Meblistiko... Sorobano... Buoteksto

Meblistiko kaj aliaj aferoj

 

Mi komprenas nur la tablon,

vi komprenas nur la seĝon;

ĉu do devas ni akcepti,

ke ne eblas kunkoncepti?

 

Povas levi mi piedon,

sed vi nura povas paŝi;

eble vi sukcesos puŝi

min, kaj mi sukcesos... fuŝi.

 

Tablistiko, seĝistiko,

ĉu la mondo disfalemas?

Adicion mi lernintas,

multiplikon mi ne lernas.

 

Homo, estu optimisma!

Estu tia la dirinto!

Tamen helpu, samlingvano,

iri tra la labirinto

 

 

 

 

----------------------------------------------------------------------------------------------

 

 

Sorobano, sorobano

 

 

Sorobano, Sorobano,

vin nun laŭdoj ne plu banas:

kiam Espon vi kunhelpis,

vin espistoj ege festis.

 

En lernejo de Talento

infanetoj adiciis

fulme nur trilingve. Kiel?

La gapantoj mem ne sciis.

 

La gepatroj..., la gepatroj

estis ege ja fieraj.

Tamen certe la konsentoj

estis iam duonveraj.

 

"La lernejo estas bona,

sed mi ĵuras, ke la filo,

kvankam certe li saĝiĝos,

espistaĉo ne fariĝos".

 

 

La lernej' nun aĉetitas,

varbas ni ne sorobane.

Propedeŭtiko por la Angla

lingvo estas pli probabla.

 

Propozicioj

 

Ne tro streĉu viajn nervojn!

Vivu iom pli libere!

diris la konfersprenanto

devus tion diri ne li.

Li ja devis diri tion,

damne, li, ve, mortis poste !!!

mondo estas fakte bela

kial ĉion do konfuzi

 

 

 

BUOETEKSTO

 

 

 

Johano diris iam al mi:

"Kial flegas vi tabuojn?

Fakte, mi evitas buojn...

Ne respektu mi tabuojn!

 

Ne malhelpas riĉigadon

mi, jen mia propra sperto,

Sed nenion malkonstruas

mi, dankal konservo-lerto.

 

Glosoj

 

 

Johano - Esperanta vira nomo. Persona nomo ankaŭ de Johano Petik,

dankal - pro (io pozitiva), danke al, dankeble al, dankende al, dankinde