Hejme devige

Saluton al ĉiuj,

Ŝajnas ke mi havas multe pli da tempo por trairi la ipernitiajn paĝojn de miaj kontaktoj kaj aliaj, sed mankas deziro. Mi suferis veturilan akcidenton je la fino de februaro. Mi devis resti en malsanulejo dum tri semajnoj, kaj nun devas ripozi kaj resaniĝi iom post iom. Mi rompiĝis kokson kaj meniskon kaj nur nun mi ekpaŝas per lam-bastonoj. Mi ne rajtos apogi la maldekstran piedon ĝis la fino de majo, ĝis novaj instrukcioj, kompreneble.

La akcidento okazis pro manko da dormo. Post 70-kilometra veturado, mi senkonscie ekdormetiĝis jam veturante la lastan kilometron antaŭ alveno al hejmo. Mi okupis la kontraŭan koridoron kaj koliziis kun alia aŭto. Feliĉe, la alia veturanto ne suferis apenaŭ vundojn. Tiumatene, mi iris al universitatajn kursojn pri la franca lingvo kaj revenis hejmen por tagmanĝi kaj tuj poste labori en lingva lernejo.

Tio malhelpas min ĉeesti la kongreson en Malago, malgraŭ mia intereso por revidi la urbon kaj amikojn. Krome, miaj universitataj ekzamenoj (almenaŭ la plejparto) sendube devos atendi la septembran ekzamen-serion. Mi esperas plene kaj senprobleme marŝi kaj labori proksimume je la fino de la somero. Mi esperas profiti por legi, spekti filmojn, eĉ studi. Espereble mi havos deziron tion fari. Mi ankoraŭ devas alŝuti multajn fotojn ekde la pasinta somero.