Pri mia voknomo (pseŭdonimo), Kapao.

Mi uzas Kapao-n, kiel mian voknomon. Mi iom klarigas pri la nomo:

Kiam mi intencis sendi mian verketon al la litera konkurso en la japana Esperanto-kongreso, kiu okazis en 1998 en la urbo Kanazawa, mi hazarde legis la libron, La Kapao, kiun verkis la fama verkisto en Japanio, Akutagawa Ryuunosuke. La aliĝantoj devas nomi sin per provizora pseŭdonimo kaŝante ĝustan nomon por ke juĝistoj juste juĝi en la konkurso. Tiam mi legis la libron sub la titolo de Kapao kiel supre mi menciis. Mi do senpense uzis la titolon, Kapao por mia pseŭdonimo. De tiam mia voknomo, pseŭdonimo fariĝis Kapao.

Kio estas Kapao?

Kapao estas fantazia besto, kiu ofte aperas en popollegendoj en diversaj lokon en Japanio. La korpo kaj piedoj similas al rano. La vizaĝo al birdo. Sur ĝia kapo troviĝas telero plena de akvo. Ĝi loĝas vintgre en akvo, somere en monto, kaj havas grandecon preskaŭ saman al homa knabo. Ĝi tre ŝatas ludi lukton, kiam la akvo restas en la telero.

Japanaj knaboj timas ĝin, kiam ili naĝas en rivero aŭ lago, ĉar ili kredas, ke ĝi ofte tiras geknabojn profunden en akvon kaj dronigas ilin, eĉ deprenas testikon de knabo.

Sed tamen ne imagu min laŭ mia voknomo. Mi ne estas tia danĝera homo. Kredu min.