Sur la kampovojo



Sur la kampovojo

nur tri ĉaroj kunas,

la ĉaristoj fajron

bruliginte fumas.



Diras la unua:

„Ni en urbo estis

pro la heredaĵo,

sed nenio restis.”



La alia: „Torĉon,

ĉerkon mi ekhavis,

mian solan filon

la forstisto pafis.”



Jen la tria: „Miaj

bovoj du ŝatataj

pro imposto morgaŭ

estos aŭkciataj.”



Ekas jam la ĉaroj

sur la kampovojo,

kvazaŭ ŝtonŝarĝitaj

knaras kun malĝojo.



El la rumana tradukis Imre Szabó.