This form is secure
Send a message
Search for members
This post is public
Karaj vizitintoj kaj vizitontoj,
Por ke vi pli bone sciu pri miaj intencoj kaj deziroj cxi tie en Ipernity, mi kopias cxi sube la gxisdatigitan resumon de mia persona historio kiu estis la enkonduko de prelegeto dum la SAT kongreso en Antony [pariza regiono] . Vi povos trovi la kompletan tekston de tiu prelegeto inter miaj dokumentoj [sub formato PDF, elsxutebla]
Do, vi povas atendi de mi ke mi ofte verku pri handikapigaj situacioj..sed mi aldonos artikolojn pri diversaj temoj homsciencaj,filozofaj kaj prezentoj de rimedoj laux mi nepre konendaj de aktivuloj.
Ne hezitu komenti , sugesti, meti demandojn. Mi pretas cxu mem respondi cxu helpi vin en la trovo de solvoj al viaj demandoj..
Ne hezitu peti de mi ke mi aldonu al miaj dokumentoj viaj atestoj pri aspektoj de handikapigaj situacioj konataj de vi. Mi metos ilin je la dispono de cxiuj [pro tio mi farigxis "pro" cxe Ipernity]
En la sama jaro 1976, tiu tempe ankoraux juna instruisto, mi frapis cxe du pordoj..La unua estis tiu de SAT [Sennacieca Asocio Tutmonda], la dua estis tiu de asocio ligita al instruista medio kiu zorgis pri la akcepto de handikapuloj [oni ankoraux ne diris personoj en handikapigaj situacioj] kiu dungis min, aux pli ekzakte akceptis min kiel sxtatoficisto metita je la servo de la asocio. Tiu asocio, lige kun la francaj publikaj instancoj kaj cxefe kun la publika lernejo farigxis unu el la grandaj federacioj kiuj nun fakas en la akompano de personoj en handikapigaj situacioj en Francio. Mi tre modeste partoprenis en tiu evoluo per la koncepto de administraciaj dosieroj por la kreado de novaj establejoj aux servoj. Nun cxe parta emeritigxo, mi ligas miajn du aktivecojn: partopreno en la vivo de la administracia skipo de APAJH [Asocio Por Junaj kaj Adoltaj Handikapukoj] kaj aktivado cxe SAT...kaj je via servo amikoj en Ipernity
Béla Apáti Kovács says: