L’ unuaj jaroj de l' Jarmilo Tria

instruis multon al tuta Tero.

Ne gravas, ke la spac-ŝiparo nia

La kosmon krozas por stelar-konkero.

 

Kontrasto monda estas pli-kaj-plia.

Kum riĉon, forton kelkaj kun fiero

Montradas al la monda part’ alia

Mortanta pro malsano kaj mizero,

 

de l’ Kosma Forto venas leciono:

Ja tre malgranda estas nia kono,

kaj sensignifa ĉ ela Pov’ Senfina.

 

Ne gravas riĉo, forto kaj fiero!

Memoru, homo: estas vi sablero

senpova ĉe Cunamo kaj Katrina.