nova babilejo

Saluton!

Fakte ne tute nova, ĉar IRCujo estas kvazaŭ la prababilejo de Retlando (aperis antaŭ ĉ. 20 jaroj).

Freenode estas nur unu el la povincoj de IRCujo.

Kaj ##esperanto estas nur unu el la multaj kanaloj en ĝi.

Por krokodilidevaj novuloj krome ekzistas #komencintoj.

Kaj iam mi kreis ankaŭ #progresantoj.

(Ankaŭ ekzistas ekz. ##deutsch, ##English kaj ##francais. :-) )

Atentu, ke la nomoj de kanaloj komenciĝas per "#" (plej kutima), sed ankaŭ ekzistas tiaj kun "##".

Mi ne rekomendas eniri IRCujon tra TTT-a pordo, sed uzi veran IRCumilon.

Por uzantoj de la retumilo Fajrovulpo ekzistas aldonaĵo ChatZilla, per kiu oni povas komforte IRCumi plurservile kaj plurkanale.

Eĉ eblas uzi verajn Esperantajn literojn en Freenode, se oni agordas CZ-on por subteni UTF-8.

Lastatempe la malstabileco de la lernu.net-a babilejo ŝajne "pelis" multajn babilemulojn al IRCujo. :-)

Jen okazo fine iam blogi pri la afero.

Mi espereble baldaŭ venkos mian pigrecon kaj faros tion.

Do iam aperos plia plurparta serieto en mia blogo. ;-)

Kolonjano

Dankon pro la klarigoj....nur nun mi malkovris ĝin (dank'al ghiridar) kaj pensis ke estus bone sciigi al la aliaj esperantistoj. Mi havas demandon; kial vi ne rekomendas eniri tra TTT-an pordon? mi ne instalis IRCumilon! Ĉu eblas ne funkcii bone? Dankon, mimi

Saluton!

TTT-a enirejo al ekster-TTT-ejo nur estas kompromiso por kontentigi homojn, por kiuj Interreto kaj TTT estas sinonimoj.

Ekzemple enirante per TTT al Freenode vi ja vidos liston de kanalanoj, sed ne ilian staton.

Kontraste al la babilejo de lernu.net en IRCujo eblas indiki foreston.

Tamen ankaŭ per tiu enirejo vi povas uzi la <TAB>-klavon por kompletigi nomon de babilanto:

Ekz. vi bezonas tajpi nur Kol<TAB> por aperigi KoLonJaNo, se mi estas en la listo.

Kolonjano

Dankon!

Mi jam elŝutis IRC-ilo kaj mi jam povas babili!
Estas tre bona ilo kiun mi ne konis ĝis nun. Dankon!

Funkcias !!!

Mi ankaŭ ŝatas chatonic,tamen tie mankas Esperantistoj.Mi nun uzas ĉefe skajpo.