This form is secure
Send a message
Search for members
This post is public
Karaj amikoj, samideanoj, kamaradoj! Helpu nian lingvon kaj nian movadon per voĉdono por la ideo enkonduki lernejan instruadon de Esperanto en Usono!
Danke al senprecedenca kaj entuziasma kunlaboro de tutmonda komunumo de la por-esperantaj agantoj, en la lasta tago de 2008a, kadre de la voĉdonado en la retejohttp://www.change.org/ideas/ la propono de Oleg Izyumenko pri la bazlerneja instruado de Esperanto en Usono, kiel unue lernenda fremda lingvo kaj kapabloevoluiga lernobjekto, en la kategorio "Klerigo" (angle 'Education') atingis la duan lokon kun pli ol du mil voĉoj! Tiel la propono rajtas partopreni en la dua fazo de la voĉdono, inter la 5a kaj la 15a de januaro 2009.
La unuajn 10 proponojn, kiuj ricevos plej multe da voĉoj, la organizaĵo Change.org transdonos al Barack Obama, post la enoficiga ceremonio – kaj poste kune kun siaj partneroj aranĝos tutlandan kampanjon por subteni la venkintajn ideojn. Imagu nur, ke unu el tiu ideoj, subtenota per mono kaj organizaj rimedoj en la tuta lando, povas esti instruado de Esperanto al lernejaj infanoj!
Kaj eĉ se tiu ĉi ideo ne trafos inter la unuaj 10 plej popularaj, la voĉdono povas esti enorme granda ebleco reklami la internacian lingvon en Usono.
Tial ni petas vian helpon hodiaŭ. Bonvolu voĉdoni kaj inviti al voĉdono ankaŭ viajn familianojn, kolegojn kaj amikojn.
1. Kiel voĉdonu tiuj, kiuj jam registriĝis ĉe Change.org kaj sukcese voĉdonis en decembro?
Se oni jam voĉdonis en la unua etapo (antaŭ la 31a decembro 2008), oni denove devas voĉdoni en la dua etapo (inter la 5a kaj la 15a de januaro 2009), ĉar ĉiuj antaŭaj voĉdonoj el la unua etapo estis nuligitaj. Nun oni uzu sian jam ekzistantan konton ĉe change.org, kiun oni kreis por voĉdoni en la unua etapo. Oni povas eniri la paĝaron per klaki sur 'Sign In' en supra dekstra angulo de ĉiu paĝo. Tiam oni entajpu sian uzantonomon kaj pasvorton ĉe change.org kaj post eniro oni povas voĉdoni per vizito al
http://www.change.org/ideas/view/introduce_esperanto_as_a_foreign_language_subject_in_schools
kaj klako sur blua butono. Se oni volas eliri el sia konto por lasi komputilon al iu alia (familiano, kolego, samklasano ktp) por voĉdoni, oni klaku sur 'Sign Out' en supra dekstra angulo.
Poste, alirinte http://www.change.org/ideas/view/introduce_esperanto_as_a_foreign_language_subject_in_schools
oni povas sur tiu paĝo voĉdoni per UNU KLAKO sur blua butono kun nombro de jam voĉdonintoj. La voĉdono NE registriĝas se oni nur lasas komenton, sen klaki sur la butono. Se post klako la butono ŝanĝis sian koloron al bruna, la voĉo estis registrita. Se oni klakas sur la butono plian fojon, oni forprenas (nuligas) sian antaŭan voĉon. Atentu ne fari tion, sed lasu butonon esti bruna!
! Grave: bonvolu NE lasi ajnajn komentojn en lingvoj aliaj ol la angla! Se oni ne volas prezenti Esperanton kiel sekton de fanatikuloj, oni nepre ne faru tion! Ĉio nekomprenata kaj nekonata kaŭzas suspekton kaj negativan sintenon, bv. ne provoki tion per komentoj kiel "Mi subtenas Esperanton" aŭ "Esperanto Great Idea!" aŭ "Long Live Esperanto!". Se oni ne kapablas skribi komenton en malfuŝa angla, oni entute ne skribu - tio estos pli bone por la kazo. Se oni volas skribi ion en la angla, bv. zorgi ke la komento estas modesta, bone argumentita, neagresema, inteligenta, afabla...
2. Kiel voĉdonu tiuj, kiuj nun voĉdonas la unuan fojon?
Se oni neniam antaŭe voĉdonis ĉe change.org kaj NE havas uzanto-konton tie, oni registriĝu tiel ĉi:
Iru al http://www.change.org/ideas
En supra dekstra angulo de la paĝo estos ligilo kun la vorto "Join" ("aliĝi") en blankaj literoj.
Klaku sur ĝin , kaj provizu viajn personajn informojn:
First Name = Persona Nomo
Last Name = Familia Nomo
Email Address = retpoŝtadreso
Password = pasvorto
Birthday = naskiĝ-dato
Fine, klaku sur la bluan kvadraton "Sign up".
Post kelkaj minutoj, malfermu vian retpoŝt-keston, trovu konfirm-mesaĝon (de Change.org) kun blua linio por klaki/konfirmi :
Klaku tie, kaj Revenu al tiu ĉi mesaĝo kun instrukcioj (ĈI TIEN ! !) kaj klaku la suban adreson:
http://www.change.org/ideas/view/introduce_esperanto_as_a_foreign_language_subject_in_schools
Supre, maldekstre, aperos blua kvadrato kun Nombro kaj la vorto "Vote" (Voĉdonu).
KLAKU SUR ĜIN POR VOĈDONI/BALOTI.
Ĝi fariĝos bruna, kaj montros la numeron de via voĉdono.
(Se vi klakos denove, vi NULIGOS vian voĉdonon)
Bonvolu TRADUKI tiun ĉi alvokon kun instrukcioj en vian lingvon kaj
PUBLIKIGI ĝin en listoj kaj grupoj, en blogoj, retpaĝoj, sendu al kolegoj kaj parencoj ktp.
Bergino Dalepro says:
Katalin Kovatspro replies:
Fakte ankaŭ mi ne ŝatus, se alilandanoj decidus pri mia sorto, diktus iun novan leĝon ktp.-
Sed estas iu diferenco. Ni bone scias, ke tio, kion ni proponas estas bona ilo kaj helpo al la infanoj, al la usonaj infanoj. Bedaŭrinde tion malmultaj usonanoj (kaj same alilandanoj) scias kaj pro tio eĉ ne havas ideon prooponi, peti, uzi.
Mi pensas, ke nur esperantistoj ne povos venki en tiu voĉdonado, sed la lanĉita paĝo kaj ties argumentoj povas atentigi aliajn usonajn legantojn, kiuj verŝajne konvinkiĝos kaj mem voĉdonos por la ideo.
Sed mi denove esprimu: ŝajne ni intermiksiĝas en la aferojn de iu lando, sed aliflanke ni estas je supernacia nivelo, INTERNACIA, kaj batalas por la instruado kaj disvastigo de ESPERANTO ĉie, kie eblas, por ke ĝi povu fariĝu dua lingvo al kiel eble plej multe da personoj en la mondo.
Henri Masson replies:
Alie, nenio pruvas ke aliaj aferoj -- ne ĉiuj, mi konsentas -- ne ricevis solidarecan eksterlandan subtenon. Mi eĉ mirus se oni povus pruvi al mi la malon.
Arno Lagrangepro says:
Imre Szabo says:
Dr. Molnár Lajos says:
Li ne rajtas enkonduki tiun ĉi reformon, ĉar ĝi estas agorajto de la unuopaj membroŝtatoj de Usono.
La nun okazanta voĉdono estas grandioza ebleco reklami la internacian pontolingvon en Usono.
Se Usono faras ion malbonan, tion ene de kelkaj tagoj sentas ĉiuj landoj de la mondo.
Post la komenco de la iraka milito la prezo de la krud-oleo leviĝis en la ĉielon. La banko-krizo de Usono atingis jam ĉiujn landojn...
Kial ne povus fari Usono foje ankaŭ ion - bonan...?
Blazio VAHA (n.s. WACHA, Balázs) says:
Certe tio estas ebla. La valoro reklama ĉiel restos.
Vladimír Türk*pro says:
Wanda kaj Edward says:
Por ekonomia kaj scienca sukceso de Usono kontribuis tuta mondo. Kontraŭ impostoj de eŭropanoj edukiĝis multaj kapablaj studentoj, kiuj poste forveturinte en Usonon faris tie sciencan karieron kaj atingis multajn Nobelpremiojn.
Mi okupiĝas pri genealogio. En Usono loĝas multaj miaj foraj kuzoj, kun kiuj pola parto de la familio ne povas kontaktiĝi pro lingva baro.
Esperantistoj el la tuta mondo uzas multekostajn komputilajn programojn (Vindozo), sed Bill Gates kaj lia stabo el Microsoft ĝis nun ne instalis esperantan klavaron, dum en Vindozo estas klavaro por la feroa lingvo parolata nur de 41 mil personoj.
Tial mi voĉdonis por Esperanto sur la retejo „Change“ kaj mi helpis registriĝi kaj voĉdoni al multaj miaj parencoj kaj konatoj, kiuj ne konas la anglan lingvon. Eble finfine Bill Gates ekscios, ke apud la feroa lingvo, ekzistas ankaŭ pli populara lingvo Esperanto, kiu naskigis en la jaro 1887 en lando de liaj prauloj.
Wanda kaj Edward edited this comment 11 months ago.
Arno Lagrangepro says:
"This idea is currently in 30th Place and needs 1758 more votes to be part of the final 10 ideas presented at our event in Washington, DC " (07/01/2009 12:00 UTC)
On January 16, Change.org and the Case Foundation are co-hosting an event at the National Press Club in Washington, DC to announce the top 10 rated ideas and then launch a national campaign behind each idea and mobilize the collective energy of the millions of members of Change.org, MySpace, and partner organizations to ensure that each winning idea gets the full consideration of the Obama Administration and Members of Congress.
"La ideo nun estas en 30a loko kaj mankas 1758 voĉoj por ke ĝi apartenu al la fina dekopo da ideoj prezentotaj en nia evento en ĉefurbo Vaŝintono
la 16-an de januaro Change.org kaj Case Foundation kungastigos eventon ĉx Nacia Gazetarklubo en ĉefurbo Vaŝintono por anonci la 10 plej alte taksatajn ideojn kaj sekve lanĉi nacian kampanjon malantaŭ ĉiu ideo kaj mobilizi la kolektivan energion de la anoj de Change.org, MySpace, kaj partneraj organizaĵoj por certigi ke ĉiu gajninta ideo ricevos plenan konsideron de la Administrado Obama kaj de la Kongresanoj"
Stefano says:
www.change.org/universala_esperanto-asocio
membriĝu tie kiel apoganto de UEA kaj konektiĝu kun multaj personoj, ĉefe kun ne-esperantistoj por tiel disponigi al ili (kaj al aliaj vizitantoj de change.org) ligon al niaj ideo kaj paĝoj kun informoj pri Esperanto.
Varbu voĉdonantojn en la rondoj de via amikaro, kolegoj, asocioj, ktp. Aperigo de arikolo en loka gazeto estus utila.
Tamen, ni konsciu pri la granda nombro da mankantaj punktoj por eniri la 10 unuajn ideojn - kaj pri la restanta tempo: 4 tagoj...
Malgraŭ ĉio, ni almenaŭ faris vastan informadon en Usono kaj vershajne ankaŭ ekstere.
amike, Stefano
www.change.org/profiles/stefano
- - -
Blazio VAHA (n.s. WACHA, Balázs) says:
Laŭ mi ne estas snprobleme, ke la proponon oni ŝanĝis dum la procedo mem.
Odamir says:
Ni laboru kune por montri pace al usonanoj ke Esperanto estas utila lingvo ne nur por ili sed por la tuta mondo.
neniu ajn says:
kaj sxi timas baldaù denove sxangxi por la nura imperiala angla ...?
Laù sxi gxi estas la nura internacia lingvo...kiel la hundoherbo en la gxardenon...Mi diras...
Do mi ne suficxe ellernas por trovi la solvon .
Cxiaokaze Esperantano mi restadas !
[espereble mi ne tro kontraùsencas ...senkulpigu vian lernanton, Katalin]
mi ege aùdacas skribu iun ajn post tiel lertaj Esperantistoj sed multe da TTTejanoj ne komprenas
ecx min, bedaùrinde !
Katalin Kovatspro replies:
Mi kontentas ke ni havas nian lingvon, kaj fakte ne vere volas ke ĉiu parolu ĝin en la mondo.
parolu ĝin nur tiuj, kiuj sopiras esti amikoj, volas komuniki unu kun la aliaj kaj flegas la lingvon.
Se Eo estus ĉies lingvo, ĝi ne plu estus unika por ni.....
Mi pensas ke ĝin ne meritas ĉiu..... do, mi ne tro suferas, se ĝi ne venkos tutmonde....
neniu ajn says:
en Eo...
Salutu la viajn .