NAVAVAR <->ՆԱՒԱՎԱՐ's blog

Իր գործածած նիւթերուն մասին ոչինչ կ'ըսէ, սակայն կ'ենթադրեմ որ առնուազն վերացական կտաւները ստեղծուած են համակարգիչի պատկերամշակ յայտագրի մը օգնութեամբ:

www.ipernity.com/doc/mayaeidolon/home?from=2582948&at=1217771101

Այս վայելչագեղ արտայայտութեամբ որակեց Ռուսիոյ գլխաւոր բժիշկը ծխախոտի վաճառքին հնարքները երբ որոշ գլանիկները վնասը քօղարկելու համար կը կոչուին «թեթեւ» կամ «գերթեթեւ»:

Հիմա խօսքս ծխախոտի վնասներու մասին չէ, այլ լեզուին:

«Ցեղին ցեղասպանութիւնը»:

news.mail.ru/economics/1919015/

Անցեալ շաբթուան Յառաջի մէջ Արփի Թոթոյեան կը տրտնջէ աշխարհէն որ մեր ցեղասպանութիւնը կամ չի նշմարեր կամ ալ կը շահագործէ:

Եւ քայլ մըն ալ անդին կ'երթայ: Քարաճիչ ընդամէնը քանի մը հազար հոգի սպաննած է, սակայն ցեղասպանութիւն բառը անպակաս է անոր ձերբակալութիւնը հաղորդող լուրերէն: Մինչդեռ մենք միլիոն ու կէս զոհ տուած ենք:

Կ'ըմբռնեմ Արփի Թոթոյեանի դառնութիւնը: Սակայն ինքն ալ իր իսկ դատապարտած արարքը կը կրկնէ: Ցեղային մաքրագործումը զոր Քարաճիչ կատարած է ցեղասպանութիւն է եւ ուրիշ ոչինչ:

Դիակոյտին բարձրութիւնը չէ որ կ'որոշէ ոճիրին ցեղասպանութիւն ըլլալը կամ չըլլալը:

Սպանիչ մէկ հատիկ այս նախադասութեամբ Յակոբ Պարոնեան բնութագրած է իր Ազգային Ջոջերէն մէկը:

Քրիստոնեայ ազգ մը, հայրենիքը Հռովմի քահանայապետին եւ հայրենիքը մեծն Լութերի մզկիթ մը կը շինէ Ալճէրիոյ մէջ ուր քրիստոնեաները հալածուած են: Եւ ճարտարապետը կը հպարտանայ թէ աշխարհիս ամէնէն բարձր մինարէն պիտի ունենայ իր շինելիք մեհեանը: Քէոլնի համբաւաւոր մայր տաճարէ՞ն ալ բարձր արդեօք:

Ահա ուր հասած ենք: Ոչ միայն Եւրոպայի մէջ մզկիթ կը տնկուի հոս ու հոն, այլեւ եւրոպացին կ'երթայ օտար ափերը մզկիթ շինելու:

Մօտ է խորտակումդ, Եւրոպա:

de.news.yahoo.com/afp/20080717/tpl-d-algerien-frankreich-mittelmeerunio-ee974b3.html

Փութին՝ Ռուսիոյ վարչապետի իր նոր առաքելութեան մէջ՝ հրահանգ մը ստորագրած է:

Բարեգործական միութիւններուն ու ընկերակցութիւններուն արտասահմանէն ստացուած նուիրատուութիւնները ենթակայ են 24% տուրքի մը:

www.russie.net/article4390.html

Արեւմտեան երկչոտ մամուլը կը բացատրէ նոր օրէնքը այն փաստով որ ընդդիմութիւնը ճիշդ բարեգործական ընկերութեանց խողովակով կը տիրանայ դրամի: Այն ատեն հասկնալի չէ թէ ինչու միայն 24 առ հարիւրը կը գանձուի եւ ոչ թէ ըսենք 60ը կամ 75ը:

Ըստ իս, Փութին այդ կազմակերպութիւններէն կաշառք կորզելը մենաշնորհի վերածած է: Հիմա ոչ թէ մանր-մունր պաշտօնեաները մատը պիտի լզեն, այլ ինք անձամբ:

Պէտք է որ Երեւանն ալ կապկէ այս իմաստուն որոշումը: Որպէս զի մեր հայաստանճիները ոչ թէ խաչքար-յուշաղբիւր շինեն, այլ «փոխան ծաղկեպսակի» մը դնեն «հայրենի կառավարութեան» ափը:

Երէկ ճանչուոր մը կը բացատրէ տիկնոջս.

- Ես վապշէթը ցելեվիզռով միայն նովոսցի եմ նայըմ:

Քանի մը վայրկեան ետքն ալ ուրիշ առիթով մը մեղմօրէն կը հանդիմանէ տիկինս որ իր «հայերէնը» շնորհքով չի հասկնար:

obama ascension water Marx

les4verites.com/Barack-Hussein-Obama-1965.html

Սովետական տարիներու պէս ռուս գաղտնի ոստիկանութիւնը Ռուսիոյ մէջ գործող Աւետարանական եկեղեցիներու անդամներուն ցանկերը կը կազմէ կամ կազմել կու տայ եւ առաջուան պէս ճնշում կը բանեցնէ հաւատացեալներուն վրայ:

Երկրին Սահմանադրութեան առնուազն երկու յօդուածները կը բռնաբարուին այդպէսով. ոչ ոք իրաւունք ունի ժողվել եւ ամբարել անձի մը մասին տեղեկութիւնները առանց խնդրոյ առարկա անձին համաձայնութեան: Անձնական կեանքը նոյնպէս անձեռնմխելի է ըստ սահմանադրութեան:

kolokol.ru/religion/64802.html

Քանի մը օր առաջ հիանալի էջակայք մը գտայ.

www.childrenslibrary.org

Բազմաթիւ լեզուներով մանկական գիրքեր կան կարդալու համար՝ իրենց նկարազարդումով հանդերձ: Տրամադրելի չեն սակայն վար քաշելու համար:

Կը փափաքիմ եթէ ժամանակս ներէ թարգմանել անոնցմէ մէկ քանին հայերէնի:

Թերեւս ուրիշ հայրենակիցներն ա՞լ փափաքին մասնակցիլ:

Գերմանիան կը ջնջէ 1885ին՝ Պիսմարքի հաստատած օրէնքը որ կ'արգիլէ եկեղեցական պսակը  պետական ամուսնութենէն առաջ:

Բազմաթիւ քահանաներ պատիժներ կրած են պսակելու համար քաղաքապետարանի մէջ ամուսնութիւնը չկնքած զոյգերը:

Ինքս տակաւին եւրոպացի չեղած՝ բռնաբարած եմ թէ Ֆրանսայի թէ Իտալիոյ օրէնքը կարգուելով նախ եկեղեցիի մէջ եւ հուսկ ապա՝ Վերսայլի քաղաքապետարանին մէջ:

Երանի՛ ուրիշ կայսրերն ալ խոնարհին Աստուծոյ առջեւ եւ հրաժարին Տէրոջը բաժինը իրենցը նկատելէն:

Եւրոպացին Ամերիկայի սեղանին աւելցուքները կը լափէ ախորժակով: Փոխանակ արժանի սեղանակիցը դառնալու:

Այս իրիկուն հեռատեսիլէն նոր շարժապատկեր մը կը դարձնեն: Հայրը եւ որդին կը խօսակցին ձայնասփիւռի գործիքներու միջոցաւ: Երկուքը տարբեր ժամանակներու մէջ կ'ապրին: Որդին արդէն մեծցածը եւ կեանքին մէջ կատարուելիքներուն արդէն տեղեակ է: Կը յայտնէ ամէն բան հօրը, որ զարմանքով մտիկ կ'ընէ:

Քանիերո՞րդն է արդէն այդ տեսակին մէջ: Եւ մինչեւ երբ պիտի այդ նիւթը կարկտուի եւ մեզի հրամցուի:

Մարդիկ պէտք ունին տեսնելու, որ մահէն ետք սովորական իրենց կեանքին պէս կեանք մը կը շարունակուի: Որ մեռնելով՝ պիտի չգիտնան ալ որ մեռած են: 

I question whether you ought to refer to an ethnic minority as 'them'.

(Inspector Wexford to his wife)

Ruth Rendell

news.bbc.co.uk/2/hi/europe/7459976.stm

Լիթուանիոյ խորհրդարանը ապօրինի հռչակած է նախկին խորհրդային խորհրդանիշներու հրապարակաւ գործածելը եւ ցուցադրելը՝ հաւասարեցնելով զանոնք ազգային-ընկերվարական Գերմանիոյ խորհրդանիշներուն:

Ազգեր կան, որոնք բնական ձգտում մը ունին առողջ եւ մաքուր ապրելու:

Հայերս անոնց թիւին չենք պատկանիր:

Ուշագրաւ է, որ աշխարհիս երեսին ԱՄՆէն բացի ուրիշ պետութիւն չկայ որ պաշտպանէր հալածուած քրիստոնեաներուն դատը:

Համացանցը հեղեղուած է եւ մամուլին մէջ կը յորդի. Լեւոն Տէր Պետրոսեանը հրեայ մըն է, հրէական կազմակերպութեանց հրահանգով կը բանի ու ազատ որմնադիրներուն նպատակները կը հետապնդէ:

Թող ոչ թէ ԼՏՊի կինը, այլ ի՛նք նախկին նախագահը հրեայ ըլլար: Հրեայ ըլլալը կամ չըլլալը երկիրը կողոպտելու եւ քարուքանդ ընելու հետ ինչ կապ ունի:

Քոչարեան հրեայ չըլլալով /ով գիտէ թէեւ, թերեւս հիմա մէկը մէջտեղ հանէ փաստերը/ պակա՞ս կողոպտած-ծախած-քանդած է:

Մելգոնեանը Հրեաներու ձեռքով փակուած է: Շէնքին պէտք ունին եղեր: Իրենց սինակոկը պիտի բանան հոն:

Մուրատ-Ռափայէլեանը նոյնպէս փակուեր է հրեաներուն ջանքերով: Տասնեակ մը վերջին աշակերտները իրենց աչքին փուշն էին: Որպէս զի պարապ-սարապ չսլքտան Վենետիկի փողոցներուն մէջ, որոշած են փակել տալ դպրոցը:

Միջին Արեւելքի երկիրներու մէջ հրեայ չկայ կարծես թէ: Սակայն գաղութներուն մէջ անոնց նիւթած դաւերուն ամէն օր կը բաղխիս: Կը խոչընդոտեն հայ մանուկներուն մուտքը ազգային վարժարաններուն մէջ: Հայու ձեռքէն հայատառ լրագիրը կ'առնեն ու տեղը օտար թերթուկ մը կու տան:

Պոլսոյ պատրիարքը հրեայ մըն է: Ձեռնադրել տուած են որպէս զի մեր պայքարը կասեցնէ եւ մեր կալուածները կառավարութեան ձեռքը ձգէ:

Մեր կուսակցապետները հրեայ են: Բացէ ի բաց յայտնի չեն ըներ, սակայն երբ առանձին մնան՝ հայ մանուկ մը կը մորթեն ու կ'ուտեն:

Մեր մամուլն ալ հրեաներուն ձեռքն է: Անոնք են որ հոգ կը տանին որ կարդալիք չգտնուի մեր լրագիրներուն մէջ:

Հրեաներ կան, որ հակասեմական կը ձեւանան: Սակայն գաղտնաբար կը գործեն իրենց շահուն համար:

Հայ ցանցախօս մը կը յորդորէ չապաւինիլ արեւմտեան օգնութեան՝ հայկական քաղաքական կեանքին մէջ:

Կը պնդէ որ Ընքըլ Սէմը: Շորոշ հիմնարկը եւ Թագուհին ճիշդ նուիրատուները չեն երբ ազատութեան համար կը պայքարիս:

Մեր կողմէն աւելցնենք, որ ազատութեան միակ հասցէն Մոսկուան է:

Եթէ բնակած չըլլայի երկրի մը մէջ, ուր հասարակ համացանցաւորը պատասխանատու է ոչ միայն իր գրածին եւ հրատարակածին, այլեւ յղումներուն համար ալ,  պիտի չվարանէի յանձնարարել...:

Ահա յղումը

tkihi.narod.ru/frame.htm

English, Polska, Español Русский

Կարկառուն գերման նուագավար մը Լեհաստանի մէջ հիւրախաղերուն ատեն բարեկամէ մը նուէր կը ստանայ հնատիպ մանկական գիրք մը:

Օդակայանի մէջ մեկնած պահուն այդ գիրքը վար կը դրուի, եւ մաքսատունը կ'արգիլէ արուեստագէտին ելքը երկրէն: Հետաքննութիւնը երկու օր կը տեւէ, եւ խնդրոյ առարկան է Լեհաստանի ազգային արժէքներուն ապօրինի արտածումը:

Նախ եւ առաջ հարցում կը ծագի. ցորչա՞փ ջնջուած են մաքսային ձեւակերպութիւնները Եւրոպական միւթեան հիմնադիր եւ նորամուտ երկիրներու միջեւ:

Արուեստագէտը կը վերագրէ պաշտօնեաներուն նախանձախնդրութիւնը ոտնագնդակի յարուցած քէնին:

Ուշագրաւ հանգամանք մը եւս. խնդրոյ առարկայ Լեհաստանի ազգային հարստութիւն եղող հնատիպ գիրքը... ռուսերէն է: