| August 2008 | ||||||||
|---|---|---|---|---|---|---|---|---|
| Sun | Mon | Tue | Wed | Thu | Fri | Sat | ||
| 1 | 2 | |||||||
| 3 | 4 | 5 | 6 | 7 | 8 | 9 | ||
| 10 | 11 | 12 | 13 | 14 | 15 | 16 | ||
| 17 | 18 | 19 | 20 | 21 | 22 | 23 | ||
| 24 | 25 | 26 | 27 | 28 | 29 | 30 | ||
| 31 | ||||||||
Այս վայելչագեղ արտայայտութեամբ որակեց Ռուսիոյ գլխաւոր բժիշկը ծխախոտի վաճառքին հնարքները երբ որոշ գլանիկները վնասը քօղարկելու համար կը կոչուին «թեթեւ» կամ «գերթեթեւ»:
Հիմա խօսքս ծխախոտի վնասներու մասին չէ, այլ լեզուին:
«Ցեղին ցեղասպանութիւնը»:
Published at 14:17
/
0 comments
/
153 visits
This post is public
Իր գործածած նիւթերուն մասին ոչինչ կ'ըսէ, սակայն կ'ենթադրեմ որ առնուազն վերացական կտաւները ստեղծուած են համակարգիչի պատկերամշակ յայտագրի մը օգնութեամբ:
www.ipernity.com/doc/mayaeidolon/home?from=2582948&at=1217771101
Published at 14:21
/
0 comments
/
236 visits
This post is public
Քիչ առաջ տեսայ. սակաւաթիւ խմբակ մըն էր, որ կը քալէ: Դրօշակակիրը ծերունազարդ պարոն մըն էր: Շիտակ կը քալէր սակայն եւ առանց անթացուպի:
Ուտող խմող վարազի վիզերով տղաք կային, մէկը առձեռն հեռաձայնով կը խօսէր:
Պահ մը երեւցաւ նաեւ գլխաւոր մարզիկը Սերժ Սարգսեան նախագահը: Անչակերտ կը գործածեմ բառը: Վեր ցատքելու ախոյենութիւնը իրեն կը պատկանի իրաւամբ:
Published at 13:58
/
0 comments
/
200 visits
This post is public
ՊԵռլինի վրաց դեսպանը կը խօսի հեռատեսիլէն: Մոսկուա որոմ կը ցանէ վրացիներու եւ օսերու միջեւ:
Պատմութեան դասը չէ սերտած: Կարծես օսերուն ռուսասիրութիւնը անկեղծ ըլլար: Կարծես անոնք օր ու գիշեր կ'երազեն ռուսերուն ծոցը նետուիլ:
Չարագոյն պարագային Վրաստան պիտի կորսնցնէ այդ նահանգը, եւ իր գլխու ցաւն ալ պիտի դադրի: Ռուսիան կասկածելի դրացի մը պիտի ձեռք բերէ, որ արդէն արեան համը բերանը առած է եւ պիտի ձգտի կատարեալ անկախութեան՝ միանալով ռուսապատկան հիւսիսային Օսաստանին:
Published at 16:14
/
0 comments
/
222 visits
This post is public
Արեւմուտքի ձախը կոկորդը կը պատռէ ոռնալով անձնականին դէմ կատարուող ոտնձգութեանց մասին:
Մեծ եղբայրը կը հսկէ մեզ, մեզ կը լուսանկարեն, կ'ունկնդրեն գաղտնաբար, մեր թղթակցութիւնները կը ժողվուին շտեմարաններուն մէջ եւլն:
Եթէ նոյնիսկ մէկը կը լուսանկարէ զիս կամ կը կարդայ անձնական թղթակցութիւններս. ինծի ինչ: Հո՞գս է:
Ընդհակառակն. ինքս է որ չեմ ուզեր ուրիշին անձնականին միջամուխ ըլլալ: Այս առտու շոգեկառքով Միւնիխ կ'երթայի: Օրիորդ մը նստած էր քիչ անդին: Կը խօսէր դիմացը նստած քառասնամեայ պարոնին հետ: Մարդը կեանքի եւ կրթութեան վերաբերեալ մեծադղորդ խրատներ կը կարդար:
Դատումներ կը յայտնէր սորվելիք լեզուներու մասին: Անգլերէնը, կ'ըսէր, ամէն շուն գիտէ: Ֆրանսերէնին առոգանութիւնը դժուար է: Սպաներէնը ահա դիւրին է: Իտալերէնն ալ: Մանաւանդ որ երաժշտութիւն կը սորվիս՝ իտալերէնը օգտակար է:
Բարձրաձայն, անընդհատ, անթիւ-անհամար կրկնութիւններով:
Մտիկ ըրինք ակամայ:
Փորձութիւնը ունեցայ պոռալու.
-- Անգլերէն-մանգլերէն կշռելէդ առաջ մէյ մը կէս բերան գրական գերմաներէն սորվէ, գեղջուկ:
Published at 18:47
/
0 comments
/
210 visits
This post is public
Գերմանիոյ արտաքին նախարարը, որ կառավարութենէն անկախ քաղաքականութիւն մը կը վարէ եւ կը շարունակէ նախորդ վարչապետին ինքնակործան ընթացքը, ամօթալի յայտարարութիւններով հանդէս եկաւ՝ պաշտպանելու համար Ռուսիոյ շղթայազերծած պատերազմը:
Ֆրանսան միջնորդելու բուռն ճիգերը ձեւացուց, սակայն կեղծիքը բաւական ակներեւ է:
Միայն ԱՄՆ եւ Անգլիան անվարան ընթացք մը բռնած են աներկիմաստ դատապարտելով Մոսկուան:
Ռուսիան պարզապէս փորձի ենթարկած է Արեւմուտքը եւ տեսած, որ ան իրմէ կը վախնայ:
Published at 19:12
/
0 comments
/
218 visits
This post is public
Գերման թերթերը Տիկ.Ա.Մերքէլի եւ Ռուսիոյ նախագահ Մետուետեւի հանդիպումին մթնոլորտը կը նկարագրեն իբրեւ սառն: Վարչապետուհին պահանջած է ռուս բանակին նահանջը Ռուսիայէն:
Առջի օրը Ռուս հիւպատոսարանին առջեւէն անցնելով տեսայ տասնեակ մը երիտասարդներ՝ վրացական դրօշներով ու դատապարտող պաստառնեորով:
Published at 20:12
/
1 comment
/
407 visits
This post is public
This form is secure
Send a message
Search for members
