Olda poemeto, alia

William AULD:

AL NOVNASKITA NEPINETO 

(EL "Neenlibrigitaj poemoj")

1986

Etulino, Etulino

      Ave mi salutas,

Kaj ĉe pordo de l' destino

      Amon al vi ŝutas.

Trans la pord' atendas ĉio,

Plena korb' da emocio:

Paŝu vi kun energio,

      Ja la vivo krutas!

Sed survoje al la alto

      Dum la granda peno

Vin subtenu korekzalto,

      Ne malhelpu spleno.

En mallum' ne kaŭru honte!

Spertu vigle kaj volonte,

      Brava laŭ sinteno!