Եւրոպական Ընտրարշաւը

Քանի որ նոր գերպետութիւն մը կը կերտենք, պէտք է որ ան խորհրդարան մը ունենայ, որպէս զի օրէնքներ կեանքի կոչէ եւ ստորադաս պետութեանց ճամբան ցուցնէ:

Քանի մը օր առաջ քուէարկելու հրաւէրը ստացայ՝ եւրոպացի քուէարկողիս տոմսակը ապսպրելու:

Մինչեւ հիմա չեմ գիտեր, թէ ո՞վ է թեկնածուն եւ ի՞նչ է ծրագիրը: Անճանաչելի յապաւումները կը վխտան. ո՞վ է արդեօք ամէն մէկուն ետին:

Կարծեմ համարկման հակառակորդներուն քուէս պիտի տամ: Պէտք է ներսէն քակել այդ հրէշ կառոյցը: