P.S.: Sabate mi disponigos en mia spaco en Ipernity la fotojn de la kongreso!
Informis:
Aloísio Sartorato
Rio, Brazilo
This form is secure
Send a message
Search for members
This post is public
