Renkonto okaze de la 100a jubileo de Esperanta klubo de d-ro Schulhof en Pardubice.

De la 3-an ĝis la 5-an de julio okazis en Kostrŭo-mezlernejo en Rybitví renkonto de esperantistoj, por festi centan datrevenon de EK de Pardubice. Alveturis 3 poloj, 3 germanoj, 1 nederlandano, 1 danlandano, 1 francino, 1 bulgaro kaj surprize ankaŭ gefratoj el Suda Koreio. Kompreneble krom 31 ĉeĥaj samideanoj, kiuj alveturis el 16 lokoj de tuta Ĉeĥio. Organizantoj prezentis video-prezentaĵon pri historio de la Klubo, partoprenantoj povis trarigardi kaj tralegi ĉiujn 14 kronikojn. Dum konatiga vespero ni dancis kaj kantis kaj dum promenoj oni povis trarigardi banlokon Bohdaneč, urbon Pardubice kaj proksiman memor-monumenton dediĉita al eltrovintoj de la plugilo - kuzoj de Veverka. Sabate interesuloj ekskursis, en Afrikan muzeon de d-ro Emil Holub en urbo Holice kaj poste ili vidis mond-unikaĵon - lignan betlehemon en Třebechovice. Ĉu plaĉis la renkonto al ĉiuj? Almenaŭ al organizintoj ili diris - JES.