Vojerariĝanta supre

Viro vojeraras per sia varmaera aerostato. Iom malsupreniĝas, kaj ekvidante virinon starantan sube sur la tero alkrias ŝin :

Pardonu! Ĉu vi povus helpi al mi? Mi promesis al mia amiko renkontiĝi kun li jam antaŭ unu horo, sed mi vojeraris, kaj mi nun eĉ ne scias kie nun mi estas.

La virino de sur la tero respondas jene :

- Vi troviĝas en varmaera aerostato je ĉirkaǔ 10 metroj super la tero, inter 40. kaj 41. gradoj de norda latitudo, kaj inter 59. kaj 60. gradoj de okcidenta longitudo.

- Vi certe estas inĝeniero – diras la viro.

- Jes, fakte, sed de kie vi scias tion?

- Ĉio, kion vi diris al mi, teknike estas korekta, sed mi eĉ koncepton ne havas, kiel mi utiligus tiujn informojn, eĉ ankoraŭ nun mi ne scias, kie mi estas. Verdire vi ne tre helpis min, eĉ obstaklis min en mia vojo.

- Vi laǔ mi estas politikisto – respondas la virino.

- Vere - kapjesas la viro konsentante - sed de kie vi scias tion?

- Vi ja ne scias kie estas, nek tion, kien iras. En la momentan pozicion vin kuntrenis la favoraj ventocirkonstancoj. Vi donis tian promeson, pri kiu eĉ koncepton ne havis, kiel povos ĝin plenumi, kaj nun atendas la solvon de via problemo de homoj troveblaj sub vi. Fakte vi troviĝas en la sama situacio, kiel antaŭ nia renkontiĝo, sed tiu jam estas mia respondeco.