Ĉeĥa E-Asocio kaj E-klubo „La Ponto“
kunlabore kun Ĉeĥa E-Junularo kaj E@I
invitas vin al
La 5-a Sabla Printempo
(seminario „Esperanto en Interreto“)
9.-11.4.2010
en la urbo Písek (Ĉeĥio – Suda Bohemio)
por komune lerni kaj krei ion novan kaj utilan
kaj interŝanĝi niajn sciojn kaj spertojn
Písek estas ĉarma urbo 100km sude de la ĉefurbo Prago
* facile kaj rapide trafike atingebla
(el Prago 75 min per rekta luksa buso kontraŭ 90,- CZK)
* fama precipe pro sia mezepoka ponto
(la dua plej aĝa en Eŭropo norde de Alpoj)
vidu http://eo.wikipedia.org/wiki/Pisek_(Pisek),
E-version de la urba retpaĝaro www.icpisek.cz
kaj mian Ipernity-fotoalbumon „Mia urbo Písek“)
Jam tradicia internacia komputila laborseminario
ĉi-jare okupiĝos pri jenaj ĉeftemoj:
1. Kreado de Esperanto-subtekstoj kaj dublado
por mallongaj filmoj
2. Funkciigo de la internacia E-datumbazo BRETARO
3. Por ĉeĥoj - Funkciigo de la nova komuna retpaĝaro
de ĈEA kaj ĈEJ
La seminariaj grupoj laboros sub gvido de la ĝisnunaj
spertaj kunlaborantoj Peter Baláž, Miroslav Malovec
kaj Marek Blahuš.
Kadre de la vesperaj programoj prezentiĝos
diversaj aktualaĵoj kaj interesaĵoj
pri „Esperanto en Interreto“ kaj iom da distraĵoj.
Ne mankos tempo ankaŭ por promenado
kaj ĝuo de la printempeca etoso en la urbo Písek
(ĉeĥlingve signifas „Sablo“ – pro la orhava sablo en la rivero,
ĉe kiu la urbo situas – tial la nomo de la aranĝo!)
kaj de la fama ĉeĥa biero!
Favorpreza partoprenkotizo:
Dank al denove tre probabla subvencio de la urbo Písek
(kaze de nericevo garantiata de ĈEA)
ni povas oferti al vi same avantaĝan kotizon kiel lastjare:
940,- CZK (ĉ. 36 eŭroj) inkluzivas:
* 2 tranoktojn en moderna studenthejmo
5 minutojn piede al la urbocentro
(2-3-litaj ĉambroj, duŝejo/necesejo komunas ĉiam por 2 ĉambroj;
kelkaj 1-litaj ĉambroj kontraŭ krompago mendeblas)
* sabate kompletajn tagmanĝon kaj vespermanĝon
en urba restoracio kaj 2 matenmanĝojn en la studenthejmo
* kompletan instruprogramon kun instrumaterialo
kaj aliron al Interreto
(Pro la subvencio membroj de ĈEA, ĈEJ, SKEA kaj SKEJ
ĝuas krome apartan rabaton 300,- CZK)
La prezo validas nur por aliĝoj akceptitaj ĝis 21.3.2010!
Postrestado en la urbo laŭ interkonsento eblas!
Bv. ĝustatempe peti aliĝilon kaj pli detalajn infromojn ĉe:
NI ĜOJATENDAS VIAN AKTIVAN PARTOPRENON!
Vladimír Dvořák kaj Pavla Dvořáková – la ĉeforganizantoj
Fotaĵojn el la pasintaj aranĝoj bv. vidi
en miaj Ipernity-fotoalbumoj:
Sabla Printempo Písek 2009 kaj La III-a Sabla Printempo
Sign-in to write a comment.