Knaboj de la Paŭlo-strato

Je cherche pour un projet culturel des traductions du plus grand nombre possible de langues et d'éditions différentes du roman hongrois: 'Les gars de la rue Paul'. Voyez le titre dans les langues différentes sous http://www.edukado.net/post/19552. Pouvez-vous l'aider? Si oui, contactez-moi par message a travers Ipernity.

Bonvenon kara Katalin !
Jes, mi tralegis la libron de F. Molnar "Chłopcy z Placu Broni". Kaj ĝis nun mi memoras historion de Nemeĉek, kaj iliajn kortajn batalojn. Kun salutoj !

Albana: Djemtë e rrugës Pal

Çunat e rruges Pal

Angla: The Paul Street Boys

No Greater Glory

Armena: Pal csampu teghake

Bulgara: Момчетата от Павловата улица [Momcsetata ot Pavlovata ulica]

Момчетата от улица Пал [Momcsetata ot ulica Pal] (bulgara)

Ĉeĥa : Chlapci z Pavelské ulice

Esperanta : La knaboj de Paŭlo-strato

Estona : Pál-tänava poisid

Finna : Koulupoikia (kirja Pál-kadun pojista)

Franca : Les garçons de la rue Pál

Les gars de la rue Paul

Germana: Die Jungen der Paulstraße

Hebrea : Máhánájim

Hispana : Los chicos de la calle Paul

Itala: I ragazzi della via Pál

I ragazzi della Via Paal

Kartvela: Paliskuzeli bizebi

Kroata: Junaci Pavlove Ulice

Dječaci Pavlove ulice

Litova: Palo gatvės berniūkščiai

Macedona: Decata od Pavlovata ulica

Moldva: Bastii din sztrada Pál

Nederlanda: De jongens van de Pálstraat

Norvega: Kampen om løkka

Pola: Chłopcy z Placu Broni

Portugala: Os meninos da rua Paulo

Rumana: Băieţii din strada Pal

Rusa: Мальчишки с улицы Пала [Malcsiski sz ulici Pala]

Sveda: På liv och död

Serbo-kroata : Junaci Pavlove Ulice

Дечаци Павлове улице / Dečaci Pavlove ulice

Slovaka : Chlapci z Pavlovskej ulice

Slovena : Dečki Pavlove ulice

Turka : Pal Sokağı Çocukları

Pal Sokağının Çocukları

Ukraina : Хлопці з вулиці Пала [Hlopci z vulüci Pala]

Interesa afero: nur pola tradukisto traktis la titolon senestime [;-)]kaj shanghis straton je placo kaj Pal-on je armilaro. Strange!!!

...dum la finna tradukisto nomis la libron „lernejaj knaboj“ :)

Bonvenon Danka
Vi pravas, mi ankau ne scias, kial pola tradukisto de ĉi-tiu libro donis al ĝi la titolon "Knaboj el la placo de armilo". Eble tial, ke uzante diferencajn alireblajn armilojn, unaj el ĉi-tiuj knaboj batalis por tiu-ĉi placo kaj aliaj el ili devis defendi ĝin ?. Ja tiuj knabaj bataloj por tiu placo estis bataloj por ilia loko en sia ekzistenco, sia domineco sur sia korto kaj infana vivo-spaco. Mi opinias, ke nomo de la strato de Paulo estus lau tradukista opinio malmulte komprenebla por la same jaraĝaj polaj geknaboj, ne sufiĉe redonante karakteron kaj sencon de ĝia fabelo. Lau mia opinio ĝi ne estas do la stranga.

ebli li komprenis la militistan ideologion malantaŭ la rakonto.

En la listo de tradukoj mankas latva: Pāvilielas zēni
Libro latve estis eldonita en 1961 en Usono, eldonejo "Grāmatu Draugs" ("Amiko de libroj"). Sed en 1994 oni laŭ libro scenararanĝis spektaklon kun la sama titolo en unu el la ĉefaj teatroj de Rigo - Dailes teatro.

Koran dankon pro la informoj. Ĉu vi povus akiri por mi la libron? Mi rekompencos, komprenble. Dankon!

Greka τα παιδια της οδου Πατησιων.

Saluton. Ĉu vi konas la libron? Ĉu ĝi estas aĉetebla en Graklando?

Saluton Katalin! Mi trafis vian paĝon kaj vidis ke vi serĉas la nacilingvajn eldonojn de "Knaboj de Paŭlo strato". Mi kontrolis, ke vi ne havas la kroatan eldonon. En la loka librovendejo ĝi ekzistas, kaj mi povas havigi ĝin se ne estas malfrue.

Koran dankon por la propono. Bv. fari kaj post la kongreso mi kontaktos vin pri la detaloj.

La libro aĉetita. Bonvolu sendi vian poŝtadreson. Mi tuj ekspedos.

Koran dankon, Josip.
Mi respondis en mesaĝo.

Koran dankon, Josip. La libro bone alvenis.
Ĝi estas tre bela eldonaĵo.
Mi havas demandon. Ĉu ĝi estas deviga legaĵo kaj se jes, en kiu klaso de la lernejo?
Dankon pro la respondo.

La verko de Ferenc Molnár estas deviga legaĵo en Kroatio en la kvina klaso de elementa lernejo. La sendita eldono estas adaptita por lernantoj (vi eble rimarkis la notojn kiuj en alilingvaj eldonoj ne troviĝas, kaj kiuj helpas al lernantoj legi la libron).
Mi ĝojas, ke la libro plaĉas al vi.

Dankon pro la respondo. Ankaŭ en Hungario estas deviga legaĵo kaj eble ankaŭ en aliaj landoj. Mi do ekde nun serĉas ankaŭ tiujn informojn.
Bonvolu ripeti tiun informon sub la libro mem. Dankon!

Bela kaj subteninda iniciato, kara Katalin!
Plej amike
Ludoviko kaj Julinjo

Mi konstatis ke en Brazilo aperis portugallingve du eldonoj de traduko far(ita de) Paulo Ronai, denaska hungaro, klerulo kiu multe agis en traduka kaj eldona agado en Brazilo, kie li venis ŝajne antaŭ la dua mondmilito.

La unua eldono aperis en 1992, kaj elĉerpita. Eblas aĉeti malnovajn ekzemplerojn en Brokantejoj, ĝenerale tre malmultekoste, ĉ. 2,50 eŭroj, tamen uzitajn, kun flaviĝintaj paĝoj, ks.

La dua eldono aperis en 2005, jam post la morto de la tradukanto, ŝajne reviziita de alia hungardevena brazilano, ne multekosta (ĉ. 13 eŭroj), disponebla pere de la reto kaj eble en miaj lokaj librovendejo, kion mi baldaŭ esploros.

Ĝi estas anoncita kiel literaturo por infanoj, tamen mi iam legis ĝian esperantan tradukon kaj ĝi ne montriĝas kiel tia, sed kiel grava socia romano, kiu nun igas min memori pri niaj stratbubaĉoj kiuj svarmas en grandaj urboj, devenantaj de malriĉaj familioj kiuj iras al la strato por ion pergajne eĉ se ŝtele, aliaj, bedaŭrinde, por preni drogojn kaj helpi en ĝia surstrata komercado, ĝenerale sen pluaj kontaktoj kun siaj familioj. Vere ke la situacio priskribita en la la libro alias, ĉar ĝi ŝuldiĝis ĉefe al la krizo postmilita kiu envolvis ĉiujn loĝantoj de detruitaj urboj en Eŭropo antaŭ la rekonstruado.

Kun ĝojo mi pretas helpi al vi en via projekto per akiro miakosta kaj sendo al vi de unu aŭ de ambaŭ eldonoj, serĉante en la unua la plej bone konservata ekzemplero, ĉar pri la dua, krom tre belaspekta eldono mi sukcesos elkovi tute nova ekzemplero facile.

Bv. min diri nur se sufiĉas la lastan plej novan eldonon kun belaspekta kovrilo kaj la adreson kien sendi la materialon. Poste mi petas nur iom da pacienco por ke mi mendu kaj eble kun rekta sendo al vi, se tio eblos ĉe la librovendejo/brokantejo.

Kun simpatio kaj forta admiro pri via belega laboro ĉe Edukado.net,

Salutas vin,

José Mário Marques

Koran dankon, José, por la interesaj informoj kaj via propono.
Mi respondis al vi en aparta mesaĝo.

Kompletige.

En posta serĉo, por mendo de la libro, mi konstatis ke oni jam produktis en Brazilo minimume 3 eldonojn de la libro, kun pluroblaj republikigoj, ĉefe destinitaj al la infana (mi kredas ke pli bone, lerneja) publiko, kun, por mia surprizo, pli ol 1.500.000 ekzempleroj.

Mi ne scias ĉu iu el tiuj, kun resumiga adapto, kiel ofte okazas en Brazilo, por ke la legaĵo ne fariĝu tro longa. Ĝenerale ĉiujare ĉiu lernejo elektas difinitan kvanton da titoloj legotaj de la lernejanoj dum la periodo. Eble tio pravigas la grandegan eldonan kvanton de la libro, ne ofta en Brazilo por literaturaĵoj, escepte kiam temas pri tiuj sezonaj furoraĵoj.

Tial mi prizorgis la aĉeton nur de la lasta eldono, kies grafika aspekto ŝajnas la plej moderna el la trio, krom esti tute nova libro, do, ne de brokanto.

Tamen se por via projekto gravas havi almenaŭ unu ekzempleron el ĉiu eldono, mi pretas prizorgi tion por vi. Do sufiĉas min sciigi pri la intereso, tamen, mi petas, ne unu ekzempleron el ĉiu publikigo, ĉar tiukaze anstataŭ iri al brokanto mi iros al bankroto! :-))

Kara Jose, ni estos tie kune..... precipe se mi decidas klopodi ekhavi ĉiujn eldonaĵojn de la mondo!
Oh, ne, ne... eble krom la nova iam se vi trovas sendu al mi unu bronaktan, malnovan ekzempleron... kaj ne forgesu, ke mi rekompensos vin pro la helpo.
Antaŭdankon, amike, Katalin

Cetere, ĉu la libro ankaŭ eldoniĝis en Portugalujo? Ĝenerale oni tradukas libron kaj al la brazila kaj al la portugala variantoj de la lingvo reganta en tiu lando kaj en Brazilo, ĉar la frazstrukturoj kaj vortelektoj malsamas en ambaŭ situacioj, malgraŭ la ĝenerale facila interkompreno inter la du variantoj.

Kara Jose,

La libroj bonorde alvenis. Mi esktreme dankemas al vi pro tiu belega donaco, ĝuste je unu tago antaxu mia nomtago. DANKEGON!!!
Mi eltrovas manieron reciproki vian malavaran donacon.
Mi samtempe petas vin komenti la librojn, doni la informojn sub la bildo, kie mi prezentis ilin. (mi celas tiujn, kiujn vi skribis ĉi tie pri la tradukinto kaj eldonoj, kvanto, ktp... kaj konateco de la romano en Brazilo. Amiek, Katalin

Saluton Katalin, ĉu vi havas la hispanan tradukon? mi povus serĉi ĉi tie en librovendejoj.

Dankon, Andy, ne, mi ne havas ĝin. Planis aĉeti ĝin en oktobro, kiam mi iros al Barcelono
Sed la praktiko montras ke ofte ne eblas simple aĉeti ĝin, sekve, se vi povas iom enketi nun, mi dankus vin. Se vi mem partoprenos la mediteranean semajnon http://personales.ya.com/semajno kaj povos kunpreni tien ekzempleron, des pli bone. Mi pagos, kompreneble la kostojn. DANKON!

Mi eĉ ne sciis pri la mediteranea semajno. ''Bedaŭrinde'' mi ne partoprenos ĝin ĉar en Madrido ni organizos ekskurson al la norda madrida montaro kun junaj esperantistoj kaj konatoj kaj novuloj (ĉefe el Lernu!) kaj poste alia ekskurso kun neesperantistaj geamikoj, do, tre plena la monato kaj malplena la poŝo post tio! Tamen, mi povas serĉi kaj se vi ne trovas ĝin en Barcelono mi povas aĉeti ĝin kaj sendi perpoŝte. Mi ja ŝategos donaci ĝin al vi, do, ne zorgu pri la kostoj.

Koran dankon, Andy. Post mia reveno el Barcelono mi raportos al vi pri mia (mal)sukceso.
Bonan ekskursumadon, amike Katalin

Dankon al Ilona KOUTNY kaj Zbiszek GALOR pro la donacado de du polaj versioj kaj la lauxtlegita romano sur 4 kodoj.

Mi informas vin, ke en la hispana la titolo ne estas "Los chicos..." sed " los muchachos de la calle Pal".

Dankon, kara amiko. Mi bedaŭrinde jam ne povas modifin tiun enskribon,s ed kiam mi havos la hispanan eldonaĵon, mi bone skribos ties titolon.
La liston mi kopiis el Vikiepedio, eble tie tiam estis malĝuste,
Amike, Katalin

Bela ideo!
Mi esperas ke vi havas serban (aŭ serbokroatan) tradukon.
Libro estas deviga literaturo por lernantoj de kvina klaso elementa lernejo.

Saluton kaj dankon pro via enskribo.
Ne, mi ne havas la serban, nur la kroatan, kiun vi povas vidi en tiu blogo. Ĉiuj miaj libroj kaj sonmaterialoj, filmoj pri la sama verko estas listigita ĉi tie.
Do, se vi povas akiri al mi serban ekzempleron, bonvolu kontakti min en mesaĝo por ke ni faru interkosneton. Dankon.

En pola lingvo aperis jam 23 eldonoj de la libro. Ĝi estas ne deviga, sed kroma legaĵo. La kuriozaĵo estas, ke ĝi titolas "Knaboj el la Armil-Placo" - la placo por kiu Nemeĉek donis sian vivon kaj kiu najbaris la Paŭlo-straton.

De la jaro 1987 en Pollando funkciis rokmuzika bando, kies nomo estis la pollingva titolo de la libro. En la jaro 2000, pro akcidenta morto de ĝia gvidanto, la grupo ĉesis sian funkciadon.

Saluton, Przemek!
23 eldonoj? Nekredeble!! Bone ke mi ne celis kolekti ĉiujn eldonaĵojn de la mondo!
Tamen se ni trovas plurajn de la sama lingvo, mi ne rifuzas akcepti, aĉeti.
Kiam mi rete serĉis la polajn librojn, mi jes ja trafis la muzikgrupon, kaj scivolas, ĉu la nomon ilin elektis pro la libro? Kaj se jes, kial? Ĉu vi scias ion pri tio?
kaj fine, ĉu vi legis la libron? Ĉu ĝi lasis en via pozitivan impreson? Cxu vi kiam ajn povus memori la nomon de "nemeĉek" (minuskle), ja vi certe scias kion signafis tiel skribi lian nomon, ĉu?

Kial la grupo elektis tiun ĉi nomon - mi ne scias, sed certe ili estis inspiritaj de la libro de Molnar.
La libro certe lasis al mi tre pozitivan impreson. Mi ankaŭ spektis iam polan televidfilmon faritan baze de ĝi.
Kaj pri la nomo de Nemeĉek mi ne vere scias, ĉu io ligita kun germano? :)

Nu, mi simple scivolis, ĉu vi kapablas diri la nomon de Nemeĉek, se iu demandas vin " Kiel nomiĝis la knabeto en la libro de Molnár?
La kamaradoj srkbis lian nomon minuskle por esprimi, ke li valoras neniom, estas simpla membro en la klubo. Fine ili ŝanĝas lian nomon kaj skribas ĝin plene majuskle NEMEĈEK....sed tiam jam estas mafrue ĝojigi lin.... Tial por ni, hungaroj, skribi ies nomon minuskle signifas ne estimi, ne apreci lin/ŝin. Se iu mem skribas sian nomon tiel, povas esti modesteco aŭ pigreco premi la ĝustajn klavojn kune. Amike, katalin :-)

Ah jes, tiasence kompreneble - mi tuj dirus lian nomon se iu min demandus pri persono el la libro de Molnar. Tamen mi ne vere memoras la tutan historion en la libro.